Happy Vacation

السلام عليكم ورحمة الله وبركاته

ازيكم يا بشر

بداية احب اهنئ الشعب الحاسوباتي .. باﻻجازة واﻻنتخة والنوم واﻻكل

وطبعا البلاي ستيشن

وكل فيفا وانتم طيبين .. حد معاه سوكر 2010

تهنئة خاصة لرجالة 513

كل خروجة وانتوا طيبين يا رجالة .. بس بعد كده اللي يطلب بيتزا حجم كبير يبقى يخلصها

مش هسمح للموضوع ده انه يتكرر تاني

والراجل بتاع البوريو اللي في المنصورة ده كويس على فكرة

بس برضه عمو بتاع معصرة مكة اللي ورا محطة سيدي جابر – اسكندرية احسن برضه

ان شاء الله المرة الجاية تبقى بعد امتحانات الترم التاني

واحنا طالعين فرحانيين ان شاء الله

ومرة كمان بعد مناقشة مشاريع التخرج .. ومش عايز اشوفكم تاني بقى

كل ترم وانتوا طيبين يا رجالة

….

كان نفسي اروح معرض الكتاب .. وخصوصا كان نفسي احضر النهاردة

اللي هو السبت 6 – 2 – 2010

في حفل توقيع كتاب : الضرب في الميت … لــ احمد الصباغ

انا متابع مدونة احمد من فترة .. وكان نفسي اشتري الكتاب

شكله جااامد

والراجل كتاباته جاااااااامدة جدااا

بس للاسف عندي دور برد جااامد جداااا .. مقعدني في السرير من يوم ما رجعت بيتنا

..

انا ان شاء الله رايح كايرو اي سي تي

يوم الثلاثاء الجاي

9 – 2- 2010

حد جاي ؟؟

اخخخخخ … نسيت صاحبي محمد السيد

didooofidooo

مبروك الفرح يا ريس .. مش فرحه طبعا دا فرح اخته

دا لو كان فرحه كنت قتلته .. يتجوز قبلي ليييييييييييييييييييييييه

؟

هو حقد وخلاص … حد عنده مانع

؟

مبروووك يا مان .. معلش مش هعرف اجي بقى

وده بعتبره اعتذار رسمي لسعادتك .. ﻻني مش ﻻقي سعادتك اون ﻻين في اي حتة

وﻻني عارف انك مش هتقعد على النت اﻻ بعد الفرح ب3 او 4 ايام

وربنا يتمم بخير

حد بيعرف يزغرط بقى

اقعدوا بالعافية

Egypt Vs Ghana .. Got the CUP

السلام عليكم ورحمة الله وبركاته

..

كلاكيت تاني مرة

اكشن

النهاردة داخل ابارك واهني .. واقووول

مبرووووووووووووووووووووووووووووووووووووك لبعد بكرة الصبح بقى

لمنتخبنا الوطني

بقيادة العظيم حسن شحاته .. اللي فعلا اثبت انه معلم

ومهما قولت مش هوصف فرحتي النهاردة

..

اوﻻ : ﻻني اتفرجت على الماتش .. دي حاجة

الحاجة التانية .. اني شوفت الماتش مع اهل ايجي كلاود .. مش في الشركة طبعا .. بس في كافيه جمب الشركة شوفنا فيه الماتش

واﻻيجي كلاوديين بيشجعوا مصر … وانا كنت معاهم

الحاجة التالتة … اننا اخدنا الكأس للمرة التالتة على التوالي

محمد جدو اﻻعب اللي الناس كلها كانت معترضة انه في المنتخب وازاي يروح المنتخب وميدو  ﻻ

مجموع الدقايق اللي لعبها مع المنتخب مكلمش 45 دقيقة

جاب اهم 5 اهداف في تاريخ مصر .. وفي تاريخه طبعا

ودخل التاريخ .. وهداف البطولة كمااان

وده الهدف الجميل اللي جابه النهاردة

…

الواد ده حكاية يا جدعااااان

لما نزل ملمسش غير 3 او 4 كور فعلا

منهم لمسة الفاول اول ما نزل

ولمستين بتوع الون تو .. واللي جه منهم الجوووووووون

طبعا البلد كلها دلوقتي ماشية تقول

الاتحاد اﻻتحاد … واﻻتحاد سيد البد

طبعا علشان جدو

و بإعتبار اني راجل اهلاوي قديم .. لكن ده ميمنعش اني اكون انا كمان اتحداوي في نفس الوقت

واليكم بعض الجمل الخطيرة اللي اتكتبت على الاستاذ تويتر افندي

حفظه الله لنا

بعد نجاح تجربة جدو … المصريين كلهم ماشيين يقولوا .. اﻻتحاد اﻻتحاد .. اﻻتحاد سيد البلد

..

ايه ده !! هي مصر بقت زي الاهلي وﻻ ايه !! … اهم اهم اهم المصريين اهم

..

أعلن الكاف أن البطولات القادمه للامم ستكون مقصوره على المراكز,الثانى والثالث والرابع فقط, حتى لا تصاب الفرق بالاحباط

..

الاتحاد الافريقي قام بتسليم المنتخب الجزائري , صابونه ماركة لوكس لكل لاعب

..

بعد نجاح تجربة جدو, قرر حسن شحاتة ضم ستو و خالتو و عمو

..

الجزائر كلها جابت اربع اهداف..وجدو جاب خمسة لوحده

..

كان فى بلد حلوه اسمها مصر …و كمان كان في جدو بشنباااات

..

سألو طفل جزائري بتحب بابا ولا ماما أكتر قال بحب جدو علشان هو اللي رباني

…..

اخر خبر

الحضرى يهدى كأس أمم إفريقيا للاعب المنتخب الراحل محمد عبد الوهاب

Masrawy

فيك الخير والله يا حضري … الله يرحمك يا عبدالوهاب

….

اقعدوا بالعافية

Egypt Vs Algeria 4 – 0

السلام عليكم ورحمة الله وبركاته

..

على انغام النشيد الوطني

احدثكم

من خلف شاشة ﻻبي .. وانا فرحاااااااان جداااااااا

ان مصر كسبت الجزائر

كسبنا اربعة .. وكان نفسي يبقوا نص دستة او دستة .. علشان تبقى تمن الاعيبة

اللي اتصابت وخرجت من الماتش دي

طبعا

وده بوست فرحة وزقططة … تعبيرا مني عن فرحتي بفوز منتخبنا الوطني لكرة القدم

على المنتخب الجزائري الشقيق .. اللي شايلنا في عينه .. واللي بيحبنا وبيعزنا زي اخواتهم واكتر

والحمد لله ان كل واحد بان على حقيقته

اﻻهداف

ياعيني المذيع الجزائري .. هيموووووووت

هيتشل .. هيفرقع

اخر ما زهق .. قال يكفينا فوزنا وتأهلنا للمونديال .. ويكفينا شرف الخروج من الدور نصف النهائي والحكم مكنش عادل

وقعد يحكي حكايات

….

ودي اﻻهداف بس

بتعليق الشوالي

…

النهاردة اثناء الماتش وﻻني كنت خايف دمي يتحرق فـ طلعت وروحت مكتبة

Book & Beans

اكيد عارفينها طبعا

المهم .. اشتريت الكتابين دوووول

…

علشان لو ﻻقدر الله مروحتش معرض القاهرة الدولي للكتاب

فقولت اجيبهم اتسلى فيهم

ياﻻ .. كل فوز وانتوا طيبين

واهم  .. اهم .. اهم …. المصريين اهم

الفرحانيين و المزقططين بيشجعوا مصر … واحنا معاهم

ادعولي

السلام عليكم ورحمة الله وبركاته

عندي امتحانات … و 3 مواد في اﻻسبوع

واولهم .. امتحان بكرة

و

عايز اقول 5 كلمات بالظبط

..

ادعولي … الهي ما يوقعكم في ضيقة

واللي هيدعيلي .. يااااارب

يحقق اللي هو عايزه

يااارب يتجوز

بس يدعيلي

Back to study !!

السلام عليكم ورحمة الله وبركاته

ازيكم يا بشر

البوست التاني في السنة الجديدة … صباح الفراغ

النهاردة .. ولأول مرة منذ فترة طويلة جداااا جدااااااا .. بكتب بوست من على الويندوز

اه .. اه .. انا سطبت ويندوز .. وكمان ويندوز 7

شوفتوا الحلاوة

لابي الحمد لله بعد ما رجع من الاصابة .. احم الصيانة

قولت اسطب عليه ويندوز .. علشان اسطب الدريم ويفر .. والحاجات اللي هما عايزنها في مشروع التخرج بتاعنا

مع اني عمري ما اشتغلت على الدريم ويفر .. ولا حبيته من اصله .. بس سطبته واشتغلت عليه .. وعملنا عليه حاجات حلوة كده وامورة

اصل عقبال عندكم انا عمو بتاع الويب في المجموعة -طبعا مش الوحيد- ولكن نحن نختلف عن الاخرون

سبعة صنايع .. والبخت ضايع

المهم .. طبعا لابي اللذيذ مش عارف ليه مبيحبش الاكس بي .. وكل مرة اقعد انزل التعريفات من على النت وحاجة تقرف وفي الاخر الصوت ميشتغلش

فبما اننا في ايام امتحانات وفاضيين .. ومكنتش عايز العب بلاي ستيشن .. ولا عايز ازاكر

فجه في بالي اني اسطب ويندوز 7

والحمد لله النسخة شغالة لحد دلوقتي .. وتمام الحمد لله

وبكتب بوست من عليها .. اني فرحان جداا .. ان الاب صوته رجع تاني

طبعا كله هيقول .. امال انت كنت شغال على ايه قبل كدا

على لابي محبوبتي .. الابنتو - اللي طلع عينها من كتر اللعب فيها ولسه زي ما هيا على فكرة - وفي الشركة فيدورا

المهم انا كنت داخل اقوول …. ايه ؟

نسيت

!!

احم .. احم  اه اه

كنت عايزكم تدعولي ازاكر .. اصلي من الساعة 1 ونص فاتح سليدز مادة -مش فاكر اسمها- وغالبا بيقولوا امتحانها الشفوي يوم الاحد الجاي

مش عارف بيهزروا معايا ولا بيتكلموا جد

عموما … انا نفسي ازاكرها .. بس مش جايلي نفس بصراحة

متقولوش لحد بقى الله يكرمكم .. بلاااش فضااايح

استروا عليا

…

ادعولي … شكرا

…

…

الراعي الرسمي لامتحانات الترم السنة دي .. الناس كلها تشربه وتصحصح

وانا اشربه واناااااااااام

…

حلو الواد الصغير ده .. صح  ؟؟ .. شكله مثقف

اكيد الواد ده متربي في اليابان

نفسي ازاكر زيه كده .. يالا بقى كفاية كده .. متنسوش تدعولي ازاكر

اقعدوا بالعافية

سلام

2010

السلام عليكم ورحمة الله وبركاته

ازيكم يا بشر

ورجعنا تاني نكتب .. نكتب .. نكتب

فترة امتحانات بقى .. يعني الفراغ كله .. وكل سنة وانتوا طيبين

واﻻعياد بتهل .. والذكريات تعود

1-

ذكريات البلاي ستيشن

2-

ذكريات بداية كل سنة جديدة .. واللي كان شايف سنة 2009 في بدايتها واللي كان بيجرى فيها

3-

اﻻمتحانات وذكرياتها السيئة

وغيره …. وغيره

….

عجبتني صوره حاططها احمد صاحبي

…

….

فعلا … صورة معبرة جدااااا

الله اعلم مخبية لينا ايه يا 2010 .. هتعملي فينا ايه يا ترى ؟؟

يااارب استر  .. يااارب

تحس ان 2010 دي زي البطيخة

يا تطلع حمرا .. يا تطلع قرعة …. بعد الشر طبعا

والله … كنت بادئها بتفاؤل بس مش عارف في ايه .. مالها ؟؟

….

حاجة حاسس بيها اليومين دووول

وهو غالبا احساس محستوش من زمان اووووي

بس اعتقد ان اسلام بتاع دلوقتي في حاجة متغيره شوية

حاسس ان عندي حالة اكتئاب فظيييييعة

وفي في دماغي افكار شريرة كتيييير اوووي عندي

هتكلم عنها بعدين

…

يمكن علشان اول كل سنة بيحصلي كده …. مش عارف بصراحة ؟

بس كل اللي انا عارفه ان اخر يوم في سنة 2009 كان نوعا ما كويس .. وبرضه اول يوم في السنة الجديدة الحمد لله كان كويس

ومصحتش على صويت .. وﻻ ناس بتتخانق .. وﻻ صاحي مخضوض

زي السنة اللي فاتت

وكان يوم كويس

وتاني يوم بقى كنت قاعد في بيتنا فقولت اتفرج على خواطر 5

البرنامج اللي كان بيجي في رمضان اللي فات

وقولت اتفرجوا عليه .. البرنامج ده جااامد جداا على فكرة

يمكن يكون هو السبب ؟؟

…

كنت بادئ السنة دي .. او كان نفسي ابتديها بتفاؤل .. وحاجات بمبي كده

بس مش عارف .. حالة اﻻكتئاب دي مسيطرة عليا اوووي

…

ادعولي اخرج منها على خير

وبعتذر ﻻي حد ضايقته السنة اللي فاتت دي ولسه شايل مني لحد النهاردة

ويااارب تبقى سنة سعيدة عليكم جميعا

وكل واحد يحقق اللي هو عايزه السنة دي ان شاء الله

اقعدوا بالعافية

سلااام

Googlewave Invitations

معايا 3 انفيتيشنز لجوجل ويف

حد عايز ؟؟

…

I have 3 invitations for Googlewave

Any one want an invitation

Happy Eid For All

السلام عليكم ورحمة الله وبركاته

ازيكم يا حاسوباتيين .. ويا اللي مش حاسوباتيين

اخبار اﻻمتحانات ايييه ؟؟

والناس اللي معندهاش امتحانات اخبارها ايه ؟؟

يارب كل الناس تكون بخير

النهاردة وتحسبا ﻻي ظروف .. ﻻن جايز اﻻقي النت فاصل في بيتنا

فانا داخل النهاردة اقول

..

كل سنة وحضراتكم طيبين

بمناسبة عيد اﻻضحى المبارك .. وان شاء الله السنة الجاية نكون جميعا متخرجين كده وبتقديرات حلوة

وانا مدخولش الجييييش

يااااارب

قولوا آمييين

وعيد سعيد عليكم جميعا ان شاء الله

وان شاء الله تاكلوا لحمة وتهيصوا وتزقططوا احلى زقططة

والعـيـد فـرحـة

مــــــاء

اسمعوا دي بقى هتعجبكوا اووووي

هـنـا

سلاااام

 

Mid Term Exams2009

دي كانت وانا في الشركة امبارح لحد الساعة 7:30

…….

…..

That’s Me

من امبارح الساعة 8:30 اول ما رجعت المدينة

دعواتكم الله يكرمكم .. دا احنا في ايام مفترجة .. ادعوااا

وكل سنة وانتوا طيبين

 

Egypt worldcup2010

….

مهما حصل ….. برضه

بحبك يا مصر

وحسبي الله ونعم الوكيل فيكم يا جزائريين

منكم لله

…

والحمد لله اننا خسرنا .. في داهية ماتش كورة

في الف داهية كاس العالم

امال بس لو كنا كسبنا كانوا هيعملوا فينا ايه

ملعون ابوها كورة .. علشان تخلي شوية بلطجية وشوية ناس اقل ما يقال عنهم انهم همج وحيوانات

روحوا في داهية انتوا وكاس العالم بتاعتكم دي

روحوا منكم لله

وحسبي الله ونعم الوكيل فيكم

بحبك يا مصر

….

اتْغِلْبِي يامصر ولا يِهِمِّك ولا يفرق ، ولا يحرَق دَمِّك والله مسامحِك وبحبِك

ولا فوز هيزيدك يا جميلة ، ولا غُلب العالم هيقِلك

مــصـــر