لحظة سعادة

السلام عليكم ورحمة الله وبركاته

ازيكم يا بشر

كل سنة وانتوا طيبين .. وبصحة .. وسعادة .. ودايما فرحانيين كده

الدنيا بتلف وتمشي .. وﻻ بـ توقف علشان فرح حد وﻻ علشان حزن حد

لحظات كتير بتمر على الواحد منها الحلو ومنها الوحش

ومنها اللي بيقعد يفتكر فيها ذكرياته

الحلوة والوحشة

ممكن تكون اسعد لحظات حياتك انك لما بتبقى مع قريب او صاحب او حبيب او في مكان معين

ليه ذكريات جميل معاك او مكان انت بتحبه جداا

-زي كوبري ستانلي كده مثلا-

صح

اي حد فينا كده

لكن بالنسبة لي اسعد لحظة في حياتي .. لما بشوف ابتسامة جميلة على وش اي حد

مش شرط صاحب او قريب

اي حد بشوفه راسم ابتسامة جميلة بفرح جداا علشانه

وبفرح اكتر لو كانت اﻻبتسامة دي انا السبب فيها

مش عارف ليه بس هو احساس بيجيلي وخلاص .. فببقى فرحاان اكتر منه

امبارح بقى كان عندنا فرح بنت خالتي

يعني اختي التانية

كله كان فرحان ومبسوط .. اللي فرحان علشان المكان .. واللي فرحان علشان اللمة والعيلة .. واللي فرحان علشان القرايب والصحاب

واللي فرحان بالغناء والدي جي والكلام ده

لكن

انا كنت سعيد ﻻني شوفت في عين “بنت خالتي” و زوجها “محمد” ابتسامة حلوة

ابتسامة

رضا .. و فرحة .. و اطمئنان .. و سعادة .. و استقرار

بجد

كنت فرحااان جدااا  وسعيد لدرجة ﻻ توصف

يارب يعيشوا مع بعض في تبات ونبات ويخلفوا صبيان وبنات

يارب يعيشوا في هنا وحب وسعادة طوول العمر .. ويرزقهم بالذرية الصالحة

ياااارب

امبارح مرت عليا لحظة سعادة

هو اينعم الواحد راح عليه ماتش اﻻهلي .. بس مش مشكلة

بس كنت فرحان جداا طوول الوقت

لحظات حلوة بتعدى في ثواني .. واكتر لحظة حلوة فعلا في اﻻخر خالص

وهما ماشيين بقى وطالعين من القاعة خلاص

ومروحين

الناس كلها حواليهم وجمبيهم فرحانين ومبسوطين علشانهم

ياااااااه بجد احساس عالي عالي اووي يعني

يارب اجعل السعادة في كل قلوب وعيون كل الناس

زي السعادة اللي في قلوب كل عبادك اللي بيحبوك يارب

وكل اللي بيحبوا بعضهم فيك يااارب

قبل ما اخلص بقى

هقولكم موقف مضحك حصل امبارح .. واحنا بنزف العروسة بعد الفرح

سبناها وزفينا عروسة تانية

اه والله .. معرفش جات ازاي .. عربية العروسة راحت في حتة والناس كلها راحت في حتة تانية

كان في اكتر من 5 افراح امبارح

يارب وفق كل الناس وكل اللي عايزين يتجوزوا

وانا بصراحة مش عارف الناس متسربعة على موضوع الجواز اليومين دوول ليه

على كل حال ربنا يوفق الجميع

وعقبالكم جميعا

محدش يقولي عقبالك … ماشي

انا اتقالي امبارح كلمة عقبالك دي تكفيني 6 سنين

مفيش حد كان بيسلم عليا اﻻ لما يقولها

كفاية

ياﻻ .. سلااااام

Happy Birthday To U “Hunikal” :D

السلام عليكم ورحمة الله وبركاته

النهاردة كلمتين صغيرين وماشي علطووول .. مش هطول

كنت عايز اقول حاجة كده قبل ما ادخل في الموضوع

الصاحب

ايه رأيكم في الصاحب .. اللي هو بين قوسين الصديق

ناس هتقولي ايه يا عم انت بتتكلم في ايه … دا الصديق دا حاجة كويسة جداا … الصديق .. وقت الضيق

بس انا بقى

مش هقول كده

الصديق … مش وقت الضيق بس

الصديق … وقت الضيق .. ووقت الفرح .. ووقت الحزن .. ووقت التهييس .. ووقت المزاكرة برضه

ووقت ……… حاجات كتييير جداااا

عارفين … الواحد لو جه يراجع نفسه ويشوف ايه اللي باقيله من كل اللي حصله في حياته

هتلاقوا ان الصديق الحاجة الوحيدة اللي بتتبقالك

بجد والله ومش بهزر

….

مهو فعلا … ﻻ  حبيب بيخلصلك .. و لا قريب بيسأل عنك -اﻻ لما بيكون محتاجك- .. ولا اي حاجة هتدوم معاك

….

في اﻻخر

بعد اما تخلص كل لفتك دي مع كل الناس اللي هتمر بيهم في حياتك

هترجع تاني

لصاحبك

تحكيله .. وتتكلم معاه .. وتقوله اسرارك

تقوله ايه اللي مضايقك .. وايه اللي مزعلك

تفضفضوا مع بعض .. وانت مطمن

انه هيحافظ على اسرارك

وبجد مش هيصدقني .. غير اللي عنده صاحب مخلص .. وفي .. جدع

…..

بصراحة انا مش بعرف اعبر .. لكن كل اللي اقدر اقوله ان الحمد لله ان ربنا رزق الواحد بأصحاب

جدعااان ورجالة بمعنى الكلمة

ممكن اقول حاجة

هنختصر بيها الكلام دا كله

ان فعلا الحاجة الوحيدة اللي ممكن تطلع بيها من خلال علاقاتك مع الناس

هيا

” صاحب جدع “

بس

*….*  *….*

النهاردة بقى … واحنا داخلين على يوم جديد

17 – 8 – 2009

دا بقى عيد ميلاد صاحبي

اسلام

” HuNiKaL“

وبما ان اللاب بتاعه بعافية شوية

- ادعوا ربنا يقومهوله بالسلامة -

فانا انتهزت الفرصة وقولت ادخل مخصوص عندي واعمله بوست

واقوله

كل سنة وانت  طيب يا صاحبي

وعقبال كده اما اشوفك قاعد في الكوشة كده .. وجمبك بت الحلال اللي تحبك

وان شاء الله السنة الجاية تكون حققت كل اللي نفسك فيه

يا كبير

ربنا يوفقك يا صاحبي .. وينولك كل اللي في بالك … ياااارب

….

….

….

Happy Birthday To You My Friend

Happy Birthday To You

Eslam

Everything Burns !!

السلام عليكم ورحمة الله وبركاته

امبارح انا كنت في اسكندرية .. ويارتني ما روحت

اليوم في اوله بديته بإبتسامة .. بضحك في وش الناس من ساعة اما نزلت من بيتنا

واﻻقي الرد في عنيهم بيقولولي انت ايه اللي مخليك مبتسم اووي كده

شايف الدنيا حلوة على الصبح ليه كده ؟؟

وانا اقول سيبك منهم .. خليني مع دماغي .. مهو محدش عارف حاجة

المهم بدأ اليوم .. حصلت مشاكل .. مش مهم هيا ايه ؟؟ .. وبعدين قولت اجي على نفسي علشان احلها

مهو برضه ﻻزم اليوم ميعديش وحش

وقولت هعمل للمشاكل

pause

وقولت اللهم اخزيك يا شوشو .. وقولت اكمل عادي

ورجعت رسمت اﻻبتسامة تاني

المهم .. الساعة جات 1 الظهر .. ودخلت فيلم

الف مبروووووك

كنت هموت وادخله بصراحة

فيلم جااامد جدااا جدااا جدااا … جدااا للصبح

وسبحان الله في مواقف كانت بتحصل فيه وانا كنت بقول انها هتحصل من قبل ما اشوفها

كأني شوفته قبل كده .. بس انا حاسس اني شوفت او قريت حاجة زي دي قبل كده

فيين مش عارف

لكن المهم ان الفيلم جااامد .. طلعت من الفيلم برضه راسم اﻻبتسامة .. مع ان اخره وحش اوووي

بس انا كنت متوقع اخرته دي .. وفضلت برضه راسم اﻻبتسامة

بس قلبي مكنش حاسس بخير

المهم … طالع من السينما .. جات عربية بسرعة غريبة في مكان مينفعش انها تمشي بسرعة فيه

المكان ده محطة الرمل قدام سينما فريال

بجد انا كنت هروح فيها النهاردة .. وكنتوا انتوا بقى بدل اما تقراوا البوست دي .. كنتوا هتقروا الفاتحة عليا

وتقولوا الله يرحمه كان اخر حاجة كان عايزها .. انه كان نفسه يبقى مبسوط

طبعا بعد اما العربية عدت كده على خير الحمد لله

بصتله وقولتله

ﻻااا … انا موت موتات احلى من دي بكتييييير

اييييييه .. البلد دي ملهاش كبير ولا ايه

بعدين لقيت العربية وقفت .. اممممممممم ياﻻ المسامح كريم بقى

هتيجوا معايا وانا بغير الواقع

وﻻ اروح لوحدي

….

مش عارف ليه كانت مدياني ظهرها .. مع اني كنت مديها تفاؤل .. وابتسامة بعرض البحر اللي طوول النهار

قاعد باصصله وبكلمه

وكل اللي يعدي يقول في نفسه دا اكيد مجنون .. بس مش مشكلة

المهم اني بكلمه .. وبحس اني لما بكلمه برتاح والله

والنهاردة وعلى الصبح كده .. قولتله كلام كتييير اووووي .. مش عارف بقى

كان نايم تقريبا

طبعا الواحد مفيش مانع انه يجي على نفسه ويعدي

لكن اهم حاجة انه يبقى عنده دم

ويفهم ان خلاص

Everything Burns !!

She sits in her corner

Singing herself to sleep

Wrapped in all of the promises

That no one seems to keep

She no longer cries to herself

No tears left to wash away

Just diaries of empty pages

Feelings gone astray

But she will sing

Chorus:

Everything burns

Everyone screams

Burning their lies

Burning my dreams

All of this faith

And all of this pain

Burning all down

Cause my anger reigns Everything burns …

By : “Ben Moody & Anastacia”

عارفين .. انا بجد مش عارف ايه اللي بيحصلي ده

وده بيحصلي ليه ؟؟

بس اللي واثق منه لحد دلوقتي

ان .. بعد اللي حصل النهاردة اخر حبة كانوا موجودين … خلاااص

وإن

….

….

Everything Burns !! … Everything Lost !!

and

“ يومين وارتاح “

حد فاهم حاجة ؟؟ طب حد مش فاهم حاجة ؟؟

عموما … اللي فهم يفهم اللي جمبه اللي مفهمش

وفي اﻻخر

لما كلكوا تفهموا ابقوا

فهموني

علشان انا معدتش فاهم حاجة

!!

سلاااااام

Somebody’s Me

السلام عليكم ورحمة الله وبركاته

ازيكم يا بشر

عاملين ايه ؟؟ .. والله ليكم وحشة جااامدة جدااا

اليكم اخر الانباء

بعد الغاء كورس الجافا في كليتنا المبجلة اصبح العبد لله -اللي هو انا يعني-  الحاجات اللي عليا بدأت تخف والحمد لله

طبعا مش فاضي اوووي .. بس حاسس اني عايز اهتم بالدراسة شوية

اصلي معرفش حاجة في المواد خاااالص والحمد لله ==> من الاخر يعني .. ابيض

مادة الاعمال الالكترونية معرفش فيها غير ان ليها مشروع لازم تعمله وانا اخترت

Online Exam

اكيد عارفين معلومات عنه .. اخترته بقى … بصراحة مش عارف ليه ؟؟

بس الحمد لله شغالين

PHP & mysql

والحمد لله بتعلم حاجات جديدة بمساعدة اصحابي

Hunikal - Eleven

متحرمش منكم يااارب

دعواتكم لينا بقى

ندخل بقى في الحاجة اللي انا جاي اتكلم عنها النهاردة

اغنية انا بحبها جداا جداا .. وقولت اكتبها علشان حاجة كده في دماغي

ومحدش يفهم صح

” Somebody’s Me “

You, do you remember me?
Like I remember you?
Do you spend your life
Going back in your mind to that time?
Because I, I walk the streets alone
I hate being on my own
And everyone can see that I really fell
And I’m going through hell
Thinking about you with somebody else

[CHORUS]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me

How, How could we go wrong
It was so good and now it’s gone
And I pray at night that our paths soon will cross
And what we had isn’t lost
Cause you’re always right here in my thoughts

[Chorus]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me

You’ll always be in my life
Even if I’m not in your life
Because you’re in my memory
You, will you remember me
And before you set me free
Oh listen please

[Chorus]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me

…

الكلمات جااامدة جداا .. مش كده ؟؟

يالا ..  حتة اجنبي كده في السريع علشان تعرفوا تزاكروا

اقعدوا بالعافية

“Somebody is Me”

elahlawy

El-Tagroba_El-2ola

السلام عليكم ورحمة الله وبركاته

…

التجربة الاولى دي علمتني حاجات كتير .. علمتني افكر الف مرة قبل التقرير

التجربة الاولى دي تجربة تحديد المصير  .. اوصل للي انا عاوزه او هتجنن من التفكير

كانت اول مرة في حياتي اغلط في قراية انسان .. اوهام كانت واخداني .. احلام كانت شداني

محسساني بالحياة اللي رجعت اعيشها من تاني

ندمان

لا مش ندمان .. بس محتاج مهلة للنسيان

نصيحة لاي شاب ” غيري “ مر بتجربة .. اللي تحبك بجد بجد اوعي تنفضلها

لو بتحب واحدة غيرها انت اصلا مش في قلبها .. لما تشوف ازاي حب اللي بتحبك هتحبها

….

El-Tagroba_El-2ola

….

كلمات : مقتبسة من رباعيات صلاح جاهين

موسيقى : عمر خيرت

توزيع وغناء : مودي راب

عايز ايه ؟؟ نفسك في ايه ؟؟

السلام عليكم ورحمة الله وبركاته

النهاردة موضوع جديد .. وبداية مختلفة ان شاء الله

موضوع النهاردة .. عبارة عن كلمة .. هيخرج منها جملة .. وهيخرج منها مستقبلنا كله ان شاء الله

عايز الناس تبص معايا كده .. وناخد بالنا من الجملة اللي جاية دي

“” وما نيل المطالب بالتمني … ولكن تؤخد الدنيا غلابا “”

طبعا اكيد كلكم عارفين الجملة دي

بس انا مش جاي اسألكم انتوا عارفينها ولا لا … انا هقولكم انا ليه جبت سيرتها … بإذن الله

موضوع النهاردة كله عن الجملة اللي فاتت دي

…..*…..*…..*…..*…..

سؤال … كل واحد فينا كان بيحلم بإيه وهو صغير ؟؟

اللي كان نفسه يبقى ظابط .. واللي كان عايز يبقى مهندس .. واللي دكتور

طب … كام واحد فينا احلامه اتغيرت بعد ما كبر شوية ؟؟

وانا صغير كان نفسي ابقى مهندس .. بس لما كبرت شوية اتغيرت فكرة المهندس .. وكان نفسي ابقى ظابط

طب … لما كبرنا وبقينا رجالة كبار وعاقلين .. نفسنا بقى نعمل ايه ؟؟

واحد يقولك … شقة و شغلانة و عربية و عروسة

طب لحظة … انت هتعمل دا كله ازاي … مفكرتش انك لما تخلص كليتك … هتعمل ايه بعد كده ؟؟

طب انت عايز ايه ؟؟ مفهمتش حاجة منك لحد دلوقتي

يا سيدي معلش اصبر .. هتعبك شوية .. ارجع معايا للجملة اللي كنت كتبتها بالازرق فوووق

ايون هيا دي

“” وما نيل المطالب بالتمني … ولكن تؤخد الدنيا غلابا “”

هل فعلا الجملة دي صح ؟؟ … هل فعلا لازم ناخد الدنيا  ” كدهو ” … زي ما بيقولوا

هل في رايكم ان الانسان ميتمناش حاجة .. لكن ياخدها عافية كده او يسيبها للظروف ؟؟

في رأيي .. التمني من ضمن الحاجات الاساسية اللي بتدفع الانسان للنجاح

طبعا .. دا بعيد عن العوامل المحيطة بيه .. لكن خلونا نتكلم عن الاماني

…..*…..*…..*…..*…..

واحد صاحبي واحنا في غرفتنا العزيزة 513 .. فحصل موقف كده … فقولت يااااه كان نفسي اعمل كذا

قالي … منا كان نفسي اخش هندسة … فانا بصتله كده .. طب ايه جاب دي لدي ؟؟

فقالي .. مش كل اللي بنعوزه بنلقاه … بس الحمد لله

قعدت بعدها افكر مع نفسي في الجملة دي … طب وليه منحاولش نتمنى بجد و نحاول نحقق اللي احنا عايزينه ؟؟

ليه دايما سايبنها كده … يا اما بالبركة … يا اما بالعافية ؟؟

ليه يا جماعة مبنعملش خطة او قايمة ونكتب فيها كل اللي احنا عايزينه ؟؟

وتعملهاupdate بإستمرار

…..*…..*…..*…..*…..

يجي واحد يقولي انا عاملها في دماغي …. بس صدقني وهيا في دماغك مش زي لما تكتبها

لان اكيد اكيد في حاجات كتير هتروح من دماغك .. لكن لما تكتبها مش هيروح ولا هتنسى منها حاجة … ان شاء الله

نااااس كتير … مش عارفين هما عايزين ايه … وغيرهم عارف هو عايز ايه … بس مش عارف ينفذه

وغيرهم عارفين هما عايزين ايه ومحددين هدفهم .. بس مش عارفين قدراتهم

او … مش واثقين في قدراتهم اللي تخليهم يخاطروا و يحاولوا يعملوا الصعب

ليه دايما بتدي لنفسك رسائل سلبية … ليه دايما عندنا كلمة “مقدرش” .. و “مش هعرف” …  و “صعب عليا ” .. ؟؟

هو طبعا … {وَلاَ تُلْقُواْ بِأَيْدِيكُمْ إِلَى التَّهْلُكَة} (195) سورة البقرة

بس ده مستقبلك وحياتك اللي لازم تسعى علشانها .. وتخطط ليها

انت فعلا لو تعرف انت بجد عايز ايه ؟؟ … اااااه  لو نعرف قدراتنا … هنكسر الدنيا

…..*…..*…..*…..*…..

صحيح … ان مش كل اللي بنعوزه بنلقاه .. واللي مكتوبلك هتشوفه .. ومحدش بياخد اكتر من اللي مكتوبله

بس برضه :- {وَقُلِ اعْمَلُواْ فَسَيَرَى اللّهُ عَمَلَكُمْ وَرَسُولُهُ وَالْمُؤْمِنُونَ} (105) سورة التوبة

و كمان {إِنَّا لَا نُضِيعُ أَجْرَ مَنْ أَحْسَنَ عَمَلًا} (30) سورة الكهف

يا جماعة احنا عندنا طاقة مهولة … ياريت نستغلها صح … وبلاش نخليها ضدنا … ونفرغ الطاقة دي في اننا ندي رسايل سلبية لنفسنا او لغيرنا

بجد … بإيدك ممكن تصنع حياة كويسة ليك .. بإيدك ممكن تكون اسعد انسان على وجه الارض .. ان شاء الله

…..*…..*…..*…..*…..

يا شباب … من النهاردة مش عايزين حد عايش كده وخلاص

نفسي … نبقى كلنا ايجابين … كلنا نشجع بعض

اللي يقع مننا مش نقف … بس نحاول نشده معانا

نفسي كلنا من دلوقتي … محدش ينام .. مش قصدي منامش النوم بتاع السرير

لا … قصدي النوم بتاع الانتخه .. النوم بتاع الكسل

بجد نفسي

نفسي … نبقى احلى شباب في الدنيا ….. شباب المسلمين

نفسي … تبقى بلدنا “” مصر “” احلى بلد في الدنيا

نفسي اقول كلام كتييييير

بس شكلكوا زهقتوا مني

بس خلاص … انا خلصت

بس انا كده مقولتش حاجة … لسه في كلام كتييير

بس ايه فايدة الكلام من غير افعال

وايه فايدة العقل .. لو مشتغلش

…..*…..*…..*…..*…..

اخر حاجة

ياريت الناس تقول هي استفادت ولا لا ؟؟ .. ولو استفادت تقول هيا استفادت ايه ؟؟

هل فعلا … الكلام اللي انا قولته صح … ولا الناس كلها عارفة طريقها .. وانا الي مش عايش في البلد دي

ملحوظة : كنت عايز اتكلم شوية عن ازاي تعرف قدراتك ؟؟ … وازاي تحدد اهدافك ؟؟

وازاي تستفيد من وقتك ؟؟ وازاي نستخدم طاقتنا ونخليها ايجابية ؟؟

بس الوقت لا يسمح فقولت خليها في بوست تاني … ان شاء الله

…..*…..*…..*…..*…..

لكن كل اللي هقوله بس … اتفرجوا على حلقة “قوة الادراك” للدكتور ابراهيم الفقي

وان شاء الله هتستفادوا كتييير جدااااا

وهتلاقوا كل اللي عايز اقوله ان شاء الله

انا حاولت ارفعها … بس للاسف النت بطئ جداااا

هبعتها هنا -ان شاء الله- اول ما تترفع

…..*…..*…..*…..*…..

او تشوفوا حلقات عمرو خالد برنامج قصص القرآن

وخصوصا الحلقة الثامنة … اللي اسلام كان اتكلم عنها

واللي عايز ينزل الحلقات كلها من موقع عمرو خالد

…..

البوست ده كنت عايز اعمله .. والحمد لله عملته

وده رسالة لشخص معين

ياااارب بقى تفتح الحاجات ومش مشكلة نص ساعة في اليوم .. حلقة او كتاب

المزاكرة مش هتطير يعني .. واهو من ضمن الساعات اللي بتضيع في الجامعة

…..

يارب اكون قدرت اوصل او افيد اي حد بأي معلومة …. ياااااااارب

اللهم ان هذا عملا صالحا جعلته خالصا لك ولا اريد من ورائه شيئا … فتقبله مني يا ارحم الراحمين

سبحانك اللهم وبحمدك اشهد ان لا اله الا انت استغفرك واتوب اليك

….

يالا … اشوفكم بخير في البوست الجاي …. ان شاء الله

سلاااام

Re7let 3aZab…ٌ

السلام عليكم ورحمة الله وبركاته

ورجعنا تاني … بحمد الله … الى النت والكمبيوتر

بعد رحلة تصليح ” لجهازي او لبوردتي بمعنى اصح ” استمرت حوالي شهر او شهر ونص

يااااااااااااه

مش قادر اوصفلكم كمية الاحباط اللي جابهالي الجهاز ده

انا كنت خلاص فقدت الامل انه يتصلح

انا روحت بالبوردة دي 3 محافظات تخيلوا بقى

…..

عندنا هنا اخدت الكيسة كلها وروحت بيها للي يعرف واللي ميعرفش في الصيانة

ومحدش عرف يعمل فيها حاجة

…..

اروح بالبوردة المنصورة … يقولولي دي سليمة … ارجع البيت يروح الجهاز مشتغل شوية وبعدين يفصل خالص

طب يا جدعان حد يفهمني مش بتشتغل في البيت ليه

…..

قولت … اروح بيها اسكندرية … الراجل بعد ما قعدت عندهم 5 ايام … اروح الاقيه يقولي البوردة بتاعتك سليمة ومفيهاش اي حاجة

اقوله …. وربنا مهي شغالة …. وربنا بتفصل عندي …. يقولي يا عم مهي شغالة قدامك اهي

وقالي لو مشتغلتش عندك هاتلي الكيسة كلها … طبعا علشان اسافر بالكيسة دي عمرها ما تحصل

دا انا اولع فيها ولا اسافر بيها

…

روحت راجع بيها البيت وشغلتها … برضه شوية وراحت فاصلة تاني … قولت اسيبها يومين ترتاح

او يمكن السفر متعب عليها

بعد يومين فكيتها ونضفتها كده وبراحة وبشويش

وركبتها … وغنيتلها اطبطب وادلع … وسميت وشغلتها

واخــــــيـــــــــــــــــــــــــــــــراااااااااااا

الحمد لله … اشتغلت … وفضلت شغالة

الحمد لله

وبعديها بيومين بعت السي دي روم بتاعي و جبت دي في دي ريتر

وقولت اسطب الابنتو 8

والحمد لله اتسطبت وشغلت ال compiz

حاجة فل يعني

والعملية بقت جيلي وكريم كراميل

……

هههههههههههههههه

…..

سلاااااااااام بقى احسن انا جوعت

…….

وصية قبل ما امشي

يا جماعة علشان خاطري

ادعوا للبوردة بتاعتي ان ربنا يهديها

وتفضل حلوة كده علطوووووول

…….

….

.

سلاااااااااااام

2lby 5aly … 3a2ly Fady … 5elset el-7ekaya

السلام عليكم ورحمة الله وبركاته

طبعا مفيش بوستات اليومين دووول نظرا لظروف الامتحانات

ربنا يوفقنا كلنا … وننجح السنة دي

ياااااااااااااارب

…….

اما بقى دووول كلمتين خطروا على بالي فقولت احطهم

.

.

.

قلبي خااالي

عقلي فاااااااااااااضي

بااااااالي مرتااااااااااااااااااااااااح

………….

يبقى اكيييد انا مستكنيس

اكيد مستكنيس … وخصوصا ان مفيش اي حاجة تشغل دماغي

.

.

خلاااااااص … خلصت الحكاية

.

.

والواحد بجد مرتاااااح

مفيش وجع دماااغ … وكله فاهم يعني ايه وجع دماااااغ

ايوا … كان في وجع دمااااغ

…………

بس الحمد لله

اكتشفت … ان الواحد دلوقتي مش فااااااضي

ايواا … مش فااااااضي

حاجات كتييير …. كانت تستاهل ان الواحد يشغل باله بيها …. غير الكلام ده

كلام فاضي … وللاسف الواحد كان بيشغل باله بتفاهات

…. ملهاش اي لازمة ….

والواحد بيندم على كل لحظة ضيع فيها وقته … ووجع دماغه على حاجة متستاهلش

بس …. الحمد لله …. الواحد دلوقتي فايق

………..

والبركة في نااااااس

ربنا يخليهوم لي

…………

وربنا يسهل … ويبعد عني وجع الدمااغ … علشان اعدي ونخلص من الدراسة دي على خيير

يااااااارب

.

.

سلااااااااااااااااااااااااااام

ThE_RaP…

السلام عليكم

Rap-3arby…Rap-Masry

اغاني الراب … اغاني كويسة جدااا جدااا … واكيد مش كلنا بيحبها

واكيد في ناس كتير مش بتعرف تفسر كلامها

لكن … مفيش شك انها بتعمل احلى دماغ

وخصوصا

لو …. انت زهقان ومحتاج إنك تعلي دماغك

لو …. عايز تخرج من جو الحزن والاكتئاب

لو …. عايز تعمل دماغ .. وتبقى بدماغين

أو ….. لو …. إنت عايز تفرمط دماغك

يبقى انت محتاج فترة تبعد فيها عن كل الناس

وتبعد عن الأغاني العربي بتاعتنا دي كمان

علشان بترجع كل اللي فات تاااااني

بجد نصيحة

سيبك من الاغاني العربي بتاعتنا دي اللي بتجيب الشلل والاكتئاب دي

نصيحة من مجرب

ولو حد عايز يعلي دماغه .. لو حد عايز راب

يقولي

سلاااااااااااااااااااام

خدنا الاجازة

سلام عليكم ورحمة الله وبركاته

اخيرااااااااااا …

وبعد طول غياااااااب … نعوووووووووود

واخيرااااااااااا …

خلصنا امتحانات .. واخدنا الاجازة .. بس انا مش حاسس اني ما اخدتش اجازة .. .. ليه ؟؟ .. معرفش

يمكن اصلا علشان انا كنت في اجازة اصلا .. .. مش عارف

عموما الحمد لله على كل شئ … والحمد لله ان الترم ” الغريب ” .. ” العجيب ” .. ” المريب ” .. ده عدى

الحاجة الغريبة بقى واللي انا مستغربلها .. هي ان ليه دكاترة الجامعة .. وخصوصا الدكاترة اللي عندنا

” احنا بتوع الحاسبات “

ليه بيعملوا فينا كده .. ؟؟

احنا عملنالهم ايه .. ؟؟ .. مش عارف

ليه بينتقموا مننا كده .. ؟؟

حراااااام اللي بيحصل فينا ده .. ؟؟

ليه كده .. دا احنا بشر .. وغلابة اوووي .. مش عفاريت ولا منجمين

ليه بينتقموا مننا بالطريقة دي ؟؟ .. اعتقد ان الواحد معملش حاجة وحشة في حياته يستاهل عليها كل الذل والاضطهاد ده .. ؟؟

يبقى سبحان الله .. الواحد يبقى داخل مزاكر مادة معينة زي مادة الجبر الخطي ” بتاعت (البطيخة اللي فيها بذر .. فاكرين)” … مثلا

سكاشن ومحاضرات وكله تماااام .. والحمد لله الواحد كان داخل الامتحان مظبط نفسه وبشرح لاصحابي والعملية زي الفل

لكن … فجأة وبدون سابق انذار .. الاقي الامتحان .. الامتحان

مش عارف اوصفه ازاي

لكن … هحاول افتكر ايه اللي حصلي بالظبط

هو تقرير الاسعاف بيقول : مجموعة اسئلة ادت الى ” صدمة عصبية ” .. وغيبوبة تااااامة

دلوقتي هحاول اشرح الامتحان جه عامل ازاااااي : ركزوا معاياااا

خير اللهم اجعله خير … صحيت من النوم يوم 13/1/2008 … اتوضيت وصليت ودعيت .. قولت ياااااااااااااارب

يااارب يا حليم … اهدي دكتورنا .. ويجيبلنا امتحان سهل وجميل … ودعيت لنفسي ودعيت لاصحابي .. وقعدت اراجع على الحتت المهمة في المنهج واللي كانت صعبة شويتين

المهم روحنا الامتحان ودخلنا اللجنة .. وعلى امل ان الامتحان يجي سهل والواحد يعدي من تحت ايد الدكتور ده .. و يعني !! ينجح بقى

بدأ توزيع ورق الاسئلة … وكله قاعد هس .. هس .. بس .. بس .. مفيش كلاااام .. كله منتظر ومترقب في سكوووون تااااااام

منتظرين ورقة الاسئلة .. على امل زائف .. ان الدكتور يحن علينا ويشملنا بعطفه ويتكرم ويجيب امتحان سهل علشان ننجح ونعدي

ده امتحان .. لا راح ولا جه .. حتة امتحان .. فيها ايه لما يجيب امتحان سهل وننجح

فيها ايه لما ننجح يعني .. ولا هو مكتوب علينا نشيل مواااااد

مكتوب علينا اننا يتحرق دمنا في اليوم سبعين مرة ؟؟

مكتوب علينا نشيل مواد ونسقط ؟؟

ليه كده يا …. يا …. دكتور يا كبير .. ليه تجيب امتحان زي ده ؟؟

ياخي اعتبرنا زي اولادك

ترضى على ابنك انه يتذل كده .. ترضى ان ابنك يتحرق دمه ويتعصب في اليوم اكتر من سبعين مرة

طب يا اخي اكيد انت مش راضيها … ليه بقى بتعمل فينا كده ؟؟

ياخي حرام عليك … لو في حد ضايقك … احنا ذنبنا ايه ؟؟

انا بس عايز اقوله واقول لكل ظالم … ان ” من لا يرحم .. لا يرحم ” … حرااااااااااااااام عليك

ياخي ارحمنا يرحمك ربنا

ارحموا من في الارض .. يرحمكم من في السماء

وطبعا زي ما احنا عارفين

<كالعادة الامتحان سهل .. ومن كتاااب الوزارة .. ودليل تقويم الطالب>

طب حد يقولي بقى … المادة اللي احنا امتحناها دي كانت مادة ايه ؟؟

 

طب بقولكم انا معايا المحاضرات والسكاشن .. وهو بيقول ان الامتحان سهل جدااا …وكله من المحاضرات

 

يبقى في حل من 3

 

الاول : ان المحاضرات اللي معايا واللي مع الناس التانية دي كلها محاضرات مزورة ومزيفة ومش بتاعت المادة اللي عندنا

 

واكيد طبعا السكاشن اللي كنا بنحضرها وبنحل الشيتات والواجبات بتاعتها اكيد مكنتش ساكشنا .. ممكن تكون سكاشن كلية تانية

 

التاني : احنا بقى اللي دخلنا امتحان مادة غلط .. مكنش امتحانا

 

التالت : ان الدكتور بيحب طالب او طالبة في الدفعة ” بيحبه جداااا “ … علشان كده الامتحان جه بالطريقة دي

 

 

اخر حاجة عايز اقولها لهذا الرجل الذي تسبب لي في حدوث ذبحة صدرية وضيق في التنفس واكتئاب لا حدود له

 

عايز اقوله … مش هدعي عليك ولا حاجة … انا بس هقولك 3 كلمات

روح ربنا يسااااامحك

اخر حاجة عايز اقولهالكم … ربنا يصبرنا على الذل والاضطهاد ده

 

ومتخافوش … مصر ايام سعد زغلول ومصطفى كامل واحمد عرابي … مصر كانت مظلومة … والحمد لله … الحمد لله .. الحق رجعلها في الاخر بس بعد ما فاتت سنين كتييييير

 

ربنا يدينا الصحة … ويصبرنا … ويصبر اهالينا يوم النتيجة

 

يالا ……. الحمد لله على كل شئ … مبقاش فاضل لنا غير اننا نرفع ايدينا الى السماء

 

وندعي ونقووووول  … يااااااااارب

 

 

الراجل مات وساب الكلمة عايشة

 

” مفيييييييييييييييييييييييييييييش فاااااااااااااااااااااااااااااااااااااااااااايدة “

وانا همشي واسيب مكاني جملتي الخالدة

 

” حسبي الله ونعم الوكيل … هو الظلم ورانا ورانا … الله يرحمك يا حج سعد – مفيش فاايدة- ارحمنا يااااارب “

سلاااااااااااااااااااااااااااام