حسبي الله ونعم الوكيل …

Posted: December 7, 2007 in Hasebat ... FCI

يا سلام بقى لما تلاقي اللي يتحكم فيك ويمشيك على مزاجه

عندك مثلا … يوم الخميس اللي فات 6-12-2007 … ايه اللي حصل ؟؟؟

تخيل واحد كان عنده  امتحان … هتقول  وايه يعني مهو كلنا عندنا امتحانات … هقولك لا … الامتحان ده غير عادي

هتقول ازاي … اقولك انا ===> انت يا سيدي مزاكر مادة وللاسف دي المادة الوحيدة اللي انت بتزاكرها كويس وبتكتب سكاشنها ومحاضراتها … وبعدين يقولك عندك امتحان … هتقول ماشي بقلب جامد … علشان مزاكر طبعا وكاتب السكاشن والمحاضرات كلها …

وللاسف المادة دي كلها نظريات واثباتات ومسائل …

المهم وانت بقى بتزاكر مع اصحابك … قابلتك الاثباتات دي …

فإتفقت انت وصحابك انكوا تخلوا الاثباتات دي في الاخر … على اساس ان المادة مليانه قوانين … واكيد هيجي اثبات واحد في الامتحان … والامتحان اكيد مش هيجي كله اثباتات …  لان المادة مليانة قوانين ومسائل ورسومات وبلاوي تانية … حلو الكلام …

جينا زاكرنا المادة والحمد لله خلصناها الساعة 5 الفجر ليلة الامتحان بس (بدون اثباتات) …

قولنا ندخل ننام علشان نصحى بدري … الامتحان كان الساعة 9 صباحا  !! … طبعا مزاكرناش الاثباتات …

اه نسيت اقولكم .. واحنا بنزاكر المادة في الاول خالص … قابلنا اول اثبات في المنهج … حلو خااااالص … قعدنا نبص فيه علشان نفهم منه حاجة … محدش فهم منه حاجة برضه … المهم هيسنا على الاثبات ده … واستنتجنا منه ان ” البطيخة فيها بذر”  …

ومحدش يسألني يعني ايه  ؟؟؟ …..

المهم صحينا بدري وروحنا الامتحان … طبعا لما تنام ساعتين الا ربع … وتروح تمتحن مادة قوانين واثباتات … كان ضروري انك تراجع على القوانين دي والمسائل بتاعتها قبل ما تدخل الامتحان …لان طبعا هتروح مهيس … وتدخل الامتحان وانت مهيس …

طبعا دخل الدكتور .. والامتحان بدأ .. وكله ساكت ومنتظر ورقة الاسئلة … وفجأة تلاقي ورقة الاسئلة .. ورقة طويلة عريضة مفيهاش غير خمس سطور تحت بعض !!! …

الخمس سطور دول كانوا عبارة عن خمس اسئلة … وتخيلوا الاسئلة كانت ايه ؟؟؟ ….

الاسئلة كانت : 4 اثباتات من النوع الثقيل …. والسؤال الخامس : كان قانون من النوع الرخم …

طبعا الواحد اول تجيلوا ورقة اسئلة زي دي لازم يقعد يضحك يضحك يضحك  … هههههههههههههههههه

طبعا هتقولوا بتضحك على ايه ؟؟؟  … واكيد طبعا انتوا مفكرين ان انا بضحك على الاسئلة وخصوصا اني مزاكرتش الاثباتات بتاعت المنهج كله  ….

هقولكم : لا …. انا كنت بضحك على السؤال التاني … لانه كان اول اثبات اللي احنا شوفناه وسيبناه وهيسنا عليه … وقولنا على الاثبات ده ايه ؟؟؟ ….  ”  اثبات ان البطيخة فيها بذر ”   …. فاكرين  ؟؟؟ ….

طبعا خرجت من الامتحان مهيس طبعا  … وده كان الشكل الخارجي ليا  … لكن من جوايا  …  زعلان على حالي  … وزعلان على المادة اللي انا ضيعت فيها 20 درجة على الفاضي (10 درجات امتحان , و10 درجات على 3 برامج كان المفروض اسلمهم للدكتور ) …

وادي جزاء اللي ميزاكرش الاثباتات  … لدكتور النظريات …

وطبعا في الاخر هتقول … حسبي الله ونعم الوكيل … الله يرحمك يا حج سعد ” مفيش فايدة ”   … (الجملة الخالدة)

Comments
  1. Hunikal says:

    معاك يا اهلاوي والله كلنا حسينا الاحساس دة
    و برضة هنمشي و نئول ” سعد سعد يحيا سعد “

  2. BooDy says:

    كللنا معاك يا اهلاوي😀
    مع ان الامتحان كان جاي (زي ما الدكتور قال) سهل جدااااااا و بسيط جدااااااا😆
    ربنا يستر بقى في النتيجة😀

    “سعد سعد يحيا سعد”

  3. وانت مالك says:

    يبنى انا اول ما مسكت الورقه قعدت اضحك ضحك شوف بقى حاولت احل ازاى
    نمت عل الورقه ابصلها من اليمين مش تجى ابص من الشمال برضه مش تجى قمت طالع عشان اكمل ضحك بره

  4. […] .. الواحد يفتكر زكريات اول بوست كتبته .. اللي كان عن امتحان الميدتيرم بتاع الجبر […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s