لو سمحت … الاقيش معاك ولاعة

Posted: June 30, 2008 in Health
Tags:

السلام عليكم ورحمة الله وبركاته

…….

حوار ساخن جدااا … مع أحد المدخنين

……..

1-لو سمحت … الاقيش معاك ولاعة

2- لا … ممعاييش

1- طب كبريت

2- لا والله … مش معايا

1- ليه … هو انت مش بتدخن ؟؟؟

2- لا … انا بكره ريحة السجاير اصلا

ومش بطيقها خاااالص

1- ليه يا عم الكره دا كله ؟؟؟

2- ايه ده هما مقلولكش ان التدخين خطر وبيدمر الصحة ويؤدي للوفاة … يا اخي دي مكتوبة على العلبة بتاعتها

1- يا سيدي متكبرهاش كده

2- يا عم ولا مكبرها ولا حاجة … انا بقولك على اللي مكتوب … وبعدين انا مجبتش حاجة من عندي

ثم انها لو مكانتش خطر .. وكانت حلوة .. كانت الناس كلها تشربها .. ومكانوش هيقولوا عليها انها حرام

…..*…..*…..*…..*…..*…..

1- ايه ده … حرام … !! … حرام لييييييييه يا عم انت هتحرمها بمزاجك

انت مسمعتش حديث سيدنا محمد -عليه الصلاة والسلام- لا ضرر ولا ضرار

والاية القرآنية : بسم الله الرحمن الرحيم :- {وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ} (195) سورة البقرة … صدق الله العظيم

ومتعرفش ان الانسان سيسأل : – عن عمره فيما افناه … وعن شبابه فيما ابلاه … وعن ماله من اين اكتسبه وفيما انفقه  ……. الخ

…..*…..*…..*…..*…..*…..

تعرف

* العام الماضي..السيجارة قتلت 5 ملايين شخص

* النيكوتين يسبب الإدمان أكثر من الحشيش

* أعداد المدخنين تزيد كل عام بنسبة 10% في العالم الثالث !

* شركات التبغ أخطر من شركات الأسلحة النووية

…..*…..*…..*…..*…..*…..

1- يا نهار ازرق … ايه يا عم هو انا قولتلك انا بشرب حشيش .. دي سيجارة يا عم

2- مهو المشكلة انك بتشرب سيجارة بتضر بيها نفسك وبتضايق الناس اللي حواليك وبتضرهم من ريحتها

وبعدين تعرف ان ضرر الدخان اخطر من ضرر الشرب نفسه

…..*…..*…..*…..*…..*…..

وبالضبط … كما قال سيدنا محمد – صلى الله عليه وسلم – :- مثل الجليس الصالح والجليس السوء .. كحامل المسك ونافخ الكير

” نافخ الكير : وهو الذي يعمل بلحام المعادن ”

فحامل المسك : اما ان تبتاع من او تجد من ريحا طيبة

ونافخ الكير : اما ان يحرق ثيابك او تجد منه ريحا خبيثة ” صدق رسول الله -صلي الله عليه وسلم-  ……. بس خلاص واظن ان التشبيه واضح

…..*…..*…..*…..*…..*…..

1- يااااااااه … يا راجل … دا انت بتكرهها اوووووي

2- والله انت تعرف … انا نفسي امنع الناس كلها انها تشربها دا انت لو سمعت عن الاضرار اللي بتعملهالك هتقول عمري منا شاربها تاني

اصلك متعرفش كمان انها بتخرب البيوت … اه والله يا عم

…..*…..*…..*…..*…..*…..

تخيل الراجل اللي بيدخن .. بيشرب كام علبة في اليوم

قول مثلا … علبة واحدة × 2 جنيه وربع … مثلا يعني …. انا معرفش هيا بكام والله

يعني في الاسبوع : …. 15.75 يعني قول 15 جنيه

في السنة : …. 821.25 … يعني قول 821 جنيه

…..*…..*…..*…..*…..*…..

ياااااااااه … تخيل ده واحد بس في مصر كلها … وبيشرب علبة واحدة بس

امال لو قولنا ان مصر فيها 75 مليون نسمة … تقريبا … دا اذا مكانوش زادوا يعني

المهم … نقول مثلا يعني ان مليون واحد بيشرب سجاير

طبعا مليون ده عدد اي كلام يعني … والمليون دول كل واحد فيهم بيشرب علبة واحدة بس في اليوم

اذن : عندنا في السنة … مليون × 821 … اذن النتيجة 821 مليون جنيه في السنة … سجاير

بجد بجد …. حسبي الله ونعم الوكيل

…..*…..*…..*…..*…..*…..

الملايين دي … لو وزعناها على الغلابة اللي في مصر بس دا مثلا برضه … هنبقى احسن بلد في العالم

ومحدش يقولي الاسعار ونيلة

مهو الاسعار غالية … والناس حتى مش بتقلل من شرب السجاير … دي بتكتر منها كمااااااان

…..*…..*…..*…..*…..*…..*

ياريت الناس تفووووق بقى

حراااااام … عليكم … الناس هتولع في بعضها … من كتر الزهق

عايزين نعيش عيشة كويسة

من غير دخان … ولا سجاير … ولا مخدرات … ولا تلوث

عايزين نعيش في بيئة نقية

وده من حقوقنا

ولا ايه

…..*…..*…..*…..*…..*…..

باقي لسه حاجة صغيرة الحوار ده انا اللي عامله

والأيات القرانية … والاحاديث انا قريتهم بنفسي … ومتأكد منهم تماما

…..*…..*…..*…..*…..*…..

يا جماعة … ياريت اللي يستفاد من الموضوع ده يحاول يتكلم مع الناس فيه

يعني والله انا بحاول بقدر الامكان مع اي حد بشوفه بيدخن

ادعولي … اعرف اقنع الناس اللي هنا الاول

سلااااااااااااام

…..*…..*…..*…..*…..*…..

Comments
  1. angel says:

    والله بجد موضوعك ده رااااائع جدااااااا وجاى فى وقته تمام
    انا اخويا الصغير الحمد لله مش بيشرب سجاير والحمد لله ربنا مكره فيها
    بس المشكله فى اصحابه اللى تقريبا معظمهم بيشربوا سجاير
    والواد يعينى قلبه اتقطع من ريحه السجاير دى وتعب منها
    لدرجه ان اخر مايزهق من اصحابه يشتمهم ويجرى وراهم يضربهم 😀
    بجد انا مش عارفه الولاد بيعملوا فى نفسهم واهلهم كده ليه
    ربنا يهديهم يارب ويبطلوا

  2. Mr MetoOo says:

    Greaaaaaaaaaaaaat ya solm walahy ana bakrh 7aga esmha sagayr

    elly shofto fe aboya ye5aliny akrha gedaa rabina yeb3dna kolna 3anha

    el 7amd lelah el shela beta3tna freeeeeeeeeeeee

  3. hend89 says:

    بجد بوست جميل اوى اوى
    ومهم اوى اوى
    بصراحه من اكبر مشاكل الشباب
    السيجارة عن الولاد والحجاب عند البنات
    بس المشكله ان معظم اللى بيدخنوا عارفين كل الكلام ده بس لا حياة لمن تنادى
    ربنا يهدي الجميع ياااااااااااارب

  4. wild flower says:

    موضوع رائع جدا بجد

    جزاك الله عنه كل خير و جعله في ميزان حسناتك

    مقدرتش صراحه اني مردش عليه

    و فعلا لو كل واحد قدر يكلم لو حد واحد من اللي حواليه و يقنعه

    اكيد حياة ناس كتير هتتغير

    لان السجاير فعلا ادمان و اهدار للصحه و المال

    و تهديد لصحة الناس اللي عايشين حواليه

    و ربنا يبعدها عن شباب المسلمين جميعا

  5. my fate says:

    ربنا يهدي الناس دى كلها وتبطل سجاير
    أنا بأتخنق جدا منها ومن أى حد يشربها غصب عني بينزل من عيني
    بأحس أنه مفيش عنده ارادة أنه يبطل وأصلا مكنش عنده شخصية عشان يبدأ يشربها
    وعامة أنا ناوية أبطل حشيش خلاص😀
    بجد موضوع حلو قوى
    وربنا يكرمك بيه خير
    سلااااااام

  6. elahlawy says:

    “angle”
    ربنا يخلي ليكي اخوكي … ويارب يحميه علطووووول ان شاء الله

    “Mr MetoOo”
    ربنا يحميك يا رب منها
    وانت عايز بعد الموضوع ده حد من الشلة يشرب … دا انا كنت هـــ … هعمل اي حاجة😀

    “hend89”
    الف شكر ليكي … وفعلا ربنا يهدي الجميع

    “wild flower”
    ربنا يحمينا منها جميعا يااااااارب

    “my fate”
    فعلا كلامك صح … دي بتبقى ضعف شخصية … وقلة ارادة
    عموما … ربنا يوفقك وتقدري تبطلي الحشيش
    ههههههههههههههههه
    الف شكر على مرورك

    ….*…..*…..*…..*…..*…..

    كلمة اخيرة

    والله انا مش عارف اقولكم ايه … بس ياريت اي حد استفاد كلمة من الموضوع ده
    ياريت ينصح بيها الناس … انت لو شجعت واحد انه يبطل الزفت ده
    هيبقالك ثواب كبييييييير اوووي عند ربنا

    ربنا معاكم ومعايا ان شاء الله

    الف شكر ليكم على مروركم وعلى دعواتكم الجميلة دي

    سلااااااااام😀

  7. Roody says:

    موضوع حلو اوى ومهم فعلا
    وسبحان الله الناس اللى بتدخن دى بيكونوا عارفين مخاطرها بس اتعودوا
    ده حتى ايام رمضان اول حاجة يفطروا عليها السجارة دى حاجة فعلا تخنق
    ربنا يهديهم ياااااااااااارب
    ويهدى شباب المسلمين اجمعين
    وشكرا يابمشهندس على طرح حضرتك لموضوع مهم زى ده
    وربنا يوفقنا ان شاء الله

  8. Hunikal says:

    موضوع جميل جدا يا اسلام و مفيد
    انا كمان كتبت عن نفس الفكرة و يارب
    يبعد التدخين عن الناس كلها

    طب اية رئيك نبعت للناس كلها و لكل اللي عندة بلوج
    يكتب موضوع يؤل ان هو ضد التدخين و بيرفضة
    مش شرط موضوع يحط شعار يؤل لواحد صحبة
    اي حاجة تفيد و تنشر الوعي
    وربنا ينولنا بيها الاجر

  9. elahlawy says:

    “Roody”
    ربنا يهدي الناس كلها ياااارب
    شكرا على مرورك

    “Hunikal”

    طب اية رئيك نبعت للناس كلها و لكل اللي عندة بلوج
    يكتب موضوع يؤل ان هو ضد التدخين و بيرفضة
    مش شرط موضوع يحط شعار يؤل لواحد صحبة
    اي حاجة تفيد و تنشر الوعي
    وربنا ينولنا بيها الاجر

    اكيد طبعا موااااااااااااااااااااااااااااافق

    وطبعا … مش هنقول بقى حملة ولا مش حملة

    احنا من نفسنا … هنقول لنفسنا

    احنا عايزين نمنع حاجة اسمها تدخين … سواء في اماكن عامة او الاماكن المغلقة

    وتحية كبيرة لاهل اسكندرية على الشغل الجامد اللي عملوه

    وياريت نشوفه بيطبق في الحقيقة

    http://hunikal.wordpress.com/2008/07/09/alex/

    وياريت …. قريب جدااا …. اقرا عند كل الناس في المواقع والمنتديات والبلوجات الشخصية

    انهم كلهم بيقولوا بصوت واحد …. لا لا لا … لا للتدخين

    سلاااااااااااام
    🙂

  10. […] جزء 1 … و جزء 2 […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s