Part2-Wla3a_Kabreet

Posted: August 29, 2008 in Health
Tags: ,

السلام عليكم ورحمة الله وبركاته

يستمر الحوار مع المدخن اياه بتاع المرة اللي فاتت

…….

المدخن : يااااااااااااااااااه انت تااااااااني ؟؟

الشاب : اهلا … اهلا … بتاع الولاعة … ازيك

المدخن : اهلا بيك … الحمد لله … ايش اخبارك ؟؟

الشاب : انا الحمد لله صحتي فل …. وانت … لسه بتشرب سجاير

المدخن : انا .. لا … لالالا … خفيف خفيف يعني

وعلى فكرة انا بطلت اشرب كيلوباترا .. بشرب ميريت دلوقتي

الشاب : ااه .. امممممم .. ما كلها سجاير مفرقتش

طب وناوي تبطلها امتى .. احنا داخلين على شهر رمضان

كل سنة وانت طيب .. فرصتك بقى علشان تبطلها

المدخن : اه اه … ان شاء الله

الشاب : صحيح .. شوفت علبة السجاير الجديدة مرسوم عليها ايه ؟؟

المدخن : اه شوفتها … مالها بقى

……*……*……*……*…..

……*……*……*……*…..

الشاب : ولا مالها ولا حاجة .. انت مش واخد بالك من الراجل اللي حاطط تنفس صناعي ده

ومش واخد بالك من الكلمتين اللي مكتوبين في الجنب على اليمين دووول

المدخن : اه … شكلها محاضرة كل مرة ؟؟

الشاب : لا يا عم ولا محاضرة ولا حاجة … بس كان ليا تعليق عليها كنت عايز اقوله

المدخن : ها … قول يا سيدي

الشاب : فاكر العلبة بتاعت زمان خالص .. كان مكتوب عليها بخط نمنم خااالص على جنب العلبة

التدخين ضار جدا بالصحة

و .. العلبة اللي كانت من فترة .. كان مكتوب عليها بخط كبيير على وش العلبة وانت بتفتحها

” التدخين ضار جدا بالصحة ويسبب الوفاة “

العلبة بتاعت دلوقتي .. مكتوب ومرسوم عليها زي ما انت شايف

……*……*……*……*…..

المدخن : طب انت قصدك ايه … مش فاهم

الشاب : قالك يا عم في العلبة بتاعت زمان … الناس لسه بتشربها

قالوا ==> الخط صغير و يمكن الناس مش شايفه الجملة

في العلبة اللي من فترة … الناس برضه بتشربها

راحوا ==> كبروا الكلام وحطوه على وش العلبة وقالوا يسبب الوفاة كمان

في علبة دلوقتي … الناس لسه بتشربها

قالك ==> يمكن الناس مش بتعرف تقرأ نحطلهم صورة

ونقولهم يا عــمــي بصوا السجاير بتعمل ايه

وزودوا كمان … التدخين يسبب امراض القلب والشرايين

يعني اشرب انت سجاير … وانا هغنيلك بودعك .. اخر وداع

……*……*……*……*…..

المدخن : ههههههههههههه … برضه مكبرها اووووي

الشاب : عارف … انا متخيل شكل علبة السجاير الجديدة

هتكون زي ما هيا .. بس هيزودوا حاجة

هيحطوا سماعة صغيرة كده تحت الصورة .. وكل ما تيجي تفتح العلبة

تلاقي صوت طالع بيقولك

” التدخين ضار جدا بالصحة .. يا عم حرام عليك خنقتني “

” بقالي 20 سنة بقولك التدخين ضار بالصحة وبيموّت وانت مفيش فايدة “

” يا عم ارحمني وارحم اللي حواليك شركات التدخين بتضحك عليك يا … تيييييييييت “

” ضيعت فلوسك عليا وياما نصحوك وقالولك سيبني … انت حر انت الجاني على نفسك “

اشرب واستمتع “

……*……*……*……*…..

اخر حاجة … الحوار ده تكلمة الحوار اللي فات

هنا

برضه انا اللي عامله … وياريت اي حد يستفيد بكلمة او بمعلومة من الموضوعين

يــاريـــت يتفاعل معانا ويكلم الناس

والــدال على الخير … كـفـاعله

…..

سلاااااااااااااااااااام

Comments
  1. Hunikal says:

    🙂 ابدعت يبني في الحوار دة
    و حلوة اوي الحتة بتاعت السماعة الصغيرة اللي هيحطوها في علبة السجاير
    تسداء فكرة

    ربنا يبعدنا عنها

  2. elahlawy says:

    “Hunikal”
    شكرا يا اسلام .. ربنا يبعدنا عنها كلنا يااااااارب
    ويهدي كل اللي بيشربوها🙂

  3. my fate says:

    جزاك الله خير يا بشمهندس
    ويا رب كل الناس تبطلها بقي
    وياخدول شهر رمضان كبداية _كل سنة وأنتوا طيبين-ويبدأو يقللوا السجاير ويبطلوها خالص على اخر رمضان إن شاء الله
    بس أحلى حته بتاعت هأودعك أخر وداع😀
    بجد حوار رائع ولذيذ
    وربنا يهدينا جميعا
    سلاااام

  4. Ahmed Samir says:

    حلو الحوار ده يااسلام🙂
    انا كنت سمعت ف التلفزيون من قريب كده ان فيه ناس
    اخترعوا سجاير صناعي السجاير دي ليها نفس ” متعة ” السجاير العاديه
    ده على حسب كلامهم ولكن اضرارها تكاد تكون ضعيفه جداااا
    اذا مكنتش منعدمه
    فسبحان الله يا خي🙂
    وعلى فكره الراجل الي على علبه السجاير طلع مشهوووور اوووي
    اسمه حسن بلالاه😛
    وكمان ليه صفحه ع الفيس بووك والناس مظبطينه ع الاخر يعني😀
    وربنا يجعله عامر
    وكل سنه وانت طيب
    سلام

  5. صفا says:

    الحوار جامد جدا وربنا يهدى الجميع
    رمضان كريم🙂

  6. elahlawy says:

    “my fate”
    ربنا يهديهم ياااااارب
    كل سنة والامة العربية كلها بخير
    نورتي🙂

    “Ahmed Samir”
    سجاير صناعي .. ؟؟ .. !! .. ولسه ياما هنشوف
    حسن بلالاه .. !! .. ده مشهور جداا
    كفاية ان صورته على كل علب السجاير😀
    وانت طيب يا عسل

    صفا$
    شكرا ليكي .. وربنا يهدينا كلنا
    نورتي🙂

  7. ezz says:

    هههههههههههههههههه حلوه أوى حته السماعة و لو سمحت ممكن أخد موضوعك أحطه عندى فى المدنوة و أذكر المصدر

    و مشكور

    مدونة عراف
    http://www.3araf.co.cc

    • elahlawy says:

      تحت امرك يا فندم
      المدونة كلها تحت امرك
      شكرا على مرورك الجميل .. وانتظر الجزء الثالث بإذن الله

  8. […] جزء 1 … و جزء 2 […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s