3ayesh_we_mesh_3ayesh

Posted: November 8, 2008 in Uncategorized

السلام عليكم ورحمة الله وبركاته

ازيكم يا بشر

اديني رجعت تاني اهو علشان اقرفكوا واطلع عينكوا في القراية … هههههههههههه

و بقالي حوالي شهر و 8 ايام مكتبتش حاااجة خاااالص

من اخر بوست بتاع العيد

ايام الكحك والبسكوت … اصله كان عيد بقى … فاكرين

بس … بجد فعلا مكنش ليا نفس اكتب اي حاجة خااالص

وخصوصا ان الشهر ده من اصعب الشهور اللي عدت على الواحد في حياته كلها

يمكن لك عزيزي القارئ ان تتخيل ما حدث لي في هذا الشهر … ايه ده ؟؟

هيا هتقلب فصحى ولا ايه ؟؟

وبعدين في حاجة كمان

اصلا النت كان فاصل طووول الشهر ده ولما بدأ يتعدل .. جات الدنيا شتت تلج

فالسويتش باظ والاكسس اللي فوق السطح اتكسر … محدش يستغرب

حصل كده فعلا والله

غير اني بقى في المدة اللي فاتت دي حطمت كل الارقام القياسية ليا في حاجات كتييييييير

اكيد طبعا كل واحد الفضول بيدفعه انه يعرف ايه الحاجات اللي انا كسرت الارقام القياسية فيها .. صح ؟؟

وانا اكيد هقولكم طبعا

الحاجات اهي

..

البرد … اطول فترة البرد يقعد فيها معايا …. طبعا علشان مش بهتم بنفسي

النوم … وده عملت ارقام حلوة في قلة النوم .. وكنت بعمل بعدها ارقام حلوة في النوم برضه

عدم الاكل … ودي بجد من الحاجات اللي فعلا عملتها .. وقعدت ساعات كتييير

الاكتئاب … مع اني ضده ومش بحبه لاني عارف اضراره كويس .. بس ساعات بيقدر يسيطر عليا

وده نتيجة للفراغ بتاع المدينة .. وعدد الساعات اللي الواحد بيضيعها في السفر

وحاجات تانية كده  –نفسي تخلص بقى– علشان انا زهقت

مع ان الواحد كان بيحاول يشغل نفسه بحاجات مفيدة … بس برضه

ان شاء الله هحاول اكتب بوست عن الفراغ واضراره والوقت و اسباب تضييع الوقت …. بس حد يفكرني ياااااريت يعني

…..*…..*…..*…..*…..

نصيحة محدش يحاول او حتى يفكر يحطم الارقام القياسية لنفسه

علشان بجد هتتعبوا … ومش اي تعب

اللهم بلغت .. يالا اشوفكم بخير في البوست الجاي .. ان شاء الله

سلاااااام

Comments
  1. Black says:

    انا بقا بدأت فعلا احطم الارقام القياسية وطبعا مش في الإكتئاب بس في
    وفي قلة النوم كمان
    انا منمتش بقالي اسبوع ويوم و 7 ساعات
    وفعلا انا الوقتي حاسس اني وصلت لمرحة تركيز مش قادر اوصفها ليكم

    الإمضاء black

  2. dodo says:

    المهم رجعتلنا بالسلامه

  3. الف سلامه عليك يا برنس

    وحمد لله على سلامتك

  4. elahlawy says:

    “Black”
    ربنا معاك والله .. انت حر
    منور البلوج

    “dodo”
    الله يسلمك يا ضياء يا حبيبي
    منوووور

    “¨°o.O ( DoOkDoOoK ) O.o°¨”
    الله يسلمك يا حبي
    منور البلوج

  5. يعنى إنت جايبنى من الإيميل لحد هنا عشان تعملى فيها عمرو دياب😀😀😀
    واحشنى والله ياإسلام باشا
    وان شاء الله الأيام الجايه تكون أحسن من اللى فاتت كتير
    سلام

  6. my fate says:

    ههههههههههههههه
    حلوة الأرقام القياسية دي
    عامة بعيد عن قلة النوم الواحد لازم ياخد كفايته برضه
    غير كدااا كل اللى بيحصل ده رفااايع
    المهم جاي قدام
    مع قدوم إمتحانات الميد ترم
    حضرتك الحق نام شويتين حلوين بقي قبل الأسبوع العاالمي اللى مستني شعب حاسبات
    وربنا يبعد عننا شرور الدكاترة
    😀
    سلام

  7. elahlawy says:

    “soul_of_darkness”
    خلاص يا عم عمرو التاكسيات عليا يا حبي😀
    وانت كمان اوحش … قصدي واحشني اكتر يعني …ههههههه
    يارب فعلا تكون احلى😀

    “my fate”
    ربنا معانا كلنا
    ويبعد عننا الشرور من كل الناس يااااااارب
    شكرا على مرورك😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s