2009 عندي غير كل الناس

Posted: January 2, 2009 in Uncategorized

السلام عليكم ورحمة الله وبركاته

ملحوظة : البوست ده خطر للناس اللي بتحارب الاكتئاب

والناس اللي مش عايزة تكتئب

ولو عندكم اطفال او اي حد يهمكم تحت 18 سنة .. لا انصح لهم بقراءة هذا البوست

….

من الواضح ان توقعاتي الحلوة للسنة دي اللي كنت كاتبها على مدونة حبيبي

Bingo

كلها بدأت في التناقص

هيا لسه هتبدأ .. مهي بدأت خلاص

اولها حصل بضرب غزة .. والسكوت التام من جانب الدول العربية

…..

d8a7d8add8afd8a7d8ab-d8bad8b2d8a9

…..

المصدر

…..

اكيد الصورة صعبة جداا جداا

اللهم اهلك اليهود الملعونين .. اللهم دمرهم تدميرا

اللهم زلزل الارض من تحت اقدامهم

اللهم انصر الاسلام واعز المسلمين …. يااارب

….

تاني حاجة لما دخلت الامتحانين بتوع امبارح

واحد عملي .. والتاني شفوي

وطبعا كالعادة .. صباح الطناش .. و لا حليت في العملي ولا جاوبت في الشفوي

طلعت وقولت الحمد لله .. وان شاء الله ربنا هيعوضني بحاجة كويسة

طلعت من الامتحان الاخير راضي وحمدت ربنا .. وقولت مش مشكلة

لسه بنلعب في الامتياز برضه

وبرضه اللي يعرفوني .. يعرفوا اني كل سنة بلعب على الامتياز

اقل من الامتياز مبلعبش

طبعا انا كل ده وبحاول ابعد عن اللي ميتسماش … الاكتئاب طبعا

كل اما الاقي نفسي هقرب منه .. اروح جايب نفسي علطوول من هناك

…..

تالت حاجة بقى قابلت ميتو حبيبي وقالي على خبر بمليون جنيه

NetBeans Platform Certified Training

وقالي انها في الجيزة و امتى بقى .. 3 و 4 و 5  يناير

قولت مش مشكلة انا فاضي ومش مشكلة الامتحانات اهم 3 ايام وكده كده

كنت هقعدهم في البيت ومش هزاكر فقررت اني اروح

طلعت مشكلة السفر واني ابات في القاهرة .. قولت مش مشكلة هتتحل ان شاء الله

خلاص اما قررت وكل حاجة تمام الاقي حاجة كمان عايزنها

لازم يكون معاك لاب توب علشان تشتغل عليه

بس .. كده باظت

طب انا هجيب لاب في يومين ازاي يعني .. فكرت استلف لاب من اي حد

قولت مين …. اللي هيفرط في الاب بتاعه 3 ايام بحالهم

دا لو لابي عمري ما هسيبه نص ساعة بعيد عني

رجعت البيت وحكيتلهم على الموضوع قالولي روح بس جات حكاية الاب دي

هو طبعا ان شاء الله جاي .. بس انا دماغي مش رايقة عشان انزل واجيب لاب

وبعدين الوقت مزنوق جداا

راحت دي كمان … قولت مش مشكلة وقولت الحمد لله

….

رابع حاجة كان في شوية زعل بين شوية ناس وكان في محاولة مني لتصليح الامور

بما انها سنة جديدة .. وداخلين على امتحانات ومش عايز اي ازمة جديدة تحصلي

لان السنة دي تالتة يعني مش هزار .. ولازم ميبقاش في مواد .. ان شاء الله

لان كده هيبقى فيها دبح

قعدنا .. و حاولت والله اني اصلح كل حاجة .. والله العظيم حاولت

بس يظهر مش مكتوبلي ان يحصلي حاجة كويسة في اول يوم في السنة دي

سنة 2009

طبعا المحاولات فشلت .. وكل واحد راح لطريقه

بعد الحوار الجميل ده .. الدنيا مطرت .. طبعا كان لازم تمطر علشان اليوم يخلص

وكل حاجة تنتهي

طوول عمري بحب المطر .. وبحب امشي في المطر

طوول عمري اقول ان المطر سعادة .. ورومانسية .. وحب وحاجات كتيير

ولما كان حد يقولي غير كده … كنت اقوله لا .. انت غلطان

من النهاردة بقى .. من يوم 1/1/2009 … انا بكره المطر .. ومش بحب الشتاء

….

خامس حاجة بقى .. بعد اما روحت البيت في اليوم اللذيذ ده

1/1/2009

دخلت البيت والدنيا بتمطر على اخرها .. قولت وايه يعني

دخلت البيت وسلمت على ابويا وامي ” ربنا يخليهملي ” وحكيتلهم على موضوع النت بينز والشهادة وان مينفعش اروح من غير لاب

طبعا الخبر نكد عليهم … روحت داخل اوضتي وقفلت على نفسي الباب

وقولت اشغل قرآن وروحت رايح قاعد على السرير

وقعدت افكر في اللي حصلي النهاردة وكلام واحد صاحبي قالهولي في القطر واحنا مروحين

فجأة روحت في النوم

….

النهاردة الصبح بقى اللي هو 2/1/2009

اقوم من على السرير مخضوض .. سامع ناس بتصوت .. الكمبيوتر والنور مطفيين

قولت ايه اللي حصل .. البلد بتولع ولا ايه ؟؟

قمت بسرعة افتح البلوكونة .. الاقي ناس في اخر الشارع بتصوت

طب صوتهم داخل لحد عندي في الاوضة ليييييه ؟؟

معرفش في ايه ؟؟

طب كده قشطة اوووووي

هو انا ناقص

يالا وماله .. كده زي الفل

….

تحديث

اخر اخبار 2009 وعمايلها

يوم الجمعة اللي فاتت اليوم اللي صحيت فيه على صويت

كان عندي ماتش … طايرة طبعا

وروحت ونزلت ولعبت .. والحمد لله لعبت حلو

بس يظهر ان في حد ضرب الفرقة عين

1-

خسرنا الماتش وده كان اخر فرصة لينا

2-

طبعا انا كنت حاسس ان هيجرالي حاجة .. فنزلت عملت شوية تسخين خفيف

والحمد لله كانت كويسة .. روحت رابطها ولابس عليها الانكل .. وروحت نازل

في نص الماتش .. حصل اللي كنت عامل حسابه رجلي لفت

بس الحمد لله منزلتش عليها .. طبعا الحمد لله اني كنت رابطها والا كان هيبقى جبس علطوول

طلعت شوية .. وبعدين نزلت تاني وكملت وهيا وجعاني طبعا

بس مفيش حد حاسس بحاجة غيري .. وانا نفسي اكمل لعب

3-

بعد ما نزلت بشويتين كده .. محمود زميلي في الفريق كان في نقطة هو طالع بلوك

وهو نازل .. نزل على الارض وقع وبيصوت

كله جرى عليه .. لقينا الواد ماسك ركبته ومش قادر يحركها

يااادي النيلة .. استر يارب

اخدنا الواد وروحنا وجيبناله ميه وتلج الحمد لله  كان في دكتور في الفريق التاني واحنا كان معانا دكتور علاج طبيعي

روحنا طالعين  بيه على صيدلية واخد حقنة الدكاترة قالوله عليها وكاتبوله مرهم

لحد يوم تاني يوم اما يروح للدكتور .. عمل اشعة وتحاليل

قاله ممكن يكون تمزق في الاربطة او الغضروف .. بس المرة دي في الركبة عنده

ربنا معاك يبني والله .. امتحاناته كمان اسبوع

4-

النت فاصل من يوم الجمعة من ساعة ما رجعت من الماتش

يالا هيا هتيجي على النت يعني

سلااااام

والف الف شكر يا  2009

عاملة معانا احلى واجب والله

….

سلام بقى

علشان هقوم اعيط شوية

Comments
  1. my fate says:

    احم هو يعني كل حاجة بتقلب خير فى الآخر بطريقة ما يعني
    هو أولا بالنسبة للإمتحان وكده
    طبعا الواحد بينفض للمواضيع دي عشان أعصابه ما تتحرقش
    ثانيا بالنسبة للموضوع بتاع صحابك وكده
    أعتقد بما أنك عملت اللى عليك وحاولت تصلح الأمور
    إن شاء الله هتتصلح وزى ما حضرتك كاتب فى التوقيع
    “وعسى ان تكرهوا شيئا وهو خير لكم” الله أعلم الخير فين
    ثالثا بقي بالنسبة للتلات أيام اللى ضاعوا
    ربنا هيعوضها ليك بخير إن شاء الله
    رابعا بقي كله الإ المطر هو يعني ذنبه ايه عشان تكرهه؟؟؟
    ده المطر حلو وتحس أنه بيغسل هموم الواحد زى البحر بالظبط
    وعامة يعني تفائل خير يمكن تلاقيه
    وربنا معانا كلنا
    وإن شاء الله هتعدي السنة دي بخير علينا كلنا بالنسبة لكل حاجة إن شاء الله
    وإن شاء الله تجيب تقدير كويس
    سلاااام

  2. MMF says:

    مساء الفل يابرنس
    مكبر الموضوع كده ليه
    ###############
    زى ماقالت لك myfate
    “و عسى ان تكرهوا شيئا وهو خير لكم ”
    ###############
    وكمان متركزش على الحاجات الوحشة , عشان كده غلط
    ” وترى الشوك فى الورود وتعمى …. ان ترى الندى فوقها اكليلا ”
    ليه مفكرتش فى النقط الأيجابية
    كان ممكن الكورس ده يأثر على الدراسة
    او يحصل حاجة وحشة لاقدر الله
    “و عسى ان تكرهوا شيئا وهو خير لكم”
    ###############
    و تفائل خير
    “تفائلوا خيرا تجدوه ”
    ###############
    و خير ان شاء الله
    واصبر هتلاقى حاجة افضل
    Life Gives answers in 3 ways..It says yes and gives you what you want, it says no and gives you something better,
    it says wait and gives you the best .
    ###############
    وباذن الله خير
    وربنا هيكرمك
    و يتحقق الىى بتتمناه

    وربنا يوفق الجميع

  3. bingorabbit says:

    Bos, ana mosh motafa2el 5ales w mosh 3ayez azawedha 3alek, bas ana fe3lan el anadi bad2a b shakl mosh kowies abadan, ya Rab 3ala bal ma te5las tekoun a7san shwaya, w ella Rabena youstour 3ala el ban2admeen, a7san ana fe3lan mosh motafa2el 5aaaaaaaaales, momken lama a2abelko a2oloko leeh.

    3amatan, Rabena ma3ak, w ma3ana yewsa3ha 3alena w 3alek🙂

  4. BooDy says:

    كل اللي اقدر أقولهولك دلوقتي …
    ربنا يكون في عونك

  5. sandy says:

    لا حول ولا قوه الا بالله
    لعله خيييييييييييير .. بس عاما تقريبا السنه الجديده دي بادئه مع الكل كده
    ربنا يستر بقي🙂

  6. Hunikal says:

    اسلام فوء

    أن تضيء شمعة صغيرة خير لك من أن تنفق عمرك تلعن الظلام

    كل الظلام الذي في الدنيا لا يستطيع أن يخفي ضوء شمعة مضيئة

    لا يحزنك إنك فشلت مادمت تحاول الوقوف على قدميك من جديد

  7. SimbaGirl says:

    اسلام كله خير صدقنى
    ولو على اللاب توب هشوف كده الظروف ايه وهتاخده ان شاء الله
    اما بالنسبه للموضوع اللى بالى بالك كله خير صدقنى واسأل مجرب
    فك بقى يا بنبو
    لا اله الا الله

  8. hend89 says:

    ابتسم
    انت في 2009🙂

  9. Dina Shaldoum says:

    كل اللى اقدر اقوله
    “عسى ان تكرهوا شيئا وهو خيرا لكم “

  10. bacar says:

    يا ابني روق كده وان شاء الله ربنا هيفرجها
    “ضاقت فلما استحكمت حلقاتها فرجت وكان يظنها لا تفرج”

  11. SimbaGirl says:

    الجرح يقتلنـي
    أنا شاعر ..
    مازلت أرسم من نزيف الجُرح
    أغنية جديدة ..
    ما زلت أبني في سجون القهر
    أزماناً سعيدة
    مازلت أكتبُ
    رغم أن الحرف يقتلني
    ويلقيني أمام الناس
    أنغاماً شريدة ..
    أو كلما لاحت أمام العين
    أمنية عنيده ..
    ينساب سهم طائش في الليل ..
    يُسقِطُها …. شهيدة …

  12. dodo610 says:

    ليه كده بس يا اسلام
    مش قولتلى ليه انك كنت عاوز تروح بجد
    كنت عاوز اروح انا كمان بس مكنتش عاوز اروح لوحدى

    وان كان عل سنه 2009
    فبرضك ابتدت معانا بحاجات غريبه عجيبه
    وكل سنه عجيبه غريبه وانت طيب

  13. my fate says:

    معلش هارد تاني
    بس هى كلمة واحدة
    الدنيا والله مش مستاهلة حزن أصلااا
    بس كده
    سلاام

  14. إسلام ياإسلام ياإسلام كفايه تلاته بس😀
    أنا مش عارف أقولك ايه بجد بعد اللى قريته غير ربنا يعينك
    وانا زعلت اوى على فكره لما عرفت انك كنسلت حوار النت بينز بس ان شاء الله هاتلاقى فرصه احسن كتير
    وحاول تشوف الدنيا حلوه يامحيي كده وانزل استحمى مرتين تلاته تحت الشتا وانت تحبه تانى😀
    أشوفك ف الكليه صدفه😀

  15. sayed fat7y says:

    انت كده حاسستني ان 2009 دي شبح او كابوس بيطاردك
    اكيد مش للدرجه دي , الحاجات دي اكيد كانت هاتحصل كده كده في 2009 او غيرها من السنين
    ده قدر ياطيب
    بس اللي اقدر اقوله لك تفائلوا بالخير تجدوا
    تصديقا للايه : وانا عند حسن ظن عبدي بي

  16. angel says:

    انا بكتب الكومنت هنا عشان البوست بتاع استوب كلوزد
    بشمهندس فوق X-(
    مفيش حاجه تستاهل الكلام ده كله انا مش متضرره من الكلام اللى حضرتك بتكتبه انا متضرره من نفسيه حضرتك دلوقتى حرام عليك نفسك والله ولو كان اى حد يستاهل الحزن ده فخلاص احزن يوم وانهى الموضوع
    حضرتك بشمهندس فكر فى النقطه دى وكبر حياتك
    بلاش حاله الحزن اللى متملكه منك دى
    تانى مره ماتفكرش فى حاجه تضايقك وفوق لمستقبلك واللى ربنا عايزه ليك هايكون ان شاء الله انا مش محتاجه اعرف ايه الموضوع او المواضيع اللى خليتك تبقى كده انا عايزه حضرتك تفهم حاجه واحده كله خير ان شاء الله يبقى تفوق لمستقبلك واللى انت عايزه هايجلك لحد عندك ان شاء الله
    وانا مش متأسفه على اسلوبى الحاد معاك زيك زى اخويا واسلوبى ده زى ماكلمتك كده سبق وكلمته كده
    ربنا يهديك ويفتحلك كل السكك المقفله ان شاء الله
    وربنا معاك وتنهى الامتحانات على خير وتنجح بأذن الله

  17. صفا says:

    فى الاول اسمحلى ده تعليق على البوست ده والبوست اللى بعده
    شوف يا اسلام اولا انا مقتنعة ان البلوج ده اتعمل عشان تطلع فيه اى طاقة انت عاوز تطلعها بالكتابة سواء سلبيه او ايجابية ومفيش حد له تدخل فى اللى تكتبه طالما ده هيكون مفيد ليك انت لو بتبعد عن البلوج لمجرد ان حد اتضايق من كلامك فيا ريت ترجع تانى لو الكتابة بتريحك لو البعد هو اللى هيكون افيد لك فده طبعا قرارك ومحدش يقدر يتدخل فيه

    وكمان الدنيا مش بتقف عند حاجة معينه اكيد فى حاجات تانية احسن جاية بس لو فعلا احنا عاوزنها احسن اه الحزن مشاعر جوانا بتأثر كتير علينا بس لازم ننساها لازم تكون دافع لينا اننا نكون احسن مش لازم تشدنا لتحت ابدا مش لازم نفضل عايشين على الذكريات ونفضل نضايق فى نفسنا على كل اللى حصل اللى حصل حصل خلاص مفيش حاجة هتغيرة يبقى ندور على النقطة الايجابيه اللى فيه ونحاول نستفاد من اللى حصل غلط فيه ونشوف ايه يفيدنا اكتر
    الحزن مرحله وبتعدى اكيد ولازم نكون اقوى منها لازم نتحدى الحزن ده ونحوله لفرح ومنسمحلوش يأثر باى حاجة وان شاء الله الجى خير
    عارفة ان الكلام اسهل من التطبيق بس اكيد لو عاوز تكون احسن هتكون

    اسفة جدا لو كنت باتدخل فى حاجة مليش فيها واسفه جدا على التطويل

  18. […] بداية كل سنة جديدة .. واللي كان شايف سنة 2009 في بدايتها واللي كان بيجرى […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s