My_Session_Feedback

Posted: March 15, 2009 in Hasebat ... FCI, Occasions
Tags:

السلام عليكم ورحمة الله وبركاته

ازيكم يا بشر

ملحوظة : البوست ده طويل .. اللي عايز ينجز نفسه يدخل اولا  و ثانيا .. ويدخل على رابعا علطووول

اولا

بحمد الله اديت امبارح السيشن بتاعتي

Having a cup of java – Introduction to J2SE

والحمد لله ربنا وفقني

وزمايلي كمان .. اسلام وتامر .. الحمد لله ربنا وفقنا

السيشنز دي كان الهدف الاساسي منها .. اننا نفيد طلبة اولى وتانية حاسبات بالاخص

ونعرفهم يعني ايه برمجة ؟؟  ويعني ايه ويب ؟؟  ويعني ايه داتا بيز ؟؟

بس .. للاسف مفيش ناس من 1 و2 حضروا غير عدد قليل جداا جداا

بس ياريت فعلا اللي حضروا يكونوا استفادوا

احنا هنشرح لو في المدرج طالب واحد بس .. يكون عايز يتعلم حاجة

!!

ثانيا

بشكر كل الناس اللي حضروا في السيشن .. والله بجد انا مبسووط جدااا وفرحان اوووي

وشكرا للناس اللي كانوا ماسكين الكاميرات وبيصورونا سواء فيديو او صور

😀

شكرا بجد لكل الناس اللي اهتمت وحضرت .. بجد حضوركم ده على راسي من فوق والله

اردهالكم في الافراح ان شاء الله

طبعا .. بعد اما خرجت قولت اشوف ردود افعال الناس .. الحمد لله كنت كويس

😀

ولما شوفت نفسي في الفيديو بتاعي .. فعلا كنت كويس .. الحمد لله فعلا

ثالثا

سامحوني .. كان في حاجات كتييير كنت عايز اتكلم فيها في الاول .. بس للاسف نسيتها .. وهقولكم ليه  ؟؟

انا بجهز الكلام والسلايدز .. من يوم التلات تقريبا

لكم ان تتخيلوا .. كمية المعاناة اللي كنت بعانيها وانا بكتب السلايدز على الاوفيس 2007

علشان تطلع حلوة

واقعد اختار الخلفيات .. ونوع الخط  .. واحط صور .. واشيل واحذف واعدل

لحد اما تقريبا كنت هتجن

لحد يوم الجمعة الساعة 3.30  بليل .. الحمد لله .. خلصت .. اخيراااااااااااااا

طبعا الرجالة نزلوا وسابوني في الاوضة لوحدي

طيب افتح السلايدز بقى اراجعها .. لقيت النور قاطع .. ااااااااااااااااه

طب استنى شوية .. استنى .. لحد اما وصلت الساعة 12 – بعدين 12.15

لا

بس خلاص .. لا انا عايز اراجع .. ادور على اي لاب في الدور عايز 5 دقايق بس ابص على السلايدز

كل اما اروح لواحد الاقي لابه مخلص شحن

طب كده قشطة اوي … مراجعتش .. طيب … روحت لابس وواخد لاب واحد زميلي

في الاوضة اللي جنبي .. طبعا مكنش مشحون والكهرباء قاطعة

اخدته ونزلت الكلية .. وشغلته والحمد لله راجعت على السلايدز

قبل ما تيجي معاد السيشن بتاعتي روحت فاتح الاب وسطبت التكست باد و الـ

JDK

ومجربتهومش .. بس الحمد لله ربنا ستر والاب مفضحنيش ادام الناس

كتبت الحمد لله الكود واشتغل … والاهلاوي بيمسي عليكوا …. مساء الفل

بصراحة انا كنت داخل عامل حسابي على كل حاجة علشان لو حصل ان الكود مشتغلش

كنت عامل صور ..  للكود ومرحلة الــ

Run

…..*…..*…..

رابعا بقى

ودي اهم حاجة واللي عامل علشانها الموضوع ده

اسمحولي اخد رأيكم في شوية حاجات كده

هتبقى مهمة ليا بعد كده اكيد

وارآئكم طبعا على راسي من فوق طبعا .. ومتخافوش سعة الصدر اللي عندي تكفي الناس كلها وزيادة يعني

بليز … عايز ارأئكم وبكل صراحة

  1. رأيكم في السلايدز ؟؟
  2. طريقة الشرح وتوصيل المعلومة .. بالنسبة ليا كأول سيشن رسمية اعملها ؟؟
  3. الأداء مني .. في طريقة الشرح ؟؟
  4. الحاجات اللي خرجت بيها عن السلايدز كانت كويسة ولا لا ؟؟
  5. وهل دي شتت تفكير الناس ولا لا … مع العلم اني والله عملت كده علشان الناس متملش او تزهق وتمشي

….

ارجوكم .. ارآئكم بكل صراحة ؟؟

ويا سلام بقى لو تحطوها درجات .. كل حاجة تحطلها كام من 10

اللي هيحط اقل من 9.5  .. هو حر

واللي عنده اي اقتراح يتفضل يحطه .. وكلي آذان صاغية

اخر حاجة بقى … طبعا … اللي عايز ينزل

السلايدز

هنا

الكتب

SL – 110

SL – 275

وفي كمان للي عايز .. اللي عايز كمان يقول ؟؟

Some Pic 2 Love Java

here

😀

Pic of … how to run java on ur Pc

here

Text Editor

textpad

Download Java SE Development Kit 6u11 with NetBeans IDE 6.5 Bundle

here

اتمنى اني اكون افدت الناس بحاجة .. واكون قدرت اوصل اي معلومة

وربنا يكرمكم ان شاء الله .. ويوفقكم كلكم

100_2869

….

سلااااام

Comments
  1. dodo610 says:

    تمام يا جميل

    السيشن كان حلو ومعلش مشيت فى النص عشان كان عندى سكشن

    وطريقه شرحك تمام وهديك 10000000000000/10

    عبقال ما تدى سيشن بالانجليزى زى الراجل الهندى فاهمنى ؟؟؟؟؟؟
    يلا سلام وعاوز احضرلك سيشن تانى

    صحيح ابقى احضر السيشن بتاعى فى طريقه عمل الكنافه

    • elahlawy says:

      الف شكر يا ضياء يا حبي
      ربنا يخليك ليا🙂
      سيشن بالانجليزي ؟؟ .. مرة واحدة .. طب يا هل … الناس هتفهم ؟؟😆
      سيشن الكنافة ؟؟ .. اكيد هحضرها ان شاء الله
      دا انا بموت فيها😀

  2. angel says:

    جميل جداا السيشن يابشمهندس ربنا يوفقك على طول ان شاء الله
    هو الحمد لله كان مفهوم وواضح وكان اداء حضرتك كويس
    والسليدز كات كويسه برضه وشرح حضرتك تمام
    ربنا يعينك ان شاء الله ومستنين من حضرتك اللى جاى باذن الله😀
    وشكرااا على السيشن

    • elahlawy says:

      يا سلااام .. الف شكر والله
      بجد بجد رأي حضرتك ده شهادة اعتز بيها
      وعلى دماغي من فوووق والله🙂
      الف شكر على حضورك ومرورك🙂

  3. waleed amin says:

    بص يا اسلام هو انا عنيا بتوجعنى من قرايه البلوجات
    بس بعيد عن اللى انت كتبه فوق
    انت كنت شاطر اوى
    بسم الله ما شاء الله يعنى
    بس مش عشره على عشره يعنى
    عايزلك شويه تحسنيات
    المهم
    CONGURATLATION
    انه عدى على خير الحمد الله
    وسلملى عل العيال اللى عندك اللى انا بحبهم اوى دول
    جود باى

    • elahlawy says:

      خلاص يا وليد معتش هكتب حاجات كبيرة تاني😀
      ربنا يخليك ليا يا كبير .. وشكرا على صراحتك يا معلم
      على فكرة
      congratulations😀
      سلام يا عسل والف شكر على مرورك🙂

  4. Mohamed Ahmed says:

    اسلاااااااااااام
    بجد بجد كنت روعة بسم الله ما شاء الله
    نيجى للاسئلة بقى

    # رأيكم في السلايدز ؟؟
    كانت جميلة ياعنى الالوان متناسقة الصور ومناسبة فى مكانها الخط واضح والاوان واضحة

    #طريقة الشرح وتوصيل المعلومة .. بالنسبة ليا كأول سيشن رسمية اعملها ؟؟
    يابنى انت رفعت راس اى اس فوق والله
    بجد عرفتنى حاجات كتير فى الجافا كان نفسى اعرفها كملعومات عامة ليا

    # لأداء مني .. في طريقة الشرح ؟؟
    # الحاجات اللي خرجت بيها عن السلايدز كانت كويسة ولا لا ؟؟
    # وهل دي شتت تفكير الناس ولا لا … مع العلم اني والله عملت كده علشان الناس
    انت كنت كل شوية تصحصح الناس وتخليهم تاخد بالها ودى حاجة حلوة
    انا لو هديلك درجة بجد
    9 من عشرة

    وربنا يوفقك يارب وتكمل على خير واشوف صورتك مكان الراجل بتاع ابو الجافا
    ويحطوك انت ويكتبوا حفيد الجافا الاول

    • elahlawy says:

      ربنا يخليك يا محمد يا حبي
      شكرا يا جميل على رأيك .. اخجلتم تواضعنا والله😀
      شكرا على دعواتك الحلوة دي
      ويارب تكون فعلا استفدت حاجة من الشرح🙂
      شكرا على مرورك يا جميل😀

  5. ahmed sultan says:

    اسف يا صحبى انى لسه شايف البوست دا دلوقتى بس .. انته بصراحه كنت جامد وثقتك فى نفسك كانت رهيبه دا طبعا بالنسبه لـ انها اول سيشن رسمى تعطيها اودام الناس .. بالنسبه للهزار الخارجى فـ دا كويس جدا عشان اللى اودامك ميملش من الكلام وميزهقش وبجد انته اجدت كل اللى فات دا بامتياز ….

    ربنا يوفقك ان شاء الله وتستمر ومستواك يتحسن اكتر واكتر 😀

    • elahlawy says:

      ابو السلاطين منوري ياض والله
      الف شكر على رأيك الجميل ده وربنا يخليك ليا يا حبي🙂
      شكرا جداا يا جميل على الدعوة الحلوة دي .. نورت البلوج😀
      اه كنت منور في الكات النهاردة🙂

  6. ربنا يوفقك يا مان، وإلى الأمام دائماً…

    والسلايدز جميلة🙂

    • elahlawy says:

      ربنا يخليك يا عبدالله والف الف شكر
      على فكرة انت من ضمن الناس اللي حببوني في الجافا .. السيشن اللي كانت في الكات
      سكوب 8 … فاكر … One hour java talk🙂
      الف شكر على مرورك يا جميل
      نورتني والله😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s