Exams

Posted: May 17, 2009 in Exams, Hasebat ... FCI
Tags:

السلام عليكم ورحمة الله وبركاته

ازيكم يا بشر .. يارب تكونوا كلكم بخير يااارب

اعتذر عن عدم كتابة بوستات في الفترة اللي فاتت دي بسبب امتحانات الميدتيرم + الجهاز كان في المدينة

والان احدثكم من على جهازي من ( بيت العز ) اللي هو بيتنا

في الاونة الاخيرة .. حصلت احداث غريبة وعجيبة منها الحلو ومنها اللي مش

والحمد لله كله عدي على خير

بحمد الله خلصنا المشروع بتاع مادة الاعمال الالكترونية

Online Exam

وتم تسليمه للدكتور في موقف زي الفل قدام الكشك .. في الشارع وربنا

كان مروح وانا لحقته قبل ما يمشي .. فاخد مني الاسطوانة اللي عليها المشروع واخد الشيتات مننا

ومشي .. وكل سنة وانتوا طيبين .. يومها فعلا انا اتشليت كذا مرة .. من كذا حدث ورا بعضه

لذلك في نهاية اليوم السعيد ده  .. اتخذت قرار قدام رجالة سي اس اصحابي

واعلنتها وانا بكمال قواي العقلية .. واعلنتها صريحة واضحة وقدام كل الناس

وهو

اني -ان شاء الله- لن اتعامل نهائيا مع اي طالب ” اي اساوي “ في مشروع التخرج بإذن الله

وناوي انه يشلني

لان بجد اعصابي مش مستحملة .. والحمد لله ان المشروعين بتوع الترم ده عدو على خير

لاني افوت كل حاجة الا الشغل اللي انا تعبان فيه .. علشان محدش يقول عليه وحش .. او ملوش لازمة

او الراجل ده مبيعرفش يشتغل حاجة

قولنا نشتغل يبقى نشتغل ونتعب شوية .. مش اقول لواحد ينفذ حاجة … وميعملهاش

دي بقى بتعصبني جداا .. وبتشلني جدااا جداااا

هل انا غلطان في الكلام ده  ؟؟

وبعدين دا مش تعب .. هو احنا عملنا ايه ؟؟ ده مش حاجة بالنسبة للي حيحصل فينا في الشركات بره

المشكلة ان الناس مش متعودة انها تشتغل تحت ضغط

Working Under Stress

طب هتشتغلوا بره ازاااااي ؟؟ … حد يفهمني ؟؟

وعلى ذلك فقد قررت ان اتنحى تماما ونهائيا عن اي منصب رسمي توليته في هذا القسم اي اس

وهو تيم ليدر .. اخدت ايه انا من التيم ليدر يعني غير حرقة الدم

وان اعود الى صفوف الجماهير اشتغل زيي زي اي واحد بيشتغل كود في الجروب

واوعد اللي انا هشتغل معاهم ان شاء الله

اني مش هفتح بوقي بكلمة الا اذا كانت في سياق شغلي والمطلوب مني و ان شاء الله هتجدوا مني احلى مجهود واجدع شغل

بإذن الله

واتمنى انهم يخلوا المجموعات بتاعت مشروع التخرج تكون من اقسام مختلفة

ياااااااااارب

….*….*….

نيجي بقى للموضوع اللي انا كنت عايز اتكلم عنه

كل سنة وانتوا طيبين بمناسبة قدوم امتحانات الفاينال .. وايام المزاكرة والدح وتقطيع الكتب والبلاي ستيشن

اعادها الله عليكم بكل خير .. ومزاكرة .. وشغل .. وناجحين دايما بإذن الله

واللي عايز تقدير .. يقولي .. هبقى ادعيله دعوة سبيشيال

هنا انا بدعي للي عايز يعدي نضيف .. بس

والحاج ديوك .. لازم يمسي عليكم بنفسه طبعا

ولاول مرة السنة دي

….

….

امتحانات فاينال 2009 برعاية ديوك “

” مش هتبطل شرب قهوة “

….

حتى لو محوا كلمة صن .. وخلو الناس تبطل جافا .. وشالوا الاوبن سورس

هتفضل دايما في قلبي يا

DUKE

….

….

بس برضه عمر ” دم “ الاوبن سورس ما يروح كده بالساهل

شايفين … فيييين قعدة زمان وشرب القهوة .. واحنا بنسمع الست … ياااااااااه

فينك يا جوزلينج .. تشوف اللي حصل لصن من بعدك

….

يالا … ضحكتم شوية اهو

زاكروا كويس بقى .. ومتنسوشتدعولي … اني انجح نضيف بس

وان الاهلي ياخد الدوري … يااارب

..

يــــالا …. ســلااااام

اقعدوا بالعافية

elahlawy

Comments
  1. Hunikal says:

    يارب تنجح يا تتح😀

  2. BooDy says:

    ياراجل واحشنا ببوستاتك اللي بتظهر كل فين و فين دي😀

    المهم بالنسبة لقرارك الآي إساوي …

    ربنا يكون في عونك بصراحة … انا مش عارف انت استحملت كده ازاي

    انا لو مكانك كنت انفجرت😀

    ياااااااااااارب بس تبقى الأقسام كلها سايحة على بعضها عشان الشعب يتبسط و كده🙂

    اما بالنسبة لعمك الحاج ديوك و القهوة

    فانا ماببطلش شرب نسكافيه كل يوم والله يابني

    مابقيتش أفوق الا لما اشربه
    ربنا يستر و اعرف ابطله بقى لحسن ده عامل زي السجاير كده
    كل ما تشرب كل ما تتكيف😆

    ربنا معانا🙂

    • elahlawy says:

      يارب تتكيف كمان وكمان ويبقى مزاجك عال العال
      يا بودي يا ابن الحاج سعيد
      قول يارب😆
      ربنا يعينك وتبطل النسكافيه من اول يناير
      ان شاء الله😀

  3. noorelhoda says:

    هههههههههههههههههههههههههههههههههههههه
    ايه البوست التحفففففففففففففففففه ده ههههههههههههههههه
    والله ضحكتنى جاااااااااااااامد وانا مليش نفس اضحك

    بالنسبه للسنه الجميله الحمد لله انها عدت على خير
    بالنسبه للمشاريع الحمد لله برضه انه عدت على خير 😆

    بالنسبه بقى لل
    /elahlawy wrote/

    واللي عايز تقدير .. يقولي .. هبقى ادعيله دعوة سبيشيال

    فا انا عاايز من ده
    اتوصلى بيا بالله عليك يا عمو 😀

  4. SimbaGirl says:

    ربنا معاك يا اسلام
    ويحثث لك كل اللى فى بالك

  5. SimbaGirl says:

    قصدى يحقق لك كل اللى فى بالك
    الكى بوورد بتخرف

    • elahlawy says:

      شكراا جداا
      وانتي كمان ربنا يحققلك كل اللي انتي بتتمنيه
      وكل اللي في بالك
      قولي يارب🙂

  6. my fate says:

    “واتمنى انهم يخلوا المجموعات بتاعت مشروع التخرج تكون من اقسام مختلفة”
    ياااااااااااااااااااا رب
    لو الموضوع ده ماحصلش هيبقي فيها دم !!🙂
    وأنا عاوزة دعوة أعدي نضيف🙂
    ويمكن مشكلة المشروع أن كان فيه ليدر أصلا
    ما تمشوا الموضوع من غير ليدر
    كده أحلي شغل هيطلع🙂
    وربنا معاناااا كلناااا
    وأعدي بالحتة اللى باقية فى عقلي من الترم ده🙂
    سلاااااام

    • elahlawy says:

      ان شاء الله يخلوا الاقسام تشتغل مع بعض🙂
      وان شاء الله تعدي نضيف متقلقيش .. بإذن الله تعدي من غير مواد
      وسي اس كلها يارب .. دول غلابة وملهمش حد في الدنيا😀

      ويمكن مشكلة المشروع أن كان فيه ليدر أصلا
      ما تمشوا الموضوع من غير ليدر
      كده أحلي شغل هيطلع🙂

      ياريت كان ينفع والله .. لكن اي اس بقى
      ولا بيشتغلوا ولا بيعملوا حاجة
      لو مكنش في ليدر يحركهم عمرهم ما هيعملوا حاجة😦
      ان شاء الله تعدي بعقلك كله من حاسبات بإذن الله
      ودي الحاجة اللي بحاول اعملها .. ,وربنا يقويني احافظ على عقلي
      و الا هيطير هو كمان😆
      ربنا معانا كلنا🙂
      شكرا على مرورك يا فندم😀

  7. Ahmed Samir says:

    وحشتني بوستااااتك يا اسلام والله
    ابقى اكتب كل يوم كده ولاحاجة
    يابني ده احنا ف ايام امتحانات يعني الغراااااااااغ كله😛😛

    • elahlawy says:

      ههههههههههههههههه
      صباح الفراغ يا احمد باشا
      هحاول على اني اكتب بوست في الشهر كده😆

  8. yusra says:

    “ياريت كان ينفع والله .. لكن اي اس بقى
    ولا بيشتغلوا ولا بيعملوا حاجة
    لو مكنش في ليدر يحركهم عمرهم ما هيعملوا حاجة”

    ملحوظه صغنتته بس هيا المشكله فى اى اس ):
    ولا فى الناس اللى حضرتك اشتغلت معاهم 🙂

    “زاكروا كويس بقى .. ومتنسوش … تدعولي … اني انجح نضيف ”
    ربنا معاك ويوفقك ان شاء الله
    ونعدى كلناااااااااااااااااااااااااااااااااااا على خير من الترم ده🙂
    امين ياااااااااااااارب

    • elahlawy says:

      ملحوظه صغنتته بس هيا المشكله فى اى اس ):
      ولا فى الناس اللى حضرتك اشتغلت معاهم🙂

      اااه … انا شكلي هنضرب
      على فكرة انا بتكلم في حاجة .. ودي اللي انا من يوم ما دخلت اي اس وانا بتكلم عنها
      ان اي اس يعني فاضي .. فاضي مش مشغوول اووي بالمقارنة بالقسمين التانيين اللي عندنا في الكلية

      انا طبعا بتكلم على اللي بيشتغلوا معايا .. ومجبتش سيرة حد تاني
      انا طوول عمري بقول اي اس .. ” اجدع ناس” ولا عمري غلطت في حد

      لما قولت اي اس .. قصدي انهم مش بيقولوا يا مزاكرة او يا شغل الا لما يبقى في امتحان
      برضه انا بتكلم على فئة معينة تبعي انا عارفها
      واللي شغال في اي اس .. دول ناس على عيني وعلى راسي

      اتمنى اني اكون مضايقتش حضرتك بكلامي🙂
      ومتشكر اوووي على الدعوة الحلوة دي
      ولازم ارد طبعا عليها … ولكي مثلها وخيرا منها بإذن الله🙂
      شكرا على مرورك😀

      • BooDy says:

        يا جباان!!😆

        متخافش اوي كده

        البشمهندسة مابتاكلش بني آدمين انا عارف كدا كويس😀

        (احم … بهزر طبعا .. )

        بالنسبة لحوار الليدر

        معظمنا الناس كده على فكرة😀

        و أي تيم في الدنيا ممكن يحصل فيه المشاكل دي

        يعني ماتيأسش🙂

        • elahlawy says:

          انا جبان يا عبدالله .. مهو انت مشوفتش اللي انا شوفته😦
          يبني انا بس خايف حد يدعي عليا دعوة تيجي فيا .. اتكسر
          واحنا ايام امتحانات ومش طالبة كسور خاااالص😆
          عبدالله بيه .. بقول لسعادتك ايه ؟؟
          اجري انت دلوقتي .. بدل ما اطلعه عليك وهيجري وراك ومش هيسيبك😆

          يعني ماتيأسش🙂

          مش هيأس ان شاء الله
          لا يأس مع اي اس😀

  9. yusra says:

    “ومجبتش سيرة حد تاني ولا عمري غلطت في حد”
    ده شىء متأكدين منه وطبعا أنا مش قصدى أغلط حضرتك🙂
    مش أكتر من ان الجمله لفتت انتباهى والله .

    “اتمنى اني اكون مضايقتش حضرتك بكلامي ”
    لا طبعا 000 وأنا كمان أتمنى ان حضرتك تكون فهمت قصدى
    وربنا ميجبش ضرب أبدااا ان شاء الله 😆

    • elahlawy says:

      فهمت طبعا🙂

      وربنا ميجبش ضرب أبدااا ان شاء الله😆

      يارب … والله انا طيب ومليش في الخناق وفي حالي دايما
      دا انا غلباااااااااااااان😆
      شكرا على مرورك🙂

  10. my fate says:

    هههههههههههههه
    بس هو بالمنطق ده يعني أن اى اس فاضى
    المفروض يشتغل أكتر يعني
    أنا خلصت اللعبة بس فيه حتة نفسي أعدلها بس من بعد الإمتحان مفيش وقت خاالص للأسف
    ااااه صحيح
    ياااااااااااارب الإسماعيلي ياااخد الدوري🙂
    بس بأفكر لوينفع اخد دعوة خاصة كده أجيب تقدير إمتياز نفسي أجيبه مرة تانية وحشني قوووي🙂
    ممكن قصاد أني أجيب إمتياز فى مادة
    أبيع الزمالك على الإسماعيلي وأشجع الأهلي🙂
    أصلي مش متعصبة🙂
    أنا بأقول أطلع أجري بقى
    وده طبعا كله أثر من الآثار الجانبية للمذاكرة🙂
    سلااااااااااام

    • elahlawy says:

      هو انتي لو هتشجعي الاسماعيلي
      يبقى بصراحة كفاية عليكي مادة امتياز في الكلية
      انا دعيتلك ودعيت لسي اس كلها تعدي نضيف … كده حلو اوووي😀
      واحمدي ربنا على الامتياز اللي جبتيه قبل كده .. غيرك مجابوش خااالص😆
      اما بقى في حالة تشجيعك للاهلي .. امممم .. يبقى ماشي
      يارب تجيبي امتياز .. وسي اس كلها تطلع امتيازات🙂
      بس كده الدكاترة هيشيلونا احنا بقى😆
      يارب ينول كل واحد اللي في باله … ان شاء الله

      وده طبعا كله أثر من الآثار الجانبية للمذاكرة🙂

      ربنا معاكم ان شاء الله🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s