السلام عليكم ورحمة الله وبركاته

ازيكم يا بشر

النهاردة في مواضيع كتير جدااا

نبدأ بــ : اولا

مبرووووك للنادي الاهلي لفوزه بالدوري .. اينعم الخبر قديم شويتين بس مكنش في وقت اكتب عن الفوز

لكن دا ميمنعش اني احتفل … و … اااي ااآآآآو .. قال ايه عايزين ياخدوه

واووووووووه اهلاووووووي

….

ahlylogo26xl

….

ثانيا

احب ابارك لكل الحاسوباتية .. بمناسبة انتهاء العام الدراسي وسناريو الامتحانات

وبداية وقت الطحن والشغل والحاجات الحلوة

وكل سنة وانتوا طيبين .. وعقبال اما نخلص بقى من الرواية دي

علشان بصراحة الفيلم بيرخم اوووي في اخره

اهو … فاضلنا زلطة ونطلع بره

يالا ربنا يعديها على خير ومن غير موااااد يااااارب

قولوا ااامين

:)

….

ثالثا بقى

حاجة تخنق اوووي لما كل اما تمشي خطوتين تلاقي حد مقابلك يقولك

شوفت الماتش ؟؟

اه يا جدعان شوفته .. والله العظيم شوفته

احلف بإيه اني شوفته

انا شوفت الماتش يا جدعاااان .. وشوفت الخيبة التقيلة بتاعت منتخبنا الوطني العريق

وشوفت الحضري وهو بي تييييييييييييييييييييت .. والاعيبة الـ تيييييييييييت اللي حرقوا دمي

انا كده شكلي هقعد أ تيييييييييييييت للصبح

….

بس انا رغم كل الحزن والزعل اللي زعلته .. الا اني لما افتكر الاعلان بتاع شجع مصر

اموووت من الضحك

وكما قال الاخ العزيز ميتو افندي

” كأس العالم مش هيجيلنا ولا في تاكسي .. ولا توك توك .. ولا حتى على عربية كارو “

واد يا  بنا .. انت و ابو الاسرار

ايه هنقضيها فرجة بس ولا ايه ؟؟ … اهم اهم اهم المصريين اهم

….

رابعا بقى

فاكرين مواضيع التدخين .. والولاعة والكبريت

جزء 1 … و جزء 2

الموجودين تحت تاج .. صحتك ثروتك … على يمينك وانت بتفتح البلوج

شايفين

المهم … ان المواضيع دي بحمد الله موجودة على مدونة عراف

الاخ العزيز صاحب مدونة عراف .. جزاك الله خيرا على مساهمتك في نشر المواضيع

قال تعالى :- { وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِِ} (2) سورة المائدة

صدق الله العظيم

….

خامسا … واخر حاجة بقى

عايز اقول كلمة من قلبي والله

بجد شباب المنصورة … رجالة رجالة رجالة … ربنا يحميكم ياااارب

بجد احنا طلعنا احسن من غيرنا كتيييييييير والحمد لله

طبعا عايزين تعرفوا انا بقول كده ليه ؟؟

انا كنت في القاهرة امبارح – الثلاثاء 9/6/2009 –  في مهمة رسمية عائلية

ونزلت جامعة عين شمس

اللي الناس كلها مفكرة انها حاجة مفيش بعد كده .. بجد بجد

احنا احسن منهم بكتييير .. سواء في التعليم او في النظافة او … اي حاجة

انا النهاردة فعلا عرفت قيمة المنصورة

🙂

الشباب اللي هناك عموما .. عارفين الشباب الامور .. ايوووون هو ده

تحس كده ان الشباب اللي هناك .. لذيذ .. بمعنى لذيذ يعني … ومش عايز اتكلم كتييير

بجد بعد اللي شوفته النهاردة

انا عندي امل بجد ان ربنا هيكرمنا كلنا ان شاء الله .. الشباب اللي بيتبهدل ده وبيطلع عينه

ربنا هيجازيه كل خير ان شاء الله

ربنا يوفقنا كلنا يارب .. ونبقى كده شباب زي الفل ونفرح اهالينا بينا يااااااارب

🙂

….

طولت عليكم .. صح .. يالا معلش .. اصل البلوج كان واحشني اوووي

خدوا بالكم من نفسكوا .. واقعدوا بالعافية

اجازة سعيدة

🙂

سلاااااااااااااام

….

اهلاوي … ولو حصل لمصر زي الماتش اللي فات كده .. هشجع نيجريا

بــــــــس

Comments
  1. taitos7 says:

    واهم اهم اهم المصريين اهم

    ياجدعان بنتفرج من سنة 90

    متوتورناش ياناس

  2. SimbaGirl says:

    مبدئيا مبروووك على الاجازه وأجازه سعيده ان شاء الله
    ومبرووك برده على الدورى
    واخيراا
    وحشتنا بوستاتك الجميله
    سلام يا اسلام
    تقبل مرورى

    • elahlawy says:

      مبروك علينا كلنا الاجازة وان شاء الله تبقى اجازة سعيدة
      بكل الطرق ان شاء الله🙂
      البوستات جاية ان شاء الله وهتزهقوا من كتر القراية😆
      نورتي البلوج🙂

  3. Ahmed Samir says:

    س الخير عليك ياريس
    احنا خلاص مش هنروح وخلي الواحد يريح اعصابه احسن بدل وجع القلب
    والضغط وكله
    عارف احنا ممكن هنكسب كل الماتشات ونيجي نتعادل مع رواندا مثلا
    ياسييييييييدي بقى على الي هيحصل يوميها😆
    بلا نيله وانا من هنا ومن موقعي هذا احب اقولك اننا مش هنروح كاس العالم
    احنا الي علينا اننا نتفرج وبس😛

    وكل سنه وانت طيب بمناسبه الاجازه عايزك تقضيها بالطول والعرض والورب كمان😛

    اخبططططط ديييييي (k)😆

    • elahlawy says:

      س الفل عليك يا كبير😆
      بلا كاس عالم بلا خيبة .. لما نشوف هياخدوا كام دستة من البرازيل
      ربنا يستر
      واجازة سعيدة علينا كلنا يا جميل .. وان شاء الله تحقق فيها اللي انت عايزة
      نورت البلوج يا جميل🙂

  4. BooDy says:

    ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

    انا بضحك على حاجة واحدة!!

    انك رحت جامعة عين شمس امبارح
    و أنا كنت هناك أول امبارح😆

    و والله مهمة عائلية برضه😀😀

    • elahlawy says:

      هههههههههههههههههههههههههه
      مش عارف يا جدع المهمات العائلية اللي بتيجي في اوقات رخمة دي
      الواحد عايز يرتاح شوية يا عم .. انا رجلي باظت من كتر السفر😆

  5. dola says:

    انا اية اللى خلانى امشى المرة اللى فاتت ما كنت كملت معاكو الماتش احسن كان وشى حلو عليكو يلا خير

    ومبرووووووووووك على الاجازة يا سمسم

    واهم اهم اهم المغلوبين اهم

    بس خلاص

    سلام😀

    • elahlawy says:

      مكنش وشك يااااض .. كان وش الواد محمد اخوك😆
      مبروك علينا جميعا
      يا عم .. خليها المصريين .. يمكن نكسب ولا حاجة
      احسن بجد لو مكسبناش هشجع نيجريا😆
      نورت يا عسل

  6. اه يا ليل يا زمن

    نفسى نفسى اشوف مصر فى كاس العالم او كاس القرات

    ويوم ما لقيتنا فى كاس القرات
    تلاقى مجموعتنا فيها البرازيل وايطاليا لا واحنا مغلوبين من الجزاير ومتعادلين مع زامبيا

    انا خايف لا يحصل اللى احمد عيد قال عليه 27/0 مع الرئفة

    واووووووووووووووووووووه مصراوى واوووووووووووووووووواه مصراوى

    مبغوك على الاجازة يا معلمى

    • elahlawy says:

      عارف يا ميتو .. انا عندي امل ان ان شاء الله مصر متتغلبش من البرازيل
      اكتر من 12 ان شاء الله😦
      ربنا يستر عليهم يا عم
      ويسترها علينا احسن تيجلنا نقطة .. ونتأهل ونتخرج من الدنيا خالص

      مبغوووك علينا كلنا الاجازة يا ميتو افندي😆

  7. MMF says:

    مبروك الأجازة ياإسلام
    وربنا يوفقك و تعمل كل اللى انت عاوزه
    و أجازة سعيدة يابرنس

    عقبال الشهادة الكبيرة 🙂

  8. my fate says:

    ألف مبروك الاجااازة
    ويا رب تبقي سعيدة
    وتحقق فيها كل اللى عاوزه إن شاء الله🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s