Ubuntu and Egypt

Posted: June 16, 2009 in Occasions
Tags: ,

السلام عليكم ورحمة الله وبركاته

ازيكم يا قوم .. ايش احوالكم

اليكم بقى اخر الانـبـاء

الاول

بحمد الله وصلت الابنتو 9.04 بسلامة الله الى ارض الوطن امس 15 -6-2009 في الساعة 11:55 صباحا

بتوقيت بيتنا برصه

وكالعادة صورتها ورفعتهالكم اهو

..

Elahlawy010

بجد الناس دووول بيعملوا حاجات روعة روعة

ربنا يوفقهم كمان وكمان

I Love Ubuntu .. Do you Love it ?

🙂

….

الخبر الثاني

احب ابارك لمنتخبنا الوطني اللي شرفنا الحمد لله ورفعوا راسنا قدام البرازيل

..

الهدف الاول

الهدفين الثاني والثالث

بجد بجد انا كنت متوقع اننا هنشيل من 6 لحد 12 .. مش عارف ليه ؟؟

وكان عندي امل ضعيف اننا نجيب جون الشرف

بس بجد بجد الحمد لله فعلا … اللاعيبة بتوعنا كانوا بيلعبوا رجالة في الملعب .. الا واحد بس اللي بيقف في الجون

مـا عليــنا منه .. علشان كل اما بتيجي سيرته بتنرفز

انا نفسي افهم .. هو حسن شحاته سايبه ليه ؟؟ … المفروض بعد ماتش الجزاير كان يرجعه بيتهم مع عمرو زكي

انا مش فاهم سر حب حسن شحاته للحضري .. والتاني اللي اسمه اوكا ده

بس الحق يقال .. اوكا الحمد لله لعب كويس شوية عن ماتش الجزاير .. دول فضحونا هناك يا عم

🙂

يالا .. الحمد لله انهم لعبوا كده .. انا فرحان جدااا جدااا ان ده لعب منتخبنا .. منتخب مصر

15-6-2009

التاريخ ده الناس هتفضل فاكراه طوول العمر .. والماتش ده الناس هتفضل تحكي وتتحاكى بيه لمدة 60 سنة قدام

ونقعد نحكي لعيالنا كده .. ونقولهم فين ايام زمااان .. ايام محمد شوقي كانت الكورة تخرج من رجلة عارفة طريقها للجون .. و محمد زيدان اللي كانت الكورة بتخرج من راسه زي المسطرة في الجون .. والفنان ابوتريكة اللي كان بيلعب وبيجري ولا كأنه عنده 20 سنة .. وكان بيرأس بتوع البرازيل كده وهما واقفين بيتفرجوا عليه

يااااااااه

ومش بعيد في يوم من الايام .. يجي ابني ويقعد على الجهاز ده .. لا لا ان شاء الله انا مش هعرفه اصلا ان كان في اجهزة بالشلل ده زي اجهزتنا

ممكن في يوم من الايام يجي ابني ويقعد يقرأ الحاجات اللي انا كاتبها دي .. ويقول ياااه يا بابا .. انت كنت بتشجع مصر اوووي كده .. على كده انت كنت بتحبها ولا ايام الماتشات بس ؟؟

طب … انا هشجع البرازيل بالعند فيك بقى

وانا اقعد اجري وراه في الشقة … واقوله تعالى يالا يا ابن ال .. تيييييييييييييت .. شجع بلدك ياااض

احــم احـــم

ايه يا عم متسيبني احلم شوية يا جدع .. دا انت غلس صحيح

” ايه يا جدعاااان … هنقضيها فرجة بس ولا ايه ؟؟ … واهم اهم اهم … المصريين اهم “

و اااووووووووووو مصراووووووي

….

ثالثا بقى وده الاهم

اليومين دوول انا تعبان شويتين -صحيا ومحدش يعرف على فكرة ومحدش حاسس بحاجة  .. متقولوش لحد بقى- وبجد انا محتاجلكم ؟؟

محتاج منكم … تدعولي ان ربنا يعدي اليومين الجايين دوول على خير

وحاجة كمان … ادعولي ان ربنا يوفقني واقدر اعمل حاجة في الاجازة دي

احسن انا مش عارف هيا مقفلة معايا ليه كده

بجد بجد دعواتكم ليا

خدوا بالكم من نفسكم .. وكل واحد يحرص على نفسه اليومين دوول

اقعدوا بالعافية

سلام

Comments
  1. dodo610 says:

    حمد لله عل سلامه الابنتو
    ومبروك يا سيدى عل اللعب بتاع مصر
    عاوزك ياواد تشرب كوببايه لبن وتبقى زى الاهلاوى كده اللى انا اعرفه لحسن انت كده ما تجيش منه حاجه
    ولو فضلت بالحال ده هتبقى فى الاخر زملكوى
    ان شا الله تكون بخير وربنا معاك وتعمل حاجه جامده الاجازه ديه

  2. my fate says:

    حمدلله على سلامة الابونتو🙂
    ومبروك لمصر على اللعب الجامد وعلى التلت أجوان
    حلوين جدااا بجد
    وإن شاء الله حضرتك تعمل حاجات مفيدة الاجازة دي
    وصحتك تتحسن
    ومش هنجيب سيرة لحد🙂
    مع أن كمان بأرفع شعار أن الأجازة دي بدايتها لا توحي بالخير
    ربنا يسترها
    سلاااام

    • elahlawy says:

      الله يسلمك🙂
      الحمد لله بتتحسن .. وربنا معانا كلنا ويدينا الصحة يارب
      وان شاء الله اجازة توحي بالخير
      بلاش التشاؤم ده
      ان شاء الله خير🙂
      نورتي

  3. SimbaGirl says:

    الف سلااامه عليك يا اسلااام
    ان شاء الله خير
    وان شاء الله تقدر تعمل حاجه الاجازه دى لو صممت وربنا معاااك
    اما موضوع الماتش بقى
    انا كنت نااويه اكتب بوست عن موضوع الشخصيه المصريه اللى ظهرت فى الماتش ده
    التحدى والاراده والاتحااد
    وقيم كتييير ظهرت فى الماتش ده
    بينت معدن المصريين الحقيقى
    بينت انهما اسيااد العالم فى كل حااجه
    وفى كل المجالات ده لو ركزنا وخليناا عندنا هدف وطمووح
    ومخفنااش وقلناا احنا استحااله نوصل
    بجد بجد ببارك للمنتخب وعقباال مااتش ايطااليا
    بس للاسف هكون مساافره فى نفس اليووم
    ياااارب اعرف اتفرج عليه😀

    • elahlawy says:

      الله يسلمك يا
      simba
      والحمد لله يا ستي غلبنا ايطاليا كمان .. والحمد لله كان في روح عالية اووي عندهم
      واكتب يا تاريخ .. سجلي يا جغرافيا .. المصريين خلوا ايطاليا تمشي حافية
      وايييييييييييه😆
      ويارب دايما🙂

  4. Ahmed Samir says:

    ايييييييه ده شكل الاسطوانه نضيفة اوووي كده ليه يا اسلام بجد شكلها جاااااااااامد😆
    وبالنسبه للماتش هو فعلا حاجة مكنتش متوقعها انا قولت بعد التالت ده
    الشوط التاني هنبدا نشغل العداد بقى وهتبقى فضيحه بس الحمد لله وعلى راي المثل المصري لما يتحط تحت ضغط بيعمل العجايب😆
    وربنا يستر الماتش الجاي
    والففففففففففف سلامه عليك ويارب تبقى كويس وتعمل كل الي انت مخططله الاجازه دي
    تيك كير ياواد😛

    • elahlawy says:

      ايه يا احمد .. انت مش شايف بالنظارة ولا ايه ؟؟
      منا عارف ان شكلها جامد طبعا😛
      ربنا يوفقنا كلنا ونعمل اللي احنا عايزينه ان شاء الله🙂

      تيك كير ياواد😛

      حاضر🙂

  5. Hunikal says:

    اللف سلامة عليك🙂
    ومبروك علي وصول الـ Ubuntu 😀

  6. BooDy says:

    ألف سلامة عليك يا معلمي🙂

    ربنا يكون في عونك ان شاء الله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s