فكرة مجنونة

Posted: September 25, 2009 in crazy
Tags:

السلام عليكم ورحمة الله وبركاته

شوية افكار مجنونة بتيجي على بال الواحد .. ودي فكيرة من ضمنهم

ونفسي اشوفها بتتحقق

قبل ما اموووت

🙂

طبعا عارفين محطة سيدي جابر – اسكندرية

وعارفين اللي بيتعمل فيها … واللي مش عارف بقى

فــ ” محطة القطر بتاعت سيدي جابر” بتتجدد

وعاملين محطة تانية مؤقتا عقبال اما تجديد القديمة يخلص

المحطة دي يا بشر

كل محافظ جديد بيجي اسكندرية بيجددها

اخر واحد كان “اللواء عبد السلام محجوب” تقريبا .. الراجل ده كان مخلي اسكندرية جااامدة جدااا

-واهالي اسكندرية كانوا بيموتوا فيه-

المهم ان “اللواء عادل لبيب” .. وهو محافظ اسكندرية الحالي

-واللي اهالي دمنهور معرفوش قيمته غير بعد اما مشي-

المهم ان المحافظ الحالي معجبوش النظام في محطة سيدي جابر

فجات فكرة انهم

يجددوها ويعملوا فوقها مول او حاجة زي كده وده اللي اعرفه وسمعنه من الناس اللي هناك

واللي ماسك الموضوع ده على حسب اللي شوفته

شركة المقاولون العرب

….

خلاص … ادي محطة سيدي جابر واللي بيحصل فيها

نسيبها شوية دلوقتي وهنرجعلها تاني

🙂

….

قدام المحطة بقى في موقف عربيات ملاكي كبـيـر جدااا بياخد تقريبا مش اكتر من 40 او 50 عربية بالكتير

وفي معظم اﻻحيان بيكون فاضي والعربيات راكنة جمبه .. بره سور الموقف يعني

اكيد علشان بفلوس

طبعا موقف زي ده وفي مكان زي ده .. اكيد جامد جداا خصوصا انه هيحافظ على عربيتك وكده

المهم اخر مرة كنت في اسكندرية الاتنين اللي فات ومعدي انا وصاحبي

اسلام

رايحين سموحة بصيت للموقف بتاع العربيات وافتكرت الفيديو ده

..

….

دي حلقة من برنامج خواطر خمسة للاستاذ احمد الشقيري

برنامج هادف جداا .. ياريت تسمعوه .. كان بيجي في رمضان .. والحلقات موجودة على اليوتيوب

بيقارن في خمس دقايق بس .. بين حياة الناس في اليابان .. او بمعنى اصح زي ما قال

على كوكب اليابان

وحياة المصريين او العرب على الكوكب بتاعنا

المهم

نطت في دماغي الفكرة دي

فاكرين محطة سيدي جابر واللي بيحصل فيها ؟؟ .. ايون .. كانت بتجدد وهيعملوا فوقها مول او اي حاجة

طب دلوقتي

الناس دوول عندهم مساحة كبييير جدااا اللي هيا مساحة موقف العربيات اللي مرمي جمب المحطة

ومفيش عربيات بتدخله علشان غالي وبعدين محنا سايبين العربيات جمب الموقف وميه ميه وخلاص

طب شوفتوا الفيديو … صح ؟؟

“حد فهم انا عايز اقول ايه”

احنا ممكن نشيل الموقف ده ونعمل موقف ياباني من اللي بيطلع وينزل ده علشان حبة العربيات اللي مرمين في الموقف دوول

اه

اشمعنى يعني فانوس رمضان .. و الساعة اللي انت ﻻبسها .. و النضارة بتاعتك

و الموبايل .. دا حتى الشراب يا جدع في منه صيني و ياباني

ليه بقى مناخودش الفكرة دي منهم وننفذها هنا

زي الساعة والموبايل والنضارة والشراب

ليه بناخد حاجة نستهلكها وتبوظ بعد يومين .. ومبناخودش حاجة لمصلحتنا تفيدنا وتفيد بلدنا

فاكرين المثال بتاعهم

بتاع السنارة ….. والسمكة

واحد يقولك : طب اليابان ومعندهاش مساحة تعمل فيها اي حاجة .. احنا مالنا محنا عندنا المساحات كبيرة والحمد لله

طب مهو المقاولون العرب اللي في اسكندرية .. الدنيا داقت بيهم فعملوا فوق محطة القطر مول

ماشي دا كويس علشان السياحة والسياح اللي بيسافر بالقطر والحاجات الحلوة دي

الله ينور

لكن ليه سايبين المساحات الفاضية دي كلها .. قدام المحطة ممكن نعمل

موقف ياباني

من ابو 5 متر في 7 متر .. وبياخد لحد 32 عربية

كده هيتبقى مساحة كبيرة جداا

ممكن نعمل جمبه برجين مستريحين او 3 ابراج كمان .. ولو العربيات كتيرة نعملهم جراج تحت اﻻرض زي اللي في

سان ستيفانوا

“مهو تكاليف بتكاليف بقى .. وكله هيبقى خير ليك يا عبد القوي”

مهو اللي خلاهم يعملوا موول فوق المحطة

يجيبوا الخلاط وشوية اﻻسمنت والرمل والزلط والحديد الكتير جداا اللي بيشتغلوا بيهم في المحطة

ويتزحزحوا شوية على جمب كده ويعملوا الفكرة دي

في المكان الفاضي ده

🙂

اول دورين في كل برج .. ممكن يتعمل فيهم مووول كويس .. او يتعمل فيهم فرع لــ “فتح الله “ …. مثلا

وبقيت البرج يتعمل فندق مثلا علشان اللي مسافر مثلا والقطر فاته وعايز يبات ليلة جمب المحطة

مثلا يعني

او بلاش الفندق ويخلوه شقق بس .. بس يسيبولي شقة احسن انا عايز شقة ومش ﻻقي شقق

واهو برضه حلينا مشكلة السكن في اسكندرية

🙂

منطقة سموحة مش محتاجة تجميل .. فعلا هيا جميلة من غير حاجة

كفاية عمو صاحب معصرة مكة .. اللي موجودة هناك “جمب موقف العربيات اللي بقول عليه فوق ده” .. الراجل ده

على فكرة عنده عصير جامد جداا اسمه

عصير بوريو

ايون هو اللي بيتاكل ده … بس ده بيتشرب بقى

نصيحة جربوه

المهم الناس فهمت انا عايز اقول ايه

يارب .. في يوم من اﻻيام اشوف حاجة زي دي اتنفذت

ﻻني انا بعشق اسكندرية

اكيد ناس كتير خطرت ببالهم الفكرة دي بعد الفيديو .. بس مش عارفين ينفذوها او مش عارفين يقدموا اﻻقتراح لمين

زي حلاتي كده

بس برضه لو اتنفذت الفكرة دي في يوم من اﻻيام

ابقوا احجزولي شقة

🙂

ياﻻ … سلااااااام

🙂

Comments
  1. SimbaGirl says:

    ههههههههههههههههه
    فكره جاامده جدااااااااا
    بس ده مش مكانها
    احنا فى مصر ؟؟

  2. Rana says:

    fekra 7elwa ..
    bs 7adretak ma teskotsh ..
    ana mesh 3arfa te3mel ih .. bs matskotsh😀

  3. mohamed emam says:

    mmmmmm ….. tayeb ana 3andy fekra tanya ashal, we ta2therha akbar …… eh ra2iak lamma yeb2a ma3ana “zebala” nermeha fe el salla?

    law 3amalna keda hateb2a el shaware3 nedefa, sa7?

    tayeb e7na mabne3melsh keda leh?
    we el fekra elly enta 2olt 3aleha ma betetaba2sh leh?

    3aref leh?

    3ashan e7na mabsoteen keda, e7na mosh 3aizeen neb2a a7san, aw 5aifeen aw mekasleen ….. aw ay sabab tany

    el mohem, ana shaif en el 7aga el wa7eda elly e7na me7tagenha 3ashan net3’ayar, hia enena neb2a “fe3lan” 3aizeen net3’ayar …..

    salam

    • Rana says:

      3ashan mashyeen b mabda2 ..

      hya gat 3alya ana ..
      ya salam , howa ana 2ly 7a3mel 2l far2 ..
      w ana maly ..
      gat 3la dy , ma 2l balad malyana masayeb ..
      da tab3n + KASAL RAHEEB ..

    • My Fate says:

      امممممممم
      أنا مش فاهمة لما كلنا هنبقي واخدين الفكرة دي عن البلد-بعيدا عن أنها صح أو لأ-مين هيحاول يخلي البلد أفضل؟؟
      ماشى هو فعلا الشعب ده منفض دماغه والحكومة بتعامله على أنه أقل من أنه يبقي إنسان
      بس طب وايه الحل؟؟
      ما كل الناس شايفة أن الناس مكسلة ومنفضة وراضية بحالها وخلاص
      وبعدين؟؟؟؟
      هى دى المشكلة اللى البلد كلها واقفة عليها
      مفيش حد بيتحرك مفيش حاجة بتتغير
      من وجهة نظري البلد محتاجة قائد
      لأن الشعب ده طول عمره بيمشى كويس لو اللى ماسكه كويس لكن من نفسه عمره ما هيمشى كويس
      لينا ربنا عامة
      سلااام

  4. my fate says:

    أولا الفكرة حلوة جدااا
    وأكيد يعني حضرتك بتفكر صح
    وأى أفكار من النوع ده حلوة
    بس ازاى هنوصلها للناس اللى المفروض تنفذ؟
    هى دى المشكلة للأسف
    هو أحنا لايقين حكومة تحل المشاكل الموجودة لما نقدملها إقتراحات😦
    وأكيد فكرة زي دي هتبقي مفيدة هنا فى المنصورة كمان وفى كل مكان مش فى اسكندرية بس
    وعلى سيرة البوريو فيه منه هنا -المنصورة متطورة برضه :D-
    وأنا لسه مجرباه من يومين كده
    وعاجبني قوي وأول ما أروح اليكس هأجربه من عمو اللى هناك ده😀
    سلااام

  5. emanD says:

    المشكلة ف موضوع ( الزبالة) ده اني لما بيبقى ف ايدي حاجة وعايزة ارميها مابلاقيش صندوق ارمي فيه اصلا..(بتكلم عن المنصورة)..ماعدا في الجامعة

    اما بالنسبة للموقف..ففعلا احنا مش عاوزين نتغير..
    احب افكر حضرتك (بمناسبة موضوع المواقف ده بالذات) بالموقف المكون من 7 أدوار اللي اتبنى واتهدم بدون مايستخدم واللي كالعادة اتكلف معرفش كام مليون جنيه..
    كان ف رمسيس تقريبا

    بلاش كده ..خلي الفلوس متجمدة يمكن حد يسرقها ويهرب بيها بدل ما نموت واحنا بنشوفها بتتساوى بالارض

    سلام

  6. […] وقولت اتفرجوا عليه .. البرنامج ده جااامد جداا على فكرة […]

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s