Life and work

Posted: September 30, 2009 in Me
Tags: ,

السلام عليكم ورحمة الله وبركاته

ازيكم يا بشر

ايه اخباركم ؟؟ … عاملين ايه ؟؟

يارب تكونوا كويسين

؟؟

انا عندي شوية حاجات كده هقولها في ثوني وماشي علطووول

حاولوا تستحملوني بقى

هو ليه الواحد ميشتغلش شغلانة ان شاء الله يعني بعد التخرج

زي الناس اللي هما قاعدين على مكاتب طوول الشهر .. وغالبا بيروحوا المكتب بيكملوا نومهم هناك

واخر الشهر بيقبضوا فلوووس آآآآآد كده

انا ميهمنيش الفلوس .. لكن اني ابقى مرتاح ده طبعا اهم عندي .. وعند كل الناس

هو اينعم .. كل واحد فينا اللي بيقرر مصيره وبيقرر هو هيشتغل ايه ؟؟

وبيقرر انه هيشتغل شغل جامد .. ولا هيأنتخ ويروح الشغل ينام زي بقيت الناس والفلوس اللي بياخدها دي تبقى فلوووس النوم وقعدة المكتب

وفوووت علينا بكرة وارحمني علشان انا عايز انام

ولو قام راح الحمام -مثلا- ورجع مكتبه تاني .. يبقى ده اكتر مجهود عمله

بس انا بقى عايز غير كده .. عايز اتعب .. واشتغل .. واسافر .. واتنرفذ على كود .. واكسر في كيبورد

لكن

ليه انا اقعد قدام ” الة “ غبية مبتفهمش بين قوسين كمبيوتر

اللي هو حاسب الي .. حاسب الشلل

واقعد اكتب في كود 9 ساعات .. منهم ساعة راحة بهرب بيها من ام الجو بتاع الشركة اللي قاعد فيه

ليه انا اتجن واكره حياتي في اليوم 700 مرة .. ولولا ان الواحد كان بيجاهد علشان يفضل محافظ على اخلاقه وعلى الفاظه في الفترة اللي فاتت دي

ولولا بجد اني قاعد مع ناس محترمين

كان زمان طلع مني حاجات غريبة .. ووش عمر ما حد شافه مني قبل كده

….

انا فعلا بحاول اخرج الطاقة اللي جوايا .. بس بتبقى على شكل حروف صغيرة بكتبها على التويتر

والمشي الكتير اللي بمشيه بعد اما بخلص الشغل

ولولا كده … كان زماني فعلا انفجرت

ممكن تقولوا انت في الاول كدا لسه علشان لسه شاب .. فريش .. وجديد .. ومتحمس للشغل

بس بعد كدا هتهدى .. وانا على فكرة بحاول اقنع نفسي بكده

ان الامور في يوم من الايام هتبقى كويسة .. بس مش عارف ليه مفيش فايدة

بس انت ليه بتعمل في نفسك كده

طب .. انت كنت في الاول بتحارب علشان تتشتغل مع الفئة دي .. علشان متستقبلك واحلامك وشريك حياتك …. دا اذا كان في من اصله

طب دلوقتي

ولا مستقبل  .. ولا احلام  .. ولا شريك .. ولا اي حاجة

فاضلك ايه ؟؟

ولا حاجة

تعمل حاجة لنفسك .. وعيش حياتك .. لنفسك واهلك .. و بـــــــــــــــــــــس

مش عايز حاجة من الدنيا تاني

ماشي

اديني متأقلم وبحاول اتعايش بقالي اكتر من 45 يوم اهو

بس انا مستحمل ليه

ما تولع الدنيا .. وتولع كل حاجة .. وانا اولع معاها .. ايه اللي هيحصل ؟؟

ولا حاجة

بس نفذ لو كنت جدع

الاسبوع ده بقى انا اشتغلت … ومع الناس والفئة اللي كنت نفسي اشتغل معاهم .. في المنصورة حاليا .. وباللغة اللي كان نفسي اشتغل بيها

وميه ميه .. وكله تمام دلوقتي

بس فعلا .. ده كنت مخططله .. وكان نفسي يحصل .. بس مع حاجات تانية

وللاسف … مش كل حاجة بنعوزها بتحصل

😦

انا بجد بتعدي عليا ساعات وغالبا بالايام

ببقى خلاص .. كل حاجة قـفـلت في وشي .. وعلى وشك الانتحار .. بس ارجع في كلامي واقول لا .. هتتعدل ان شاء الله

بتجيلي ساعات دماغي بتقفل قفلة طين

ولا بفهم .. ولا بكتب الكود ولا اي حاجة

وبفضل حاطط ايدي على خدي ومتنح للشاشة

طب اعمل ايييييييييييييه ؟؟؟

حاجة غريبة بتحصلي

كل ما بنزل شارع الجلاء .. او على المشاية .. ربنا بيوعدني بواحد من صاحبي يقعد يقلب عليا اللي فات

ويفكرني .. او انا بفتكر لوحدي

ايام

وتحصلي حالة غريبة .. بفضل ساكت مبلم ومن جوايا ببكي

….

لييييييييييييييييييييييييييييييه … بجد كده كتييييييييييييييير

بتحصلي شوية حاجات بجانب الافكار المجنونة اللي شوفتوها والحاجات اللي مش بقولها لحد

وكاتمها جوايا .. واقول ان شاء الله هتحصل .. لحد ما دماغي قربت تنفجر

من ضمن الحاجات دي بقى

انا عندي 2 ولاد تييييت .. بيتخانقوا جوايا علطووول

واللي عارفني كويس .. هيعرف ان الاتنين اللي جوا دماغي دووول

الاول : شخص طيب .. ايجابي .. يكره الروتين والحياة السلبية العادية .. بيحارب الاكتئاب وكل الظروف الوحشة .. ومتفائل دايما

والشخص التاني : شخص ابن تييييت .. مكتئب .. سلبي الى ابعد الحدود .. بيسيطر عليا ويتملكني

بيجي زي ما تقولوا كده في الوقت الصح

انا ماسكني الفترة دي التاني ده

والله يا جدعان مبهدلني اخر بهدلة .. وكل ما الاولاني يحاول يخلي الدنيا كويسة

ويقولي .. يبني فكك .. بكرة تروق وتحلى .. ان شاء الله

التاني

يرجع يسودها تاني .. ويقعدوا يضربوا في بعض كأنهم في حلبة مصارعة والحبال بتاعتها الاعصاب اللي جوه دماغي

بيضربوا بعض جامد اووي الفترة دي

😦

طب اعمل ايه يا عم ؟؟

ياااااااااااارب عدلها … ياااااااااااارب افرجها من عندك

ياااااااااااارب

بجد انا تعبااااااااااااان جداااااااااااا … ونفسي اعيط

😦

بقولك ايه ؟؟ قوم نام ؟؟

تصبح على خير

بكرة هتبقى كويس ان شاء الله

بكرة الخميس وانت مروح لاهلك .. بعد اسبوع من تعب الاعصاب والشد الذهني

ان شاء الله بكرة هتبقى كويس

سلاااااام

……

اسف بجد على الاسلوب اللي كتبت بيه

بس فعلا انا اعصابي تعبانة جدااا الفترة اللي فاتت دي وبالاخص الساعتين اللي فاتوا دووول

دعواتكم

Comments
  1. why this time el nas kolha keda ???

    ممكن يكون عشان احنا كنا كويسين فى رمضان فا اول ما دخل الشيطان حياتنا بقينا كدا يعنى دى فترة اعادة الاتزان ولا ايه

    اصل الاتنين ولاد التيت دول عندى وانت اكيد شوفت البوست

    حاجة تجنن فعلاا

  2. بص ياإسلام ده إحساس طبيعى جدا بيحس بيه اى بنى أدم
    إحساس انك بتتعب وتشتغل عشان حاجه وفجأه الحاجه دى تضيع منك وتبدأ تسأل نفسك أمال ليه بئا انا بشتغل وبتعب وبالذات فى شغلتنا دى اللى كلها تعب أعصاب
    بس هاقولك على حاجه
    إشتغل وإتعب عشان تبنى نفسك وتعمل إسم ف السوق مش عشان حد ,عشان خاطر نفسك انت , انت اللى تعبت واجتهدت عشان توصل للمكان ده فلازم انت اول واحد يستفيد منه معنويا
    أما بالنسبه للإتنين اللى جواك هاقولك على نصيحه
    “بص للإيجابيات مش هاتشوف سلبيات”
    دى نظريه انا ماشى بيها ومجاليش إكتئاب الحمد لله من أكتر من سنه
    جرب الوصفه دى وقول حوأت فيك ولا لأ:D😀😀😀

  3. Rana says:

    ana fe3ln mesh fahma kol 2l nas malha ???
    2stahdo b 2llah ya gam3a mn fadloko .. la7san 2l wa7ed byt2sr b kalam w 7alet 2l a5areen😦

    wallaaaaaahy 5eer ..🙂

  4. elahlawy says:

    @metoo
    مش عارف بالظبط والله ليه في الوقت ده
    بس يمكن كلامك صح .. اعادة اﻻتزان
    ..
    2 وﻻد تيييت بجد .. معندكش طريقة اخلص منهم بيها ؟؟

    @soul of darkness
    مهو المشكلة اني مضايق ومتعصب ﻻني بتعب اعصابي من غير هدف
    وهحاول اعمل اللي انت بتقوله
    هتعب واشتغل علشان نفسي .. وعلشان خاطر مستقبلي انا
    ..
    ابص للايجابيات بس ؟
    اجرب .. هو انا خسران حاجة .. بس ما اعتقدش انها تجيب نتيجة في الوقت الحالي🙂
    ….

    @Rana
    ياريت متشيلينيش ذنب اني بنكد عليكم .. وبضايقكم
    البوست اللي مكتوب قدامه life
    او بتكلم فيه عن نفسي
    اعرفي ان بيبقى فيه سلبيات كتييير
    وده بيبقى حبة صغيرين اووووي من اللي جوايا وبحاول اخرجهم ……بس
    وان شاء الله خير
    وربنا يسترها علينا
    نورتي

  5. SimbaGirl says:

    مقدرش اقولك غير خليك زيى ازعل واحزن وطلع اللى جواك
    لكن مطلوش فى ده كتير
    اعرف داايما
    انك الاقوى
    من الدنيا ومن الحياه ومن الظروف ومن اى شىء
    وصدقنى القوى فى الزمان ده
    اللى بيخلى وقت حزنه صغير اووى يكاد يكون معدوم
    مهما حصل
    خليك قوى

    وحاجه كمان جمله سمعتها وداايما بحب انفذها فى الاوقات اللى زى دى اللى بيسموها مفترق الطرق
    “انك لا تستطيع ان تكتم صوت الالم بداخلك ولكنك تسنطيع ان تخفض صوت ”

    واعرف كمان ان اللى ربنا بيختاره ليك هو الخير داايما

    وربنا معاك ويوفقك فى شغلك ويخرجك من اللى انت فيه ده على خير

    • elahlawy says:

      “انك لا تستطيع ان تكتم صوت الالم بداخلك ولكنك تسنطيع ان تخفض صوت ”

      جميلة اووي الحتة دي
      ..
      شكرا على دعوتك دي
      ربنا يسترها عليا الايام دي

  6. My Fate says:

    ما شاء الله الدفعة بتاعتنا فل قوي الأيام دي
    ونفس الاتنين دول عندي =))
    وبجد حضرتك فرحتني قوي بالشغل اللى الواحد هيشتغله قدام
    سعادة مفيش بعدها =))
    اللهم إني لا اسالك رد القضاء ولكني اسالك اللطف فيه
    عامة هى اكيد فعلا فترة وهتعدي
    وهتتعود بعد كده لما تقف قدامك مشكلة ولا تتعصب ولا اى حاجة
    أكيد هيبقي ليها حل وأكيد هتوصله بس لازم الواحد يهدي شوية
    وأكيد يعني حضرتك بتشتغل أولا وأخيرا عشان نفسك وعشان أهلك يفرحوا بيك وعشان تقدر تفتح بيت قدام وده أكيد هيحصل لأن ده قسمة ونصيب
    واحد ان البنت المتفائلة طالعة عليا دلوقتي😀
    سلام قبل ما التانية تطلع
    هو أحنا كلنا برج الجوزاء ولا ايه😀

  7. elahlawy says:

    وأكيد يعني حضرتك بتشتغل أولا وأخيرا عشان نفسك وعشان أهلك يفرحوا بيك وعشان تقدر تفتح بيت قدام وده أكيد هيحصل لأن ده قسمة ونصيب

    ان شاء الله يفرحوا بيا علطوول .. وهيفرحوا فيا برضه وانا في الجيش
    ..
    وبعدين بيت مين اللي انا هفتحه ده .. دانا افتح دماغي سبعين مرة ولا افكر في الموضوع ده تاني
    بجد
    يبقى …. اللي يفكر في موضوع زي ده

    هو أحنا كلنا برج الجوزاء ولا ايه😀

    اه ,,, انا
    يااارب التفاؤل ده يبقى علطووول🙂

  8. الصراع ده بيمر بيه اغلب الناس وانا كمان
    بس اهم حاجه نتغلب عليه وننجح في حياتنا

    • elahlawy says:

      ربنا معانا كلنا ان شاء الله
      وان شاء الله كلنا نتغلب على كل الصعوبات🙂
      شكرا على مرور حضرتك يا فندم
      نورتي البلوج🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s