Trains

Posted: October 25, 2009 in Egypt
Tags: ,

السلام عليكم ورحمة الله وبركاته

من زماااان وانا عايز اكتب الموضوع ده

تقريبا من رمضان اللي فات

بس كنت مستني الفرصة .. وكنت مستني افضى — اﻻقي وقت اكتب يعني

وبما ان الفرصة جات فلازم اكتب

وبما ان الرسول عليه الصلاة والسلام قالنا

” من رأى منكم منكرا فليغيره بديه , فإن لم يستطع فبلسانه , فإن لم يستطع فبقلبه … وهذا اضعف اﻻيمان “

صدق رسول الله صلى الله عليه وسلم

يبقى اذن

ﻻااااازم اكتب

واي حد هيقرأ البوست ده .. يبقى ﻻزم يتكلم … ليييييه … ﻻن هتبقى ساكت عن الحق … ومغيرتش المنكر بأي طريقة

وهيبقى حرام عليك … ﻻنك هتبقى عصيت كلام رسولك الكريم

سيدنا محمد عليه افضل الصلاة والسلام

ندخل في الموضوع علطووول

دلوقتي لما تبقى قاعد في بيتكم .. وفجأة لقيت اﻻعلان ده طالعلك في التليفزيون

دلوقتي … اي حد هيشوف اﻻعلان ده هيقول بس خلاص .. القطارات بقت ميه ميه

صح

؟

لكن ….. زي ما بيقول المثل : الميه تكدب الغطاس

دي الحقيقة … وﻻزم نشوف الغلط فين

مـاشــي

نبدأ

1

Elahlawy025

ده القطر من بره

ادي عربية … بذمتكم دي اللي موجودة في اﻻعلان

طب ادي كمان واحدة

Elahlawy028

دي بقى مفيهاش وﻻ شباك سليم

….

طب ايه رأيكم في الشباك ده ؟

Elahlawy029

تحفة مش كده ؟

….

طب وايه رأيكم في دي ؟

Elahlawy033

بصراحة تحفة فنية رائعة

عارفين ايه اللي في الصورة اللي فاتت دي ؟

دي اللي المفروض الواد كان “بيتشعلق” عليها في القطر .. ودي بقى حاجة جديدة “اوبشن جديد” في القطارات بتاعت اليومين دوول

عارفين ليه ؟

علشان الواد اياه لما يجي يركب القطر تاني .. ميلاقيش حاجة يتشعلق عليها … فيقعد ساكت بقى

ﻻن عمو اللي هيضربه على ايده ويقوله “ﻷ … ده غلط” مش بيبقى موجود كل يوم .. وغالبا عمو ده زهق من الواد ده

وبقى بيركب عربيات دلوقتي

….

طب وايه رأيكم في الفن المعماري في قطر الظلام اللي بروح بيه

Elahlawy031

ده الباب اللي من غير ازاز .. وﻻ “اوكره” .. وﻻ بيتقفل

وعلى فكرة للناس اللي بتركب القطر ده .. لو في يوم من اﻻيام “غلطت” وحبيت تقفل الباب ده والباب مفتحش بعدها

ابقى نادي على عمو بتاع الشاي .. هتلاقي معاه “اﻻوكره” بتاعت الباب ده

واسألوا مجرب

….

هل الصور دي زي اللي في اﻻعلان … يعني عايز افهم … هو القطر ده هو الوحيد اللي لسه متصلحش

طب مثلا يعني القطارات اللي انا بركبها هي الوحيدة اللي لسه متصلحتش

طب فرضا ان ده مش حقيقي والصور دي متفبركة .. طب اللي حصل امبارح في العياط ده كان ايه ؟؟

واللي ممكن تقرؤه مثلا على

جريدة الشرق اﻻوسط

او

بوابة الشروق

….

والخبر اللي مكيفني اووووي بتاع

جريدة الجمهورية

بيقولك ايه هناك … “جرار” السريع حطم عربات “قشاش” الغلابة

اخدتوا بالكم … اذن لسه في قطارات كده

لسه في قطارات فيها عربيات باللون اﻻصفر … وبيجرها حاجة زي جرار بتمشي بمزاجها … وبتقف بمزاجها

وتيجي تسأل على مواعيدها .. يقولك دي بتيجي بظروفها

ودي منظرها من جوه غير اﻻعلانات اطلاقا

محدش يستغرب ويقول وانت عرفت منين … ﻻني بضطر اركبها برضه علشان اوصل لبيتنا .. او اوصل جامعتي الصبح

ﻻن طريق السكة الحديد في المنطقة دي عايش على “القطارات الصفراء” دي واللي اسمها “قطارات درجة تالتة – عادية” .. وفي قطارات تانية تسمى ” درجة تانية مطورة” .. وفي كمان

نوع اسمه “قطارات درجة تانية مميزة “ .. وفي كمان نوع “درجة تانية مكيفة “ .. وفي كمان ” درجة اولى مكيفة “ وطبعا في فرق كبير بين كل دووول

واللي عايز يعرف مواعيد القطارات دي وبتطلع امتى -طبعا امتى دي المواعيد الرسمية ليها واللي نادرا ما بتطلع في معادها- يتفضل يبعتلي هنا

ويقولي عايز يعرف اهنو قطر ومعاده الساعة كام .. او عايز يروح المحطة القريبة منه ويشوف

انا ممكن اقوله على مواعيد قطارات اسكندرية – المنصورة كلها وبلا استثناء .. واللي عايز يروح المحطة يتأكد يتفضل يروح

وياريت لما يرجع يبقى يجي يبلغني باللي شافه

اذا كان كلامي ده صح .. وﻻ غلط

انا على الخط بتاع السكة الحديد ده “اسكندرية – المنصورة” بقالي 3 سنين واللي انا فيها دي السنة الرابعة

انا نفسي اعرف بقى

ليه القطر اﻻصفر ده مبيطلعش في اﻻعلانات

…….

حد شاف اللي حصل امبارح .. سواء صور او فيديو

….

دي يا جماعة … مأساة … مأساة بكل المقاييس

حراااااام عليكم .. يعني ايه قطرين يخبطوا في بعض … فين اﻻشارات الحمراء .. فين سواقين القطر ده

فين الراجل ناظر المحطة اللي عدا عليها القطر ده

فين وزير النقل اللي شغل الناس دوول في السكة الحديد

حياتنا بقت رخيصة اووووي كده … ﻻ هي مش بقت

هي فعلا رخصت من زماااااااااااان

من يوم ما اتحرق قطر الصعيد .. وغرق الناس في العبارة .. وقطر اسكندرية اللي طلع من المنصورة واتحرق على كوبري كفرالزيات ولحقوه بالعافية

وﻻ القطر اللي بركبه وانا مروح كل يوم خميس .. اللي عمري ما وصلت بيه البيت يوم بدري

علشان اقعد مع اهلي

وﻻ … وﻻ … وﻻ

عارفين اننا البلد اﻻولى على مستوى العالم اللي عندها اكبر نسبة وفيات من الحوادث بكافة انواعها

سواء عربيات او قطارات او طائرات او عبارات

هل ده شئ يدعو للفخر … وﻻ يدعوا اننا ﻻزم يكون لينا وقفة في الموضوع ده

اصلكم متعرفوش بره حياة الناس عاملة ازاي .. وحياتهم غالية ازاي

اللي فاكر الفيديو اللي كنت حطيته بتاع اليابان والموقف الياباني

ابقوا شوفوا بقى بقيت الحلقات دي وانتوا تعرفوا الناس دي عايشة ازاي .. وحياتهم غالية اد ايه

وللاسف احنا ساكتين

طيب

خلينا ساكتين لغاية اما يحصلنا زي ما حصل لقوم سيدنا موسى … اما فضلوا يسكتوا على الظلم

لحد اما لقوا نفسهم عبيد .. وﻻ حد فيهم بقى عارف يقول لصاحبه الصبح وهو بيقابله

صباح الخير

خلينا ساكتين … خلينا ساكتين

بس انا عايز اعرف هنفضل ساكتين لحد امتى

بالله عليكم يا جماعة .. لما تعرفوا هنفضل ساكتين لحد امتى .. حد يبقى يقولي

علشان اعمل حسابي وافرح

احسن انا نفسي اصحى الصبح الاقي خبر يفرح

مش خبر يموتني

كفاية بقى …. حرااااااااااااااااااااااااام

😦

اسيبكم بقى مع شوية فيديوهات وابقوا قولولي رأيكم

….

….

…..

……

ودي شوية صور من موقع الحادثة

موقع حادثة العياط و حادثة قطار الفيوم و قطار القاهرة

….

حادثة العياط حادث تصادم قطار القاهرة و قطار الفيوم

صور حادث العياط و حادثة قطار القاهرة و قطار الفيوم

………

ﻻ تعليق

وحسبي الله ونعم الوكيل

😦

Comments
  1. اhassan mourshidy" (hm) says:

    والله حرام علشان الناس تقدر احنا بنوصل المنصورة ازاى وكمان ياري اليقدر المعيدين والدكاترة لما يقوللك لا مفيش حد يحضر غير ف سكشنة
    وتسال وزير السكة الحيون يقوللك استهتار بسسب السواق
    بيحطط ع السواق الهو ملهوش اى سلطة

  2. القاء المسؤلية على الشعب اسوء حاجة ممكن تحصل
    واهو ربنا اثبت انها فوضى على فوضى
    موظفين غير مراقبين فاكرين نفسهم معاهم 4 ركاب بس
    حتى لو 4 دى ارواح نااااااااااس

    واهى قطارات صفيح
    تلت عربيات بقو حتة واحدة

    وقبلنى لو حصل حاجة
    حتى لو اقيل الاخ منصور شيفروليه ورئيس ومدير ادارة شركة التبغ مرلبورو .. هايخسر ايه؟؟؟

    فعلاااااااااا احنا بقينا نتراجع وبقوة تخلف مدقع
    ده لاننا اصلاا فى قطر زى قطر الصعيد وعاملين نكتر جواه كترنا عليهم مش عارفين ينظمونا
    والسواقين والكمسرية جهلة همهم فلوسهم وبس
    اعتقد ان محطتنا الاخير هاتكون هاوية
    محبط جداا من حال البلد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s