تتجوزيني ؟

Posted: March 11, 2010 in Me, WorDs
Tags: ,

النهاردة وبالاخص دلوقتي .. يعني كان من حبة كده

كان في لحظة سعادة … ايون لحظة سعادة محستهااش من زمااااااان اووووي

ويمكن بقالي فترة -يمكن تكون كبيرة شوية- محستش اني فرحان

زي النهاردة .. او من شوية عموما يعني

🙂

فحبيت ادخل واكتب واسجل اللحظة دي هنا .. وبعدين ابقى اتكلم في شوية مواضيع تانية كده بعدين بقى

واليكم هذه الكلمات

في كلام لما بيتقال بيغير كل حياتنا معاه

عنه بيستاهل ندور طول العمر ونستناه

انا من اللحظة دي بقولك اني بحبك اكتر

انتي اللي عشانك بكتب شعري انتي اللي عشنها بغني

تتجوزيني

تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

انا حاسس ان الكون وياكي بشوفو بشكل جديد

الدنيا بتضحك وانتي معايا

تكشر وانت بعيد

انا شايف فيك اولادنا ومستقبلنا ودنيا أمان

مهما هنكبر ونعجز هفضل احبك زي زماااااااااان

تتجوزيني

مش عايز غيرك في الحياة اوعى تسبيني

من غير متكلم انتي بتفهميني

عشانك اطول السما لو حبتيني

انا من اللحظة دي بقولك اني بحبك اكتر مني

انتي اللي عشانك بكتب شعري انتي اللي عشنها بغني

تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

تتجوزيني .. تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

تتجوزيني

……

إحــــــم إحـــــــــــم

على فكرة اللي فات ده .. كانت كلمات اغنية اسمها

تتجوزيني

غناء : هاني عادل

كلمات : محمد دياب

الحان : معز مسعود

🙂

ملحوظة مهمة : انا مش هتجوز دلوقتي خاااااااااااااااااااااااالص .. ممكن كمان سنة او تلاتة كده .. بس ممكن اخطب

😀

ودي بياناتي للي تحب تخطبني

😛

الاسم والكلية وتاريخ الميلاد والحاجات اللي بحبها موجودة فوق على اليمين او الشمال على حسب المتصفح بتاعك

😉

المؤهل : لسه طالب .. 2 شاورمه فراخ باكت .. ومعاهم 2 ميراندا تفاح .. واتفضلوا معايا

سنة التخرج : ربنا يستر

الشقة : خالصانة ومتشطبة سوبر لوكس .. فاضل العفش والاجهزة والفرش والذي منه … وكله على العروسة طبعا

وانا ممكن اشارك في الستاير

اه ومن ضمن الاجهزة .. تجيب معاها بلاي ستيشن 3 وشاشة تليفزيون كبيرة زي اللي بتطلع في الافلام دي

علشان العب برو براحتي .. وياريت هيا كمان يكون ليها في الكورة

يا اما هجيب اصحابي يلعبوا معايا .. ونقلبها قهوة

😆

الشغلانة : موجودة والحمد لله

المرتب : ملوش لازمة تعرفي .. ابويا وامي ميعرفهوش لحد دلوقتي

الحالة المادية : مستورة والحمد لله .. ساعات بروح اكل في كوك دووور وبهجت وسمير .. بس ربنا يخليلنا وجبة البغل والحجاز .. ونادرا لما بعزم حد على اكل .. ممكن شرب بس .. وغالبا بيبقى في اول الشهر علشان ببقى لسه قابض

😆

العربية : بسوق عربيات اتوماتيك .. بس ده بيني وبينكم .. دي كانت مرة وراحت لحالها واتعلمت عليها سواقة الاتوماتيك وعمري ما سوقت المانيوال .. بس في يوم من الايام هتعلم السواقة .. ان شاء الله

معنديش عربية .. بس في يوم من الايام ان شاء الله هجيب عربية ماتريكس او تيريوس او فولكس

دعواتكم معايا بس

🙂

عندي جيش .. بس ان شاء الله اعفاء يا اما عسكري

ولو دخلت ظابط .. متحاوليش تفكري في موضوع الجواز بيا اطلاقا

الاب : موجود وربنا يخليهولي يااااااااارب ويطولي في عمره .. الراجل ده شاف وبيشوف مني كتييييير اووووي

الام : موجودة هيا كمان والحمد لله وربنا يطولنا في عمرها … ملحوظة : دي هتبقى حماة ولا كل الحموات … فخدي بالك

اخ : شبه منحرف …. واخت : اروبة

لمزيد من المعلومات

ياريت متتصلوش هنا .. علشان البلوج متراقب .. والبوست دي اتمسكت قبل كده 3 مرات

وانت داخل بقى على البوست ابقى قووول كلمة السر

كتكووووووووووت

😆

Comments
  1. أنا شايف فى كلامك ذرة أمل
    بس انا هارد عشان أقولك

    إنســــــــــــــــــــــى 😀😀😀
    هو فى حد الأيام دى هايتجوز بستاير
    ولا فى حاسوباتى بياخد إعفاء من الجيش
    ولا فى واحده متعرفش مرتب جوزها وحوافزه وبتعرف بيصرف منها بنزين وسجاير والذى منه

    كل اللى فات ده عادى
    انما المشكله الوحيده اللى هاتقابلك وتقابلنا كلنا

    للأسف مفيش فى بنات بتعرف تلعب بروووووX-( X-( X-(

  2. SimbaGirl says:

    يا عم ما العروسه موجوده ومستنياك ؟؟
    بلاش اسيحلك بقى :d
    المهم ان شاء الله ربنا يحققلك كل احلامك
    ويوفقك فى حياتك كلها
    رغم انى زعلانه منك جاامد وانت عارف ليه ؟؟
    بس يلا خلينى الاحسن
    بالتوفيق يا اخويا العزيز

  3. AlexMidooo says:

    هههههههههههههه الاغنيه دى دمااااااااار يا اسلام
    الكليب اكتر دمااااااااار

    ربنا يوفقك للاى انت عايزه بقى وتوصله بسرعه
    بالنسبه للعربيه المانول سهله خااااااااااااااالص والله
    الاتوماتك دى مش سواقه اصلا دى ترفييييييه هههههههه
    ابقى تعالى وانا اعملك المانويل قشده

    يلا سى يو يا حبى

  4. Anas Emad says:

    كنت بعمل سيرش علي جوجل

    لقيت بوست بتاعك يا اسلام🙂
    😀

    ضحكت من قلبي .. ربنا يكرمك و يجوزك يارب

  5. elahlawy says:

    +Anas يااااااااااااااااه انت لسه فاكر😀
    انت قديييييم جدي انت والسيرش بتاعك دا😛😀

    في حاجات كتيرة اتغيرت ياحاج

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s