Things I Want

Posted: June 3, 2010 in Me, Occasions
Tags: ,

السلام عليكم ورحمة الله وبركاته

ازيكم يا بشر .. عاملين ايه في اﻻمتحانات

والناس اللي اخدت اﻻجازة عاملين ايه برضه

– مفيش غير اخويا بس اللي اخد اﻻجازة تقريبا –

😀

المهم

النهاردة وزي ما انتوا شايفين العنوان كده

ايووون … في حاجات انا عايزها

وطبعا بما اني بني ادم .. فطبيعتي بتقول اني

انتهازي .. واستغلالي .. وطماع

😆

وبمناسبة عيد ميلادي ” الواحد وعشرين” اللي قرب وفاضل عليه حبة

وغالبا هيبقى تقريبا يوم

21 – 6 – 2010

😀

وبما ان اول مرة عيد ميلادي يجي في اﻻمتحانات من يوم ما دخلت الجامعة

وبما انها اخر سنة , وبما اننا يمكن منشوفش بعض تاني

وبما اني انتهازي زي ما قولت فووق

😀

فانا ليا طلبات في عيد ميلادي الجاي

يعني اللي عايز يقولي كل سنة وانت طيب .. يجيب في ايده حاجة منهم وهو داخل عليا

😀

وبما اننا في سنة رابعة اذن احنا اشتغلنا في مشاريع يعني احنا في مجاميع واتعودنا على العمل الجماعي

صح … ؟؟ … طب وربنا الراجل ده بيقول كلام زي الفل

😆

اذن .. انا ممكن اسمح بإن الهدية تيجي من اكتر من شخص يعني من 1 الى 7 اشخاص

اكتر من كده ﻻ

😀

……..

واليكم قائمة طلباتي اللي هتجيبوها في عيد ميلادي

ومش شرط العيد ميلاد ده

الفترة مفتوحة لمدة ال 3 اعياد ميلاد الجايين

….

1-

عروسة … وبعد اما لقيت ان موضوع الجواز شاغل دماغ الناس اووي اليومين دوول

فانا قررت اني مش هتجوز الا اللي هختارها وتختارني !! والجواز كمان  3 او 4 سنين من بعد الـ 21 سنة

غير كده لا

😀

2-

عربية فولكس او ماتريكس او بورش …. اللي تقدروا عليه

3-

يو اس بي مودم … اتصالات او فودافون ويكون مشحون لمدة 3 شهور

4-

فلاشة 16 جيجا .. لو 8 مفيش مشاكل .. 4 ممكن اقبلها .. لو 2 هاخدها وخلاص

لو 1 جيجا هاخدها بس هرميك تحت اي عربية تقابلنا في الشارع

😆

5-

المروحة اللي بيحطوها تحت اﻻب دي .. علشان لما اﻻب يجي من الضمان – اذا جه يعني – ودي غالبا ب 20 جنيه من عند سولو .. العمارة اللي قدام موافي

😆

6-

Lab Top ” Toshiba | DELL “

واللي هجيب اﻻب يجيبه في الضمان .. واللي مش عايز يجيب ﻻب ممكن يجيبلي شاشة

LCD 17

علشان ارجع الشاشة لعابد .. اصلي طابقها منه بقالي كتيير

يارب ما يفتكر اني واخدها اصلا ياااارب

🙂

7-

مروحة عمود … علشان الجو في المدينة حر جداااا

😀

8-

شهادة التخرج , وشهادة الجيش – عارف ان دوول مش بإيد حد .. بس لو اخدت اعفاء ان شاء الله عايز تزكرة سفر لأي بلد في الدنيا … لو حتى جزر القمر

😀

9-

Digital Camera

😀

11-

كرة طايرة … اللي هيا بتبقى ملونة اربع الوان دي وياريت تكون اصلية

😀

12-

جيتار .. نفسي من وانا في ثانوي يبقى عندي واحد

🙂

13-

دومين بإسمي .. ويا سلام بقى لو دوت كوم .. عموما لو حد حب يشتريلي

هيلاقي “اسلام ضياء دوت كوم” فاضي

وخد بالك انا عايزه كده

islamdiaa

وعلى فكرة مش غالي

😀

14-

قنبلة نووية .. علشان اعمل حاجة كده في دماغي

!!

15-

انا قولت قنبلة نووية … صح

؟؟

16-

اخر مطلب ليا …. نفسي اروح اعمل عمرة

🙂

……..

وبما اني لسه مكملتش 21 .. يبقى ليا الحق اعمل اللي انا عايزة واطلب اللي انا عايزه

لحد اما اكملها

😆

بعد اما اكمل 21 ممكن تحاسبوني بعدها بقى على تصرفاتي

و ساعاتها بقى الواحد يبقى يمشي بـعـقـلـه وبــس

!!

ولحد اما يجي يوم 21 / 6

احب اقولكم

الحقوا حوشوا حبة فلوس علشان تيجيبوا هدية كويسة من اللي فوق او اي هدية

اهم حاجة محدش يدخل عليا وايده فاضية

😆

حاجة كمان

ادعولي … بس بذمة الله يكرمكم

سلاااااااام

🙂

Comments
  1. M.M.F says:

    هههههههههههههه
    كل سنة و أنت طيب مقدما ياإسلام
    و ان شاء الله تحقق كل اللى بتحلم بيه🙂

    معلش بقى دخلت عليك ايدى فاضية🙂

    أتمنالك حياة سعيدة و ناجحة ان شاء الرحمن

    بالتوفيق ان شاء الله

    • elahlawy says:

      وانت طيب مقدما يا اخ
      MMF🙂
      بس انا هعمل نفسي مسمعتش ومقرتش السطر الرابع ده
      ..
      قدامك 18 يوم تجيب فيهم اي هدية .. كدا يا اما هوريك العين الخضرا😆
      شكرا على الدعوات الحلوة دي .. ولك مثلها وخير منها
      نورت🙂

  2. aboelfetoh says:

    أولا كل سنه وانت طيب يا اسلام
    ثانيا ياعم حرام عليك ايه كل ده امال لو اتجوزت هتعمل ايه فينا
    ثالثا علي فكره أنا عيد ميلادي بعدك باربع ايام يعني الحاجه اللي تيجي تبقي بالنص ومفيش حد يخم عشان انا اللي هقعد علي صندوق الهديا
    كل سنه وانت طيب يا اسلام

    • elahlawy says:

      يبني انا لما هتجوز .. مش هعمل كده
      !
      انا هخليكم انتوا اللي تجيبوا العفش والجهاز بتاع العروسة كمان😆
      والشقة موجودة متقلقش

  3. mohabsafwat says:

    هو فيه سؤال ديما بسأله لاي حد عمل عيد ميلاد
    بما انك هتم 21 سنه طيب انتا عملت ايه يفيدك او يفيد الناس او البلد في العشرين سنه اللي فاتم دول

    • elahlawy says:

      بص يا عم مهاب … اولا هو انا اخر واحد ممكن يتسأل السؤال ده
      ليه ؟؟
      انت لو تعرفني كويس … هتعرف الاجابة !
      عموما .. السؤال ده انا بسأله لنفسي ” مش مرة واحدة في السنة ” -زي ما انت متخيل- لا دا مرات كتيييير
      والساعة 11.55 بليل يوم 20 / 6 كل سنة
      بيحصل عندي حاجات كتيييييييير🙂
      ممكن ابقى اعرفهالك لما نقعد مع بعض .. يا اصغر ديزاينر عملي لوجو😛
      المهم بقى متاخودناش في دوكة وتوهنا عن الموضوع الاصلي … هتجيبلي ايه انت واخوك ؟؟؟😆

  4. طيب قنبلة نووية و قلنا ماشي
    انما عربية فولكس كمان؟!
    لا انت كدا بتستعبط!!

  5. mohabsafwat says:

    ممكن ويب سيت ينفع فلاش😀

    • elahlawy says:

      هو المفروض اني اقولك ان هديتك وصلتني خلاص🙂
      اللوجو اللي انت عملته حلو فعلا
      وده هعتبره هدية عيد ميلادي
      لو عايز تجيب حاجة تانية اوك😀

  6. mohabsafwat says:

    يبني اللوجو ده كان حاجه تعبانه اوي لازم يكون في حاجه حلوه

  7. Barbie says:

    كل سنة وانت طيب يابشمهندس مع اتها متأخرة خااالص
    واكتر حاجة عجبتنى ف القائمة الهدايا القنبلة النووية والمروحة لان الجو فعلا ف المدينة بيبقى حر جدااا
    بس ياريت لو المروحة جاتلك ياريت تبقى تسلفهانى واوعدك بجد اوعدك انى مش هرجعها تانى
    اما بالنسبة للفنبلة النووية ابقى قولى بردة واوعدك نفس الوعد ال فات انى مش هبلغ ولا اى حاااااجة اصل انا مش شريرة خاااالص
    “هاهاهاهاها”

    • elahlawy says:

      🙂
      وانتي طيبة .. وبعدين خلاص ايام المدينة خلصت الحمدلله .. يارب ما ترجع تاني😀
      بالنسبة للقنبلة النووية : طول عمري هفضل عايزها😐

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s