احساسين مختلفين

Posted: July 2, 2010 in Exams, Hasebat ... FCI
Tags: , ,

السلام عليكم ورحمة الله وبركاته

ازيكم يا بشر

🙂

كل سنة وانتوا طيبين بمناسبة انتهاء العام الجامعي اﻻخير لينا

وانتهاء اخر امتحانات لينا في التعليم المصري

وعقبال المشروع والنتيجة

يااااااارب

🙂

من اسبوعين فاتوا  -واحنا في اﻻمتحانات يعني-  جالي احساسين مختلفين وجداد اوووي

اول مرة في حياتي احسهم

!!

اﻻحساس اﻻول كان يوم 21 – 6

وده كان يوم عيد ميلادي 21

🙂

تحس انك عديت 21 سنة من عمرك وان بقيت خلاص بقى عاقل وحاجات كتير كده

😀

اﻻحساس التاني كان اخر يوم في اﻻمتحانات يوم 24 – 6

وجالي بالظبط بعد اما طلعت من لجنة اﻻمتحان

اني خلصت اخيرااااا

وبعد 15 سنة خدمة في التعليم المصري الــ تييييييييييييييييييييييت ده

😐

اخيرا معدتش هدخل لجنة تاني ويقف عليا مراقب بطيخة رخم

كل همه اني متكلمش مع اللي ورايا , ولو لقى معايا ورقة -برشام يعني – ياخده مني ويدبسهولي في الورقة

ويضيع مني سنة او اكتر , ويضيع مستقبلي

انا اشيل المادة دي -ودي مش جديدة برضه منا شيلت قبل كده🙂 – احسن ما اطلع حاجة واتمسك بيها واضيع سنة بحالها

واللي انا كنت غنى عنه خاااالص

ﻻني مش مستعد اقضي يوم واحد زيادة من عمري في التعليم ابن تيييييييييييييييت ده

😀

اكيد ناس كتييييييير غيري حست اﻻحساس ده

احساس انك خلاص بقيت حر .. وعلى رأي “جورج عزمي” احنا طلعنا على وش اﻻرض كده

😆

إحنا طوول عمرنا جوه وتحت .. وبنفضل نتعلم وندرس 15 او 16 او 17 سنة من عمرنا

علشان نطلع على وش اﻻرض

او بمعنى اصح علشان نبدأ من الصفر

!!

حد عارف بالظبط احنا فاضلنا اد ايه علشان نوصل للي غيرنا -العالم المتقدم يعني- وصله

؟؟

عموما كل سنة وانتوا طيبين وربنا يوفقنا في اللي جاي

🙂

حاجة اخيرة

شلتنا الكريمة اسمحولي بما انها اخر سنة لينا

اطلع اخر صورة اتصورناها على المركب واعلنا هنا على البلوج بتاعي

🙂

….

الصورة دي في شخص مش موجود فيها .. ومكنش موجود معانا طوول اليوم وانا مخدتش بالي حتى انه مشي

علشان حصل عنده حالة وفاة

الشخص ده هو “كريم” .. وعلى فكرة هو الوحيد اللي اعرفه في الكلية دي كلها اسمه كريم

البقاء لله يا كريم

……

..

طبعا انا مش موجود في الصورة ﻻن انا اللي مصورها

وانا حبيت اطلع الصورة دي بالذات لسببين

اﻻول : لان في شخص عزيز علينا كلنا موجود فيها .. الشخص ده هو

ابراهيم عبدالفتاح

Bingo

والصورة التانية هو مش موجود فيها .. علشان هو اللي كان بيصورنا

🙂

السبب التاني : الصورة دي احسن واوضح من الصورة التانية

علشان انا اللي مصورها طبعا

😛

اقعدوا بالعافية

سلااام

🙂

Comments
  1. mohabsafwat says:

    الله يخرب بيت اللي خالكم تكرهوا التعليم كده
    مرحبا بيك في كوكب الارض بس هل في كائنات علي الكواكب الاخري بما انك مجرب

    • elahlawy says:

      الله يخرب بيت اللي خلى التعليم يتكره
      !
      اه طبعا في كائنات عايشة على سطح الكوكب , بس دوول قليلين شوية
      ﻻن في ناس كتير تحت لسه مطلعتش
      وناس فوق عايشين في الـ
      cloud😀
      ودوول اللي عارف اشوفهم لحد دلوقتي🙂
      مش عارف بقى هل في كائنات تانية عايشة من ورايا وﻻ ﻻ
      بس جاري البحث والتعرف على المخلوقات الجديدة دي🙂

  2. Hunikal says:

    مبروك يا عم ان احنا خلصنا🙂

    اة صحيح اية دة بالنسبة للاحساس الاول اة بقي عندك 21 سنة انما عقلت هنكذب بقي ولا اية😀

    • elahlawy says:

      لا مش هنكدب ولا حاجة🙂
      انت لو مش ملاحظ اني عقلت شوية فدا لاننا قاعدين مع بعض بقالنا كتيييييييير😀

  3. إسلام باشا ….
    مبروك ياباشا على التخرج السعيد … ومبروك وصولك لسطح الأرض😀😀
    وعقبال النتيجه والمشروع ان شاء الله عشان تحصل رسميا على لقب خريج عاطل لمده قصيره
    قبل مااييجى الجيش بدوره المهم وهو تعريفك بسكان كوكب الأرض …😀 ::D😀😀
    ربنا يسهل ان شاء الله وتاخد اعفاء ياجميل ووقتها يبقى ليه 2 ساقع واحد للتخرج وواحد لللجيش😀😀😀
    الف مبروك تانى مره ياسمسم

    • elahlawy says:

      عالظابط عمورة .. منور البلوج يا باشا والله🙂
      الله يبارك فيك يا جميل .. ومبروك انت كمان على حفلة التخرج بتاعتك , سمعت انها كانت جامدة🙂
      عارف يا عمورة باشا انا لو اخدت اعفاء .. هعزمك حتة عزومة متحلمشي بيها
      ولو مكنتش فاضي تيجي عندنا البيت
      ليك عزومة جوه الجامعة😀
      هعزمك على اﻻكلة الرسمي بتاعتي – اللي تقريبا مباكلشي غيرها وانا في الجامعة-
      1 شاورمة فراخ , و1 ميراندا تفاح كانز🙂
      الله يبارك فيك يا عمور
      نورت🙂

  4. barby says:

    الف مبروووووووووووك ع التخرج الجمييل دا وعقبالى لما ابقى ف سنة رابعة وابقى حاجة كويسة ان شاء الله

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s