اوراق الجيش

Posted: July 21, 2010 in Uncategorized
Tags:

السلام عليكم ورحمة الله وبركاته

دي الاوراق المطلوبة لشاب التجنيد

1-

البطاقة الشخصية … وتصورها شوية صور كتير كده

2-

فيش جنائي حديث … وده اللي اسمه الفيش الاول , واللي مطلعوش يلحق يطلعه بسرعة

بيروح اي قسم فيه كمبيوتر ويقوله عايز فيش مستعجل علشان الجيش

بياخد منك 15 جنيه وبياخد بصماتك على الكمبيوتر وبيصورك كمان , ويقولك تعالى خده بكرة

3-

اصل بطاقة التجنيد 6 جند … الورقة البيضا الصغيرة دي , واللي ضاعت منه يروح يطلع واحدة من القسم

واسمها بدل 6 جند , ورقة صفراء كبيرة

4-

اصل المؤهل – او الافادة .. والدفعة التانية لازم اصل المؤهل

5-

اصل شهادة الميلاد – كمبيوتر

6-

شوية صور ليك , مش اقل من 4 صور – 4 * 6

7-

فصيلة دم من مستشفى حكومي – ولازم تكون من مستشفى حكومي وتتأكد من انها مختومة  ودي بتاخدها وانت واقف

8-

قيد عائلي – وده مش شرط انت اللي تعمله ممكن والدك او اي حد قريبك بس تديله كل البيانات الخاصة بعيلتك

وده حاولوا تطلعوه بدري , علشان بياخد وقت

9-

اخر حاجة واللي تعتبر اصعب حاجة

قسيمة الزواج — لو انت متجوز

😀

……….

اخر حاجة خالص بقى

تاخد الكلام اللي فات دا كله وتروح واخد بعضك وطالع على القسم اللي سعادتك تابع ليه

وتروح تديلهم الكلام ده

وهناك هتلاقي جندي مجند قاعد مخصوص علشانك

🙂

وهو بقى هيعملك حاجة اسمها الفيش الثلاثي .. وبعد اما تخلص هيديك المعاد اللي هتروح فيه منطقة التجنيد بتاعتك

علشان تبتدي الكشف بتاعك

وربنا معاكم ومعانا

اي حد عنده اي اسئلة او استفسارات يسأل هنا وانا تحت امره

سلاااام

🙂

اللي هيحصل بعد كده وانت في منطقة التجنيد تقدروا

تقروه هنا على بلوج

عبدالحميد ابراهيم

الدفعة التانية “نص تاني – مواليد 1-7” نصيحة تبدأ تعمل ورقك على نص 9

علشان تلحق تخلص بدري

علشان هتبدأ الكشف من يوم 1 – 10

وربنا معاكم جميعا

🙂

Comments
  1. بومبوو باالنسبة لامثالى زوات النصف التانى … امتى وفين ؟؟

    • elahlawy says:

      بص يا ميتو
      بما انك دفعة تانية , فانت متبدأشي تعمل اي حاجة من الحاجات اللي فوق دي الا على شهر 1 او 2 مثلا
      ..
      لان القيد العائلي والفيش الاول صلاحيتهم 3 شهور بس

      وانت التقديم بتاعك بيبقى تقريبا على شهر 3
      ساعتها هنكون احنا في الجيش .. ابقى تعالى على نفسك واتصل بحد فينا واحنا هنقولك😀

  2. لي زيارة تانية للبوست دا ان شاء الله😀

  3. CIS says:

    هو القيد العائلى دا مفروض احط فية مين من العيلة هل ابويا وامى واخواتى بس ولا هحط كمان اخوات ابويا

    بس ياريت تكون اجابة اكيدة يا اسلام

    • elahlawy says:

      القيد العائلي ده بتاعك انت
      يعني ابوك وامك
      واخواتك
      بس🙂
      ثم انت مبتحطش حاجة , الناس اللي انت هتروحلهم هما عارفين شغلهم
      وعارفين ان ده قيد عائلي لشاب التجنيد
      !

  4. CIS says:

    حاجة كمان معلش اية فصيلة دم دى ياعنى عاوزين ورقة فيها فصيلة دمى ومختومة

    • elahlawy says:

      بص يا جميل
      1- القيد العائلي بيبقى مكتوب فيه
      اسم والدك وامه .. جدتك يعني
      +
      اسم والدتك وامها
      +
      اسم اخواتك وتواريخ ميلادهم
      وطبعا .. زي ما قولت فووق , لازم يكون معاك
      شهادات ميلاد اخواتك وشهادة ميلاد والدك ووالدتك

      .
      2- فصيلة الدم
      انت بتروح المستشفى الحكومي زي الباشا وبتدخل على بنك الدم زي الباشا برضه , هتلاقي موظف قاعد ومعاه دفتر كبير , قوله عايز اعرف فصيلة الدم علشان الجيش
      وانت واقف هياخد منك نقطة دم وبيشوفها وبيديك ورقة صغيرة مختومة ومكتوب عليها اسمك وفصيلة دمك
      بس يا سيدي🙂

  5. walid says:

    طب أنا دلوقتي لسة في الكلية في آخر سنة ان شاء الله, وما عنديش اخوات ولاد فـمليش جيش, عايز أعمل الاعفاء بدري عشان أعرف اشتغل, ينفع اطلعه وانا لسة في الكلية؟؟

    • elahlawy says:

      هو ينفع ب
      – شهادة الثانوية العامة
      – قيد عائلي
      – والدك يكون معاك
      واسأل في القسم اللي انت تبعه علشان يقولك لو في حاجات زيادة🙂
      واللي انت هتاخدها مش اعفاء نهائي .. لا .. دي اعفاء للحين زوال السبب
      وربنا معاك🙂
      نورت البلوج يا جميل😀

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s