حاسس اني … رايح الجيش !!

Posted: August 15, 2010 in Me
Tags: ,

السلام عليكم ورحمة الله وبركاته

ازيكم يا بشر .. عاملين ايه في الصيام

؟

يارب تكونوا بخير

🙂

ساعات قليلة , واطلع على منطقة التجنيد في المنصورة علشان الكشف الطبي بتاع الجيش

الاتنين 16 – 8 – 2010  .. 6 رمضان لسنة 1431

الساعة 6 ونص صباحا

لازم اكون موجود في منطقة التجنيد – سندوب

ولازم تكون كل حاجتي معايا

اوراقي : كلها جاهزة ومتصورة – شعري : حلقته وقصرت السوالف – الاشعة بتاعت رجلي اللي كانت مكسورة وربنا يستر ودي تطلعني

!!

فاضل اخر حاجة

دعواتكم ليا ان ربنا يسترها معايا بكرة ان شاء الله

🙂

مش عارف اقول ايه بصراحة

انا اول مرة من ايام نتيجة الثانوية – اشوف اهلي بالقلق ده

قاعدين يكلمولي الناس , وبيدعولي وبيوصوا الناس تدعيلي … وعلى الحال ده بقالهم اسبوعين تقريبا

اسبوعين عايش في قلق وتوتر – لحد اما قربت اتجنن خلاااااااااص

😀

بس هما معذورين – اصلي كنت عاملهم رعب في موضوع الجيش ده

😆

بس والله دلوقتي مش فارقة ..  إعفاء او  عسكري او  حتى  ظابط

يمكن لو دخلت ظابط هبقى على الاقل عارف ال 3 سنين الجايين في حياتي هعمل فيهم ايه

!!

ربنا يكتبلي اللي فيه الخير – ويرضيني بيه

ياااااارب

🙂

….

انا عدت عليا فترة من اصعب الفترات اللي مريت بيها في حياتي كلها

حالة اكتئاب فظيعة – وبعدين حالة لا مبالاة وملل قاتل – وبعدين حاولت اهدي نفسي شوية

واقعد اقنع في نفسي ان الدنيا مش مستاهلة .. وان الحياة مش بتدي لحد كل حاجة

وبعدين دخل رمضان والبرامج الدينية

رحلة للسعادة – عمرو خالد …. خواطر 6 – احمد الشقيري

اتعلمت شوية حاجات وشوية أدعية حلوة من “رحلة للسعادة” … برنامج جميل فعلا ياريت تتابعوه

🙂

والحمد لله .. الحالة النفسية يعني بدأت تتظبط شوية .. محتاج شوية وقت بس

والحمد لله على كل شئ

🙂

دعواتكم ليا .. انا فعلا محتاج كل دعوة دلوقتي

ربنا يسترها معايا ياااااارب

سلام

Comments
  1. Hunikal says:

    ربنا يقدملك اللي فيه الخير يارب🙂

  2. Ahmed Samir says:

    ربنا يكتبلك الي فيه الخير ان شاء الله
    سواء دخلت الجيش او لأ كله خير الحمد لله
    وربنا يوفقك ان شاء الله ياصديقى 🙂

  3. mohabsafwat says:

    ربنا معاك يا اسلام هوا الجيش مش وحش اوي علفكره لما تروح هتحس انك بقيت شخص جديد خالص ولا تحسبوا شيئا خير لكم وهو شر لكم ولا تحسبوا شيئا شر لكم وهو خير لكم

    • elahlawy says:

      شكرا يا مهاب
      ادعيلي بس ان ربنا يعديها على خير🙂
      وعسى أن تكرهوا شيئا وهو خير لكم وعسى أن تحبوا شيئا وهو شر لكم

  4. TaMeR 3ZZ says:

    بالتوفيق يا صاحبى وان شاء الله خير😀

  5. Amro Ezz says:

    ولا يهمك يا اهلاوى .. شده وتزول وحرام عليك اللى انت بتعمله فى الناس ده .. ان شاء الله اللى فيه الخير يقدمهولك ربنا من غير كلام فاضى ووسايط وهجص من ده .. وهفكرك باللى حصل معايا .. انا مكلمتش حد ولا جبت وسايط ونزلت عسكرى .. وبرضه ماكلمتش حد وماجبتش وسايط وبقيت ظابط … الموضوع بس انك وانت داخل ادعى .. اذا كان فى الامر ده خير لك ربنا يقدمهولك .. واذا كان فيه شر لك ربنا يصرفه عنك .. واتاكد ان محدش بياخد اكتر من نصيبه … وربنا لو اراد لك انك تدخل الجيش ايا كانت حالتك ووظيفتك فيه .. فتاكد ان دى مرحلة هتكتسب فيها خبرات كتير جدا .. مش لازم تكون فى مجالك .. بس هتاخد وقت اطول بكتير علشان تتعلمها برة الجيش .. يعنى وقتك فيه مش ببلاش .. وربنا معاك ويوفقك ان شاء الله

    • elahlawy says:

      افحمتني يا رجل
      !!
      طوول عمرك بتقنعني بكلامك يا كبير , ومش هقدر اقولك حاجة🙂
      شكرا يا عمرو على الكلام الجامد ده , وربنا يقدملي اللي فيه الخير ان شاء الله🙂

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s