Archive for the ‘2010’ Category

السلام عليكم ورحمة الله

ازيكم يا بشر

🙂

امبارح كان عيد ميلادي  ال

22

..

..

يعني ابو تريكة – يعني اﻻهلي فوق الجميع – ويعني ايه اهلاوي

يعني سنظل اوفياء

😀

(more…)

Advertisements

السلام عليكم ورحمة الله وبركاته

..

ahlylogo26xl

تعاطفا مني مع الشعب الزملكاوي .. احب ادخل هنا وافرح وازقطط وازعق بعلو صوتي

واقووووول

انا ركبي حديد .. واﻻهلي حديد …. انا ركبي حديد .. واﻻهلي حديد

🙂

اهم اهم اهم الشياطين الحمر

🙂

اﻻهلي كان هيشيل الزمالك نص دستة

لولا ستر ربنا .. وان عبد الواحد كان واقف جوون

🙂

وان محمد بركات كان بوز الجزمة بتاعه مكنش مظبوط

انفرادين بعبدالواحد السيد ومش عارف يرفع الكورة من فوقيه

😆

غالبا عبدالواحد من الماتش اللي فات وهو بيتمرن على كورة بركات بس

😆

عموما كفاية كده علشان اخونا الزملكاوية ميزعلوش اكتر من كده

😀

بس هقول حاجة صغيرة بس

اي امل واي حلم في الدنيا ممكن يتحقق

اﻻ ان الزمالك يغلب اﻻهلي

😛

كل مرة يقولك الماتش ده حياة او مووت .. وبرضه تلاقيهم عايشيين

وسبحان الله ليهم نفس ياخدوا راحة شهر

وسبحان الله الناس ليها نفس تتكلم عن الماتش

😀

ويقولك

العيب كان في النجيلة بتاعت الملعب

😆

ياﻻ هارد لك لكل زملكاوي .. وحظ سعيد المرة القادمة

بس مش مع الاهلي

😆

دي اهداف الماتش بتاع امبارح علشان اللي مشافهاش

او

اللي يحب يتأكد ان الهدف اﻻول بتاع الزمالك تسلل ب 7 متر والحكم كان اعمى ساعتها تقريبا

او

علشان اللي يحب يشوف قذيفة شريف عبدالفضيل تااااااااني

😆

وياني ياني ياني … المحظوظين كسبوا تاني

وياني ياني ياني … مش هلعب كورة تاني

وياني ياني ياني … من راسي اللي وجعاني ونزلت الملعب بيها وبركات رأسني تاني

😆

المحظوظين دوول اللي هما اﻻهلي يعني

😆

سلاااااااام

Back from Smart Village

Posted: March 26, 2010 in 2010, Egypt
Tags: ,

http://hunikal.files.wordpress.com/2010/03/smart-village-logo.gif

كانت رحلة جميلة .. غيرنا جو .. وشوفنا الشركات اللي هناك .. وشوفنا حاجات عظيمة جدااا جدااا للصبح

البلد دي لسه فيها حاجات تتشاف فعلا

🙂

واستفدنا طبعا حاجات كتييير

واولها : ان الواحد لو هيقدم الـ “سي في” بتاعته هناك .. يروح لوحده .. ميروحش في رحلة يعني

او يقدمها من على النت

وتكون جرئ في دخلتك عليهم

ومتأكد من جواه ان الناس اللي هناك دي بشر زيهم زيك

وانهم محتاجين ناااس .. وان شاء الله تتشتغل هناك

🙂

ثانيا : لو ربنا كرمك واشتغلت في القرية الذكية .. متنزلش كارفور يوم الخميس

ويكون من اﻻحسن انك تخلص شغل الخميس وترجع على شقتك علطووول

تاخد الخميس راحة واستجمام

ثالثا : متحاولش تدخل او تخرج القاهرة يوم الخميس … هتتشل بجد

رابعا : اللمة والشلة الحلوة اللي كانت معانا .. وكويس اني فضفت النهاردة

وربنا يعدي اﻻيام الجاية على خير

🙂

سلااااام

Egypt Vs Ghana .. Got the CUP

Posted: February 1, 2010 in 2010, Egypt
Tags: , ,

السلام عليكم ورحمة الله وبركاته

..

كلاكيت تاني مرة

اكشن

النهاردة داخل ابارك واهني .. واقووول

مبرووووووووووووووووووووووووووووووووووووك لبعد بكرة الصبح بقى

لمنتخبنا الوطني

بقيادة العظيم حسن شحاته .. اللي فعلا اثبت انه معلم

ومهما قولت مش هوصف فرحتي النهاردة

..

اوﻻ : ﻻني اتفرجت على الماتش .. دي حاجة

الحاجة التانية .. اني شوفت الماتش مع اهل ايجي كلاود .. مش في الشركة طبعا .. بس في كافيه جمب الشركة شوفنا فيه الماتش

😀

واﻻيجي كلاوديين بيشجعوا مصر … وانا كنت معاهم

😀

الحاجة التالتة … اننا اخدنا الكأس للمرة التالتة على التوالي

🙂

محمد جدو اﻻعب اللي الناس كلها كانت معترضة انه في المنتخب وازاي يروح المنتخب وميدو  ﻻ

مجموع الدقايق اللي لعبها مع المنتخب مكلمش 45 دقيقة

جاب اهم 5 اهداف في تاريخ مصر .. وفي تاريخه طبعا

ودخل التاريخ .. وهداف البطولة كمااان

😀

وده الهدف الجميل اللي جابه النهاردة

الواد ده حكاية يا جدعااااان

لما نزل ملمسش غير 3 او 4 كور فعلا

منهم لمسة الفاول اول ما نزل

ولمستين بتوع الون تو .. واللي جه منهم الجوووووووون

😆

طبعا البلد كلها دلوقتي ماشية تقول

الاتحاد اﻻتحاد … واﻻتحاد سيد البد

طبعا علشان جدو

و بإعتبار اني راجل اهلاوي قديم .. لكن ده ميمنعش اني اكون انا كمان اتحداوي في نفس الوقت

😆

واليكم بعض الجمل الخطيرة اللي اتكتبت على الاستاذ تويتر افندي

حفظه الله لنا

😆

بعد نجاح تجربة جدو … المصريين كلهم ماشيين يقولوا .. اﻻتحاد اﻻتحاد .. اﻻتحاد سيد البلد

😆

..

ايه ده !! هي مصر بقت زي الاهلي وﻻ ايه !! … اهم اهم اهم المصريين اهم

😆

..

أعلن الكاف أن البطولات القادمه للامم ستكون مقصوره على المراكز,الثانى والثالث والرابع فقط, حتى لا تصاب الفرق بالاحباط

😆

..

الاتحاد الافريقي قام بتسليم المنتخب الجزائري , صابونه ماركة لوكس لكل لاعب

😆

..

بعد نجاح تجربة جدو, قرر حسن شحاتة ضم ستو و خالتو و عمو

😆

..

الجزائر كلها جابت اربع اهداف..وجدو جاب خمسة لوحده

😆

..

كان فى بلد حلوه اسمها مصر …و كمان كان في جدو بشنباااات

😆

..

سألو طفل جزائري بتحب بابا ولا ماما أكتر قال بحب جدو علشان هو اللي رباني

😆

…..

اخر خبر

الحضرى يهدى كأس أمم إفريقيا للاعب المنتخب الراحل محمد عبد الوهاب

Masrawy

فيك الخير والله يا حضري … الله يرحمك يا عبدالوهاب

….

اقعدوا بالعافية

🙂

Egypt Vs Algeria 4 – 0

Posted: January 29, 2010 in 2010, Egypt
Tags: ,

السلام عليكم ورحمة الله وبركاته

..

على انغام النشيد الوطني

احدثكم

من خلف شاشة ﻻبي .. وانا فرحاااااااان جداااااااا

ان مصر كسبت الجزائر

كسبنا اربعة .. وكان نفسي يبقوا نص دستة او دستة .. علشان تبقى تمن الاعيبة

اللي اتصابت وخرجت من الماتش دي

طبعا

وده بوست فرحة وزقططة … تعبيرا مني عن فرحتي بفوز منتخبنا الوطني لكرة القدم

على المنتخب الجزائري الشقيق .. اللي شايلنا في عينه .. واللي بيحبنا وبيعزنا زي اخواتهم واكتر

والحمد لله ان كل واحد بان على حقيقته

اﻻهداف

ياعيني المذيع الجزائري .. هيموووووووت

هيتشل .. هيفرقع

اخر ما زهق .. قال يكفينا فوزنا وتأهلنا للمونديال .. ويكفينا شرف الخروج من الدور نصف النهائي والحكم مكنش عادل

وقعد يحكي حكايات

😆

….

ودي اﻻهداف بس

بتعليق الشوالي

😀

النهاردة اثناء الماتش وﻻني كنت خايف دمي يتحرق فـ طلعت وروحت مكتبة

Book & Beans

اكيد عارفينها طبعا

المهم .. اشتريت الكتابين دوووول


علشان لو ﻻقدر الله مروحتش معرض القاهرة الدولي للكتاب

فقولت اجيبهم اتسلى فيهم

😀

ياﻻ .. كل فوز وانتوا طيبين

واهم  .. اهم .. اهم …. المصريين اهم

الفرحانيين و المزقططين بيشجعوا مصر … واحنا معاهم

🙂


2010

Posted: January 3, 2010 in 2010, crazy
Tags:

السلام عليكم ورحمة الله وبركاته

ازيكم يا بشر

ورجعنا تاني نكتب .. نكتب .. نكتب

فترة امتحانات بقى .. يعني الفراغ كله .. وكل سنة وانتوا طيبين

واﻻعياد بتهل .. والذكريات تعود

1-

ذكريات البلاي ستيشن

2-

ذكريات بداية كل سنة جديدة .. واللي كان شايف سنة 2009 في بدايتها واللي كان بيجرى فيها

3-

اﻻمتحانات وذكرياتها السيئة

وغيره …. وغيره

….

عجبتني صوره حاططها احمد صاحبي

http://ahmedsamir.files.wordpress.com/2010/01/2010.jpg

….

فعلا … صورة معبرة جدااااا

الله اعلم مخبية لينا ايه يا 2010 .. هتعملي فينا ايه يا ترى ؟؟

يااارب استر  .. يااارب

تحس ان 2010 دي زي البطيخة

يا تطلع حمرا .. يا تطلع قرعة …. بعد الشر طبعا

:lol:

والله … كنت بادئها بتفاؤل بس مش عارف في ايه .. مالها ؟؟

….

حاجة حاسس بيها اليومين دووول

وهو غالبا احساس محستوش من زمان اووووي

بس اعتقد ان اسلام بتاع دلوقتي في حاجة متغيره شوية

حاسس ان عندي حالة اكتئاب فظيييييعة

وفي في دماغي افكار شريرة كتيييير اوووي عندي

هتكلم عنها بعدين

يمكن علشان اول كل سنة بيحصلي كده …. مش عارف بصراحة ؟

بس كل اللي انا عارفه ان اخر يوم في سنة 2009 كان نوعا ما كويس .. وبرضه اول يوم في السنة الجديدة الحمد لله كان كويس

ومصحتش على صويت .. وﻻ ناس بتتخانق .. وﻻ صاحي مخضوض

زي السنة اللي فاتت

وكان يوم كويس

وتاني يوم بقى كنت قاعد في بيتنا فقولت اتفرج على خواطر 5

البرنامج اللي كان بيجي في رمضان اللي فات

وقولت اتفرجوا عليه .. البرنامج ده جااامد جداا على فكرة

يمكن يكون هو السبب ؟؟

كنت بادئ السنة دي .. او كان نفسي ابتديها بتفاؤل .. وحاجات بمبي كده

بس مش عارف .. حالة اﻻكتئاب دي مسيطرة عليا اوووي


ادعولي اخرج منها على خير

وبعتذر ﻻي حد ضايقته السنة اللي فاتت دي ولسه شايل مني لحد النهاردة

ويااارب تبقى سنة سعيدة عليكم جميعا

وكل واحد يحقق اللي هو عايزه السنة دي ان شاء الله

اقعدوا بالعافية

سلااام

🙂