Archive for the ‘Egypt’ Category

السلا م عليكم ورحمة الله وبركاته

اولا: وقبل ما ادخل في الموضوع .. انا عارف اني بطلت اكتب من زماان

بس والله مشاغل

النهاردة بقى كان يوم تاريخي يا فندم

🙂

اليوم 19 مارس 2011

هو عيد الحرية الحقيقي لكل المصريين

النهاردة كان اول استفتاء شعبي بعد ثورة 25 يناير على التعديلات الدستورية المقترحة

سيبوكوا من التعديلات ومن اللي قال نعم واللي قال لا

وعلى فكرة نعم ولا الاتنين انا بحترمهم جداا

اهم حاجة ان كله نزل يشارك ودا المطلوب

والمطلوب كمان: ان محدش يفرط في حريته بعد كدا

🙂

….

دي شوية صور انا اخدتها اثناء طابور الاستفتاء – طابور الحرية – اللي تعرفت فيه على ناس كتيرة جداا ومن جميع طبقات الشعب

وكان اسعد طابور في حياتي

😀

مع اني وقفت فيه من الساعة 10 الصبح لحد الساعة 2 الا ربع تقريبا

بس مش مشكلة كله يهون علشان خاطرك يا مصر

🙂

الصور دي من مدرسة محمد رفعت الابتدائية

الحي السابع – مدينة نصر

……

..

وطبعا في النهاية

الشعب والجيش والشرطة …. ايــد واحدة

..

..

….

على فكرة

صورة الصباع من صفحة صباع الحرية على الفيس بوك

🙂

كل استفتاء وانتوا طيبين

وعيد حرية سعيد

Advertisements

يوم الحرية – 11022011

Posted: February 12, 2011 in Egypt
Tags: ,
انه في اﻻمس
..
الحادي عشر من فبراير من العام الحادي عشر بعد الالفية الثانية
وبعد مرور سبعة عشر يوما منذ بدأت الثورة اليوم الخامس و العشرون من يناير
اعلن محمد حسني مبارك تنحية عن السلطة وتسليم سلطاتة للمجلس الأعلي للقوات المسلحة
الله …الوطن…الشعب
محبتش افوت اليوم ده من غير ما ادخل واقووول
الله اكبر .. ولله الحمد
🙂
والحمد لله اني ربنا مضيعش تعب الناس دي كلها
والدعاء اللي دعيناه في ميدان التحرير يوم الجمعة
11 02 2011
يوم الحرية
….
..
.
..
ياريت كلنا نعمل اللي في الصورة دي
🙂

Back from Smart Village

Posted: March 26, 2010 in 2010, Egypt
Tags: ,

http://hunikal.files.wordpress.com/2010/03/smart-village-logo.gif

كانت رحلة جميلة .. غيرنا جو .. وشوفنا الشركات اللي هناك .. وشوفنا حاجات عظيمة جدااا جدااا للصبح

البلد دي لسه فيها حاجات تتشاف فعلا

🙂

واستفدنا طبعا حاجات كتييير

واولها : ان الواحد لو هيقدم الـ “سي في” بتاعته هناك .. يروح لوحده .. ميروحش في رحلة يعني

او يقدمها من على النت

وتكون جرئ في دخلتك عليهم

ومتأكد من جواه ان الناس اللي هناك دي بشر زيهم زيك

وانهم محتاجين ناااس .. وان شاء الله تتشتغل هناك

🙂

ثانيا : لو ربنا كرمك واشتغلت في القرية الذكية .. متنزلش كارفور يوم الخميس

ويكون من اﻻحسن انك تخلص شغل الخميس وترجع على شقتك علطووول

تاخد الخميس راحة واستجمام

ثالثا : متحاولش تدخل او تخرج القاهرة يوم الخميس … هتتشل بجد

رابعا : اللمة والشلة الحلوة اللي كانت معانا .. وكويس اني فضفت النهاردة

وربنا يعدي اﻻيام الجاية على خير

🙂

سلااااام

Egypt Vs Ghana .. Got the CUP

Posted: February 1, 2010 in 2010, Egypt
Tags: , ,

السلام عليكم ورحمة الله وبركاته

..

كلاكيت تاني مرة

اكشن

النهاردة داخل ابارك واهني .. واقووول

مبرووووووووووووووووووووووووووووووووووووك لبعد بكرة الصبح بقى

لمنتخبنا الوطني

بقيادة العظيم حسن شحاته .. اللي فعلا اثبت انه معلم

ومهما قولت مش هوصف فرحتي النهاردة

..

اوﻻ : ﻻني اتفرجت على الماتش .. دي حاجة

الحاجة التانية .. اني شوفت الماتش مع اهل ايجي كلاود .. مش في الشركة طبعا .. بس في كافيه جمب الشركة شوفنا فيه الماتش

😀

واﻻيجي كلاوديين بيشجعوا مصر … وانا كنت معاهم

😀

الحاجة التالتة … اننا اخدنا الكأس للمرة التالتة على التوالي

🙂

محمد جدو اﻻعب اللي الناس كلها كانت معترضة انه في المنتخب وازاي يروح المنتخب وميدو  ﻻ

مجموع الدقايق اللي لعبها مع المنتخب مكلمش 45 دقيقة

جاب اهم 5 اهداف في تاريخ مصر .. وفي تاريخه طبعا

ودخل التاريخ .. وهداف البطولة كمااان

😀

وده الهدف الجميل اللي جابه النهاردة

الواد ده حكاية يا جدعااااان

لما نزل ملمسش غير 3 او 4 كور فعلا

منهم لمسة الفاول اول ما نزل

ولمستين بتوع الون تو .. واللي جه منهم الجوووووووون

😆

طبعا البلد كلها دلوقتي ماشية تقول

الاتحاد اﻻتحاد … واﻻتحاد سيد البد

طبعا علشان جدو

و بإعتبار اني راجل اهلاوي قديم .. لكن ده ميمنعش اني اكون انا كمان اتحداوي في نفس الوقت

😆

واليكم بعض الجمل الخطيرة اللي اتكتبت على الاستاذ تويتر افندي

حفظه الله لنا

😆

بعد نجاح تجربة جدو … المصريين كلهم ماشيين يقولوا .. اﻻتحاد اﻻتحاد .. اﻻتحاد سيد البلد

😆

..

ايه ده !! هي مصر بقت زي الاهلي وﻻ ايه !! … اهم اهم اهم المصريين اهم

😆

..

أعلن الكاف أن البطولات القادمه للامم ستكون مقصوره على المراكز,الثانى والثالث والرابع فقط, حتى لا تصاب الفرق بالاحباط

😆

..

الاتحاد الافريقي قام بتسليم المنتخب الجزائري , صابونه ماركة لوكس لكل لاعب

😆

..

بعد نجاح تجربة جدو, قرر حسن شحاتة ضم ستو و خالتو و عمو

😆

..

الجزائر كلها جابت اربع اهداف..وجدو جاب خمسة لوحده

😆

..

كان فى بلد حلوه اسمها مصر …و كمان كان في جدو بشنباااات

😆

..

سألو طفل جزائري بتحب بابا ولا ماما أكتر قال بحب جدو علشان هو اللي رباني

😆

…..

اخر خبر

الحضرى يهدى كأس أمم إفريقيا للاعب المنتخب الراحل محمد عبد الوهاب

Masrawy

فيك الخير والله يا حضري … الله يرحمك يا عبدالوهاب

….

اقعدوا بالعافية

🙂

Egypt Vs Algeria 4 – 0

Posted: January 29, 2010 in 2010, Egypt
Tags: ,

السلام عليكم ورحمة الله وبركاته

..

على انغام النشيد الوطني

احدثكم

من خلف شاشة ﻻبي .. وانا فرحاااااااان جداااااااا

ان مصر كسبت الجزائر

كسبنا اربعة .. وكان نفسي يبقوا نص دستة او دستة .. علشان تبقى تمن الاعيبة

اللي اتصابت وخرجت من الماتش دي

طبعا

وده بوست فرحة وزقططة … تعبيرا مني عن فرحتي بفوز منتخبنا الوطني لكرة القدم

على المنتخب الجزائري الشقيق .. اللي شايلنا في عينه .. واللي بيحبنا وبيعزنا زي اخواتهم واكتر

والحمد لله ان كل واحد بان على حقيقته

اﻻهداف

ياعيني المذيع الجزائري .. هيموووووووت

هيتشل .. هيفرقع

اخر ما زهق .. قال يكفينا فوزنا وتأهلنا للمونديال .. ويكفينا شرف الخروج من الدور نصف النهائي والحكم مكنش عادل

وقعد يحكي حكايات

😆

….

ودي اﻻهداف بس

بتعليق الشوالي

😀

النهاردة اثناء الماتش وﻻني كنت خايف دمي يتحرق فـ طلعت وروحت مكتبة

Book & Beans

اكيد عارفينها طبعا

المهم .. اشتريت الكتابين دوووول


علشان لو ﻻقدر الله مروحتش معرض القاهرة الدولي للكتاب

فقولت اجيبهم اتسلى فيهم

😀

ياﻻ .. كل فوز وانتوا طيبين

واهم  .. اهم .. اهم …. المصريين اهم

الفرحانيين و المزقططين بيشجعوا مصر … واحنا معاهم

🙂


Egypt worldcup2010

Posted: November 20, 2009 in Egypt
Tags: ,

….

مهما حصل ….. برضه

بحبك يا مصر

🙂

وحسبي الله ونعم الوكيل فيكم يا جزائريين

منكم لله

والحمد لله اننا خسرنا .. في داهية ماتش كورة

في الف داهية كاس العالم

امال بس لو كنا كسبنا كانوا هيعملوا فينا ايه

ملعون ابوها كورة .. علشان تخلي شوية بلطجية وشوية ناس اقل ما يقال عنهم انهم همج وحيوانات

روحوا في داهية انتوا وكاس العالم بتاعتكم دي

روحوا منكم لله

وحسبي الله ونعم الوكيل فيكم

https://i2.wp.com/www.appliedlanguage.com/flags_of_the_world/large_flag_of_egypt.gif

بحبك يا مصر

….

اتْغِلْبِي يامصر ولا يِهِمِّك ولا يفرق ، ولا يحرَق دَمِّك والله مسامحِك وبحبِك

ولا فوز هيزيدك يا جميلة ، ولا غُلب العالم هيقِلك

🙂

مــصـــر

 

Egypt

Posted: November 14, 2009 in Egypt
Tags: ,

بسم الله الرحمن الرحيم
السلام عليكم ورحمة الله وبركاته

اعزائي المشاهدين .. ننقل لكم احداث ما قبل المبارة
مباراة مصر والجزائر .. في التصفيات المؤهلة لكأس العالم 2010
..
طخ طخ ططخ .. مصر … طخ طخ ططخ .. مصر

طخ طخ ططااااخ .. مصر

اوووووووووو مصراوي .. اوووووووو مصراااوي

https://i2.wp.com/www.appliedlanguage.com/flags_of_the_world/large_flag_of_egypt.gif

….

بعد فاصل من التشجيع الحار لمنتخبنا الوطني ندخل في المباراة

احــم

قصدي ندخل في الموضوع

انا عندي كام حاجة كده هقولهم على السريع .. ومعلش هنطول في البوست ده شوية

انا عارف الناس بتتخنق

بس كله يهون علشان المنتخب …. وﻻ ايه ؟

..

يا اخي الواحد مش عارف ايه الحب اللي ظهر فجأة لمصر ده ؟

ايه يا عم .. ايه اللي حصل ؟

والله منا عارف يا اخي .. امبارح خير اللهم اجعله خير لما رجعت من السفر

قاعد بقلب في قنوات التليفزيون والدش .. اززز وانا بضغط على القناة اﻻولي

اﻻقي اييييييه

اييييييييه ؟

يا جدع اﻻقي كمية اغاني لمصر محطوطة ورا بعضها .. جسمي قشعر بعدها فعلا وكنت هيعط بس مسكت نفسي علشان كنت جعان جداا وكنت باكل بشراهة !!

طب حلو وايه اللي يضايقك في كده ؟

يا اخي انا مش مضايق .. بالعكس انا فرحان جداا .. بس في حاجة كمان

ايييه ؟

وانا مروح بيتنا برضه امبارح .. ازززز اﻻقي كمية اعلام محطوطة في البلوكونات ومتعلقة في الشارع .. واﻻعلام يا جدع مرفوعة كده وبترفرف وقلبي عمال يرقص معاها

قلبك بيرقص !! ليه خير .. هو انت ناوي تتجوز وﻻ حاجة ؟

يادي سيرة الجواز اللي واجع دماغنا بيها .. ياعم خلينا مع المنتخب دلوقتي

السؤال اللي محيرني بقى يا اخي … ان ليه احنا مبنحبش مصر واﻻغاني والكلام الحلو واﻻشعار والقصايد مبتظهرش غير لما يكون في ماتش كورة ؟؟

هي مصر مبتبقاش حلوة غير في الكورة بس .. ؟؟

حد يفهمني

!!

طيب الحاجة التانية اللي محيراني

ليه لما نلاقي الناس بتحب مصر ورايحين يشتروا اﻻعلام ويقفوا جمب المنتخب وبيشجعوا بحرارة .. نقول عليهم دول عالم مجانيين ؟؟

يا اخي انت ملكش في الكورة .. بلاش تحبط في الناس وتخليهم يكرهوا حياتهم

!!

بس ياريت بعد كلامك دا كله متبقاش تتفرج على الماتش .. ماشي ؟

اصل مفيش واحد في مصر مش هيتفرج على الماتش ده

يا عم الناس بتحب تشجع .. وبتحب المنتخب .. وبتحب مصر

بلاش تقول يااااه .. امال الناس دي كلها والجماهير دي كلها مبتطلعش ليه على القدس ينقذوا المسجد اﻻقصى ؟؟؟

طيب ايه اللي دخل القضية دي في القضية دي ؟

دي حاجة ودي حاجة تانية خاااالص

هتقولي اصلهم شباب عاطل .. وشباب فاضي .. والكورة اي كلام ؟؟

ماشي … لو نفترض ان كلامك دا كله صح .. روح انت تقدم المسيرة .. وافتحلنا معبر رفح

وانا جاي وراك علطووووول

…………

يا اخي الناس من كتر زهقها قالت تعمل اي حاجة تفك بيها عن نفسها .. ولعلمك مصر لما بتفوز في ماتش او بنتأهل لدور النهائي او بنفوز على فريق .. والله بتلاقي الشعب كله وفرحان واﻻنتاج بيزيد كمان .. وافتكروا ايام البرازيل وايطاليا

طب ومال اﻻنتاج بالكورة ؟؟؟

اقولك انا .. العامل اللي طوول النهار في شغله .. بيرجع بيته بيبقى نفسه يلاقي اي حاجة تفرحه .. ولما بيشوف الماتش بقى .. ويلاقي مصر كسبت ايطاليا مثلا .. او اتغلبت من البرازيل بالعافية .. اكيد هيفرح طبعا .. وهيغني طوول الليل ويقول

ياااارب كتر من افراحنا .. مصر مصر تحيا مصر

🙂

الصبح بقى وهو رايح الشغل . في المواصلات بيتكلم مع زميله في الشغل عن الماتش .. والواد زيدان وابوتريكة , وشوفت ابوتريكة لما رقص الواد بتاع البرازيل

طبعا رايح مبسوط وسعيد .. اكيد هيشتغل وهو فرحان وهينتج اكتر

غير بقى لما مصر تبقى مغلوبة .. تلاقيه رايح الشغل ضارب “بوذ” .. اللي بيكلمه ميردش عليه .. قرفان من الدنيا .. وقرفان من نفسه .. واللي يجي يكلمه هيرد عليه .. يا اما بخناقة يا اما مش هيرد اصلا

!!

يا ناس بالله عليكم .. سيبوا الناس تفرح وبطلوا تطلعوا اشاعات وتنشروها

احنا شعب غلبان بيصدق اي حاجة

التمثيلية اللي اتعملت امبارح من ﻻعيبة الجزائر .. الناس كلها صدقتها .. والمنتديات والصحف المعارضة والناس اللي مبتصدق تلاقي اي حاجة

“زي ما بيقولوا نفسه يلاقي الكبريت .. علشان يعمل حريقة”

كله قعد يطلع اشاعات .. ويقولك الراجل الجزائري طلق مراته المصرية علشان الماتش بس بذمتكم دا كلام يدخل العقل .. ويجيبولك صورة في الضلمة .. ويقولك الجزايريين مولعين في بيوت المصريين

على اساس ان المصريين اللي هناك دوول ايه يعني .. حشرات ماشية في الشارع محدش بيحميها

هيا الناس متعرفش ان :

في حاجة اسمها فوتوشوب ولعب في الصور

في سفارة في الجزائر اسمها السفارة المصرية .. ودي عارفة كام مصري بالظبط موجود في الجزائر .. وعارفاهم باﻻسم واحد واحد

ﻻعيبة الجزائر جايين هنا يستفزونا .. ويكسروا في بلدنا ويقولوا احنا بنتحدف بالطوب والمصريين بيضربونا .. ميعرفوش ان لعبتهم مكشوفة .. والتمثيلية دي قديمة .. واننا هنكسبهم هنا ان شاء الله

ياارب الناس متعملش زي ما هما بيعملوا .. خلينا احنا اﻻحسن .. اه ضربتونا هناك .. وبتكسروا هنا في بلدنا

بس هنوريكم في الملعب .. واحنا اللي هنكسب

ان شاء الله

اخر حاجة عايز اقولها للناس اللي بتطلع وبتنشر اﻻشاعات دي

حرام عليكم

اتقوا الله فينا .. احنا مصريين زيكم برضه

متنشروش حاجة اﻻ لما تتأكدوا من صحتها

100 %

الناس اللي اشترت اﻻعلام واشترت التزاكر ووقفوا بالساعات علشان تزكرة … علشان يشجعوا مصر .. ويقفوا جمب منتخب مصر

دوول مش مجانين .. وﻻ هبل … بس دووول عايزين يفرحوا

وياارب فرح كل المصريين بالماتش ده ياااااااارب

🙂

اخر حاجة عايز اقولها

انا كمان اشتريت العلم .. وانا كمان هتفرج على الماتش

هخلص شغلي .. وهطلع اتفرج على الماتش مع اصحابي

ان شاء الله

وهقووول

طخ طخ طططخ .. مــــصـــر

ويـاااارب نـكـسـب

🙂

بــس خــلاص .. خدوا بالكم من نفسكم

سلام

elahlawy