Archive for the ‘Health’ Category

https://i0.wp.com/blogs.crikey.com.au/rooted/files/2009/03/image-80-tap-water.gif

هو مين اللي قال ان نقطة مياه = حياة

حد عارف مين اللي قال المقولة المشهورة دي يا بشر

..

طب فين الاخت الفاضلة اللي قالت : مشربتش من نيلها .. جربت تغنيلها ؟

شوية اسئلة جات في بالي .. يا ترى عارفينها

عارفين اننا هنا في مصر بنشرب ميه من نهر النيل اطول انهار العالم ؟؟

طب عارفين برضه ان نهر النيل ده ليه فرعين رشيد ودمياط واللي احنا -في الدلتا يعني- بنشرب منهم ؟؟

سبحان الله ؟؟ … يا اخي انا بقول معلومات خطيرة النهاردة .. ومفيدة جدااا …. مش كده ؟

😆

طب حد سمع عن مصنع سماد كفرالزيات واللي بيحصل فيه ؟؟

طب حد سمع ان المصنع ده مش بيفصل الفوسفات عن اليورانيوم “المشع” اثناء انتاج السماد ده ؟؟

وعارفين كمان ان المصنع ده بيصرف مخلفاته في فرع رشيد اللي هو فرع من نهر النيل

اللي بنشرب منه الميه ؟؟

حد شاف الفيديو ده قبل كده

طب حد شاف الاخبار دي قبل كده

Ahram.org

El-Dostor

El-Yom El-Sab3

طب حد سمع برنامج الطبعة الاولى النهاردة ؟؟ وسمع المسلماني وهو بيتكلم عن المصيبة دي ؟؟

اقولكم انا بقى اللي حصل ؟؟

انا بقالي يومين .. عندي ترجيع ومغص وسكاكين بتقطع في بطني

كنت مفكر اني اكلت حاجة وحشة وانا راجع بيتنا يوم الخميس اللي فات .. بس اتضحلي اني مكلتش حاجة وانا مروح

لكن لما روحت فضلت اشرب ميه

والميه كان ليها طعم و لون و ريحة

وصدقت كل الكلام اللي كان بيتقال عن الميه والناس اللي صدقت ان الميه ليها طعم ولون ورائحة … وبرضه بتشربها

والله العظيم زي ما بقولكم

بس انا كنت عطشان جداا وفضلت اشرب … وادي النتيجة … قاعد في السرير بقالي يومين اهو

وسكاكين بتقطع في بطني .. وجايلي اشعاع

انا بقى نفسي افهم ؟؟

هما هيفضلوا ساكتين كدا لحد امتى ؟؟

يعني انا عايز افهم هو احنا هنفضل مستنيين لحد اما الناس تموووت , وﻻ لحد اما الناس تشع ونشوف هنتحول قنابل نووية وﻻ ﻻ ؟؟

نفسي حد يطلع ويتكلم عن تلوث الميه

بس مش واحد يطلع وقدامه ازازة ميه معدينة كبيرة .. ويقول معندناش تلوث في المياه .. طب هتعرف منين ان في تلوث من غير ما تشرب منها … اصلا

انا مش بطالب ان كل مواطن يبقى معاه ازازة ميه معدنية .. وعارف ان الموضوع مش هيتحل بين يوم وليلة .. بس نعمل خطوات ايجابية .. نوعي الناس .. نقولهم يسخنوا الميه قبل ما يشربوها مثلا

والله العظيم جربنا نسخن الميه النهاردة .. علشان نشربها

وبعد اما فضيت الميه من الحلة

ببص في الحلة لقيت حاجات .. اقل ما يقال عنها انها

فـــظــــيــــــــعــــــــــــــــة

وتقريبا كنت هرمي الحلة .. لولا اني خوفت امي ترميني من البلوكونة وراها

😆

فقررت انزل اشتري كرتونة ميه معدنية على حسابي .. ورميت الميه اللي سخنتها في الحوض تاني

وافاجئ ان الميه المعدنية …. طبعا مش موجودة لان في سحب عليها جااااامد

وقعدت الف على المحلات لحد اما وصلت محل جملة وجبت كرتونة ميه بسعر الجملة

فقولت اسأل الراجل : في ايه في الميه يا حاج ؟

يقولي : الميه فيها اشعاعات

قولتله وانا ماسك بطني من الوجع : ايه ؟؟ اشعاعات !! على اساس اني مش عارف

طب ودي هتستمر لحد امتى يا حاج ؟

قالي : دي قدامها شهر او شهرين .. ويا عالم

قولتله : طب وبعدين هنعيش على المعدنية يعني ؟ مهو الناس ممعهاش تجيب ميه معدنية كل يوم  .. دول بيجيبوا رغفين العيش بالعافية

قالي : ربنا يستر يبني

فقولتله : طب انت بتشرب ميه من الحنفية ولا معدنية

رد عليا وقالي : من الحنفية

!!

واخدت بعضي وروحت … وحسبي الله ونعم الوكيل

الله يكون في عون الناس اللي كفر الزيات نفسها

😦

سؤال ؟

هو يعني انا لو كنت كملت شرب ميه “يوم كمان” كنت هبقى عنصر مشع .. وابقى اهلاوينيوم ؟

وشعري هيتحول .. بدل احمر يبقى اخضر ؟

وبعدين اقعد في الشمس شوية يستوي .. وبالهنا والشفا ؟

طب اديني شربت من نيلها … اغني دلوقتي .. ولا الطم ؟

محدش يشوفـلي تربة قريبة اركن فيها

حراااااااااااااااااااااااام .. حرااااااااااااااااااااااااااام

خلاص هنمشي بمبدأ

فـليذهب الشعب الى الجحيم

؟

وعلى رأي واحد كبير قال جملة خطيرة جداا

يا ….. المجاري خلصت .. من كتر الناس مبتشربها

ادعولي

الهي ربنا يكرمكم وما يوقعكم في يورانيوم ابدا

سلاااااااااااااام

وياني ياني ياني … من بطني اللي وجعاني

😆

هم يضحك .. وهم يجيب الاشعاع

Advertisements

السلام عليكم ورحمة الله وبركاته

يستمر الحوار مع المدخن اياه بتاع المرة اللي فاتت

…….

المدخن : يااااااااااااااااااه انت تااااااااني ؟؟

الشاب : اهلا … اهلا … بتاع الولاعة … ازيك

المدخن : اهلا بيك … الحمد لله … ايش اخبارك ؟؟

الشاب : انا الحمد لله صحتي فل …. وانت … لسه بتشرب سجاير

المدخن : انا .. لا … لالالا … خفيف خفيف يعني

وعلى فكرة انا بطلت اشرب كيلوباترا .. بشرب ميريت دلوقتي

الشاب : ااه .. امممممم .. ما كلها سجاير مفرقتش

طب وناوي تبطلها امتى .. احنا داخلين على شهر رمضان

كل سنة وانت طيب .. فرصتك بقى علشان تبطلها

المدخن : اه اه … ان شاء الله

الشاب : صحيح .. شوفت علبة السجاير الجديدة مرسوم عليها ايه ؟؟

المدخن : اه شوفتها … مالها بقى

……*……*……*……*…..

……*……*……*……*…..

الشاب : ولا مالها ولا حاجة .. انت مش واخد بالك من الراجل اللي حاطط تنفس صناعي ده

ومش واخد بالك من الكلمتين اللي مكتوبين في الجنب على اليمين دووول

المدخن : اه … شكلها محاضرة كل مرة ؟؟

الشاب : لا يا عم ولا محاضرة ولا حاجة … بس كان ليا تعليق عليها كنت عايز اقوله

المدخن : ها … قول يا سيدي

الشاب : فاكر العلبة بتاعت زمان خالص .. كان مكتوب عليها بخط نمنم خااالص على جنب العلبة

التدخين ضار جدا بالصحة

و .. العلبة اللي كانت من فترة .. كان مكتوب عليها بخط كبيير على وش العلبة وانت بتفتحها

” التدخين ضار جدا بالصحة ويسبب الوفاة “

العلبة بتاعت دلوقتي .. مكتوب ومرسوم عليها زي ما انت شايف

……*……*……*……*…..

المدخن : طب انت قصدك ايه … مش فاهم

الشاب : قالك يا عم في العلبة بتاعت زمان … الناس لسه بتشربها

قالوا ==> الخط صغير و يمكن الناس مش شايفه الجملة

في العلبة اللي من فترة … الناس برضه بتشربها

راحوا ==> كبروا الكلام وحطوه على وش العلبة وقالوا يسبب الوفاة كمان

في علبة دلوقتي … الناس لسه بتشربها

قالك ==> يمكن الناس مش بتعرف تقرأ نحطلهم صورة

ونقولهم يا عــمــي بصوا السجاير بتعمل ايه

وزودوا كمان … التدخين يسبب امراض القلب والشرايين

يعني اشرب انت سجاير … وانا هغنيلك بودعك .. اخر وداع

……*……*……*……*…..

المدخن : ههههههههههههه … برضه مكبرها اووووي

الشاب : عارف … انا متخيل شكل علبة السجاير الجديدة

هتكون زي ما هيا .. بس هيزودوا حاجة

هيحطوا سماعة صغيرة كده تحت الصورة .. وكل ما تيجي تفتح العلبة

تلاقي صوت طالع بيقولك

” التدخين ضار جدا بالصحة .. يا عم حرام عليك خنقتني “

” بقالي 20 سنة بقولك التدخين ضار بالصحة وبيموّت وانت مفيش فايدة “

” يا عم ارحمني وارحم اللي حواليك شركات التدخين بتضحك عليك يا … تيييييييييت “

” ضيعت فلوسك عليا وياما نصحوك وقالولك سيبني … انت حر انت الجاني على نفسك “

اشرب واستمتع “

……*……*……*……*…..

اخر حاجة … الحوار ده تكلمة الحوار اللي فات

هنا

برضه انا اللي عامله … وياريت اي حد يستفيد بكلمة او بمعلومة من الموضوعين

يــاريـــت يتفاعل معانا ويكلم الناس

والــدال على الخير … كـفـاعله

…..

سلاااااااااااااااااااام

السلام عليكم ورحمة الله وبركاته

…….

حوار ساخن جدااا … مع أحد المدخنين

……..

1-لو سمحت … الاقيش معاك ولاعة

2- لا … ممعاييش

1- طب كبريت

2- لا والله … مش معايا

1- ليه … هو انت مش بتدخن ؟؟؟

2- لا … انا بكره ريحة السجاير اصلا

ومش بطيقها خاااالص

1- ليه يا عم الكره دا كله ؟؟؟

2- ايه ده هما مقلولكش ان التدخين خطر وبيدمر الصحة ويؤدي للوفاة … يا اخي دي مكتوبة على العلبة بتاعتها

1- يا سيدي متكبرهاش كده

2- يا عم ولا مكبرها ولا حاجة … انا بقولك على اللي مكتوب … وبعدين انا مجبتش حاجة من عندي

ثم انها لو مكانتش خطر .. وكانت حلوة .. كانت الناس كلها تشربها .. ومكانوش هيقولوا عليها انها حرام

…..*…..*…..*…..*…..*…..

1- ايه ده … حرام … !! … حرام لييييييييه يا عم انت هتحرمها بمزاجك

انت مسمعتش حديث سيدنا محمد -عليه الصلاة والسلام- لا ضرر ولا ضرار

والاية القرآنية : بسم الله الرحمن الرحيم :- {وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ} (195) سورة البقرة … صدق الله العظيم

ومتعرفش ان الانسان سيسأل : – عن عمره فيما افناه … وعن شبابه فيما ابلاه … وعن ماله من اين اكتسبه وفيما انفقه  ……. الخ

…..*…..*…..*…..*…..*…..

تعرف

* العام الماضي..السيجارة قتلت 5 ملايين شخص

* النيكوتين يسبب الإدمان أكثر من الحشيش

* أعداد المدخنين تزيد كل عام بنسبة 10% في العالم الثالث !

* شركات التبغ أخطر من شركات الأسلحة النووية

…..*…..*…..*…..*…..*…..

1- يا نهار ازرق … ايه يا عم هو انا قولتلك انا بشرب حشيش .. دي سيجارة يا عم

2- مهو المشكلة انك بتشرب سيجارة بتضر بيها نفسك وبتضايق الناس اللي حواليك وبتضرهم من ريحتها

وبعدين تعرف ان ضرر الدخان اخطر من ضرر الشرب نفسه

…..*…..*…..*…..*…..*…..

وبالضبط … كما قال سيدنا محمد – صلى الله عليه وسلم – :- مثل الجليس الصالح والجليس السوء .. كحامل المسك ونافخ الكير

” نافخ الكير : وهو الذي يعمل بلحام المعادن ”

فحامل المسك : اما ان تبتاع من او تجد من ريحا طيبة

ونافخ الكير : اما ان يحرق ثيابك او تجد منه ريحا خبيثة ” صدق رسول الله -صلي الله عليه وسلم-  ……. بس خلاص واظن ان التشبيه واضح

…..*…..*…..*…..*…..*…..

1- يااااااااه … يا راجل … دا انت بتكرهها اوووووي

2- والله انت تعرف … انا نفسي امنع الناس كلها انها تشربها دا انت لو سمعت عن الاضرار اللي بتعملهالك هتقول عمري منا شاربها تاني

اصلك متعرفش كمان انها بتخرب البيوت … اه والله يا عم

…..*…..*…..*…..*…..*…..

تخيل الراجل اللي بيدخن .. بيشرب كام علبة في اليوم

قول مثلا … علبة واحدة × 2 جنيه وربع … مثلا يعني …. انا معرفش هيا بكام والله

يعني في الاسبوع : …. 15.75 يعني قول 15 جنيه

في السنة : …. 821.25 … يعني قول 821 جنيه

…..*…..*…..*…..*…..*…..

ياااااااااه … تخيل ده واحد بس في مصر كلها … وبيشرب علبة واحدة بس

امال لو قولنا ان مصر فيها 75 مليون نسمة … تقريبا … دا اذا مكانوش زادوا يعني

المهم … نقول مثلا يعني ان مليون واحد بيشرب سجاير

طبعا مليون ده عدد اي كلام يعني … والمليون دول كل واحد فيهم بيشرب علبة واحدة بس في اليوم

اذن : عندنا في السنة … مليون × 821 … اذن النتيجة 821 مليون جنيه في السنة … سجاير

بجد بجد …. حسبي الله ونعم الوكيل

…..*…..*…..*…..*…..*…..

الملايين دي … لو وزعناها على الغلابة اللي في مصر بس دا مثلا برضه … هنبقى احسن بلد في العالم

ومحدش يقولي الاسعار ونيلة

مهو الاسعار غالية … والناس حتى مش بتقلل من شرب السجاير … دي بتكتر منها كمااااااان

…..*…..*…..*…..*…..*…..*

ياريت الناس تفووووق بقى

حراااااام … عليكم … الناس هتولع في بعضها … من كتر الزهق

عايزين نعيش عيشة كويسة

من غير دخان … ولا سجاير … ولا مخدرات … ولا تلوث

عايزين نعيش في بيئة نقية

وده من حقوقنا

ولا ايه

…..*…..*…..*…..*…..*…..

باقي لسه حاجة صغيرة الحوار ده انا اللي عامله

والأيات القرانية … والاحاديث انا قريتهم بنفسي … ومتأكد منهم تماما

…..*…..*…..*…..*…..*…..

يا جماعة … ياريت اللي يستفاد من الموضوع ده يحاول يتكلم مع الناس فيه

يعني والله انا بحاول بقدر الامكان مع اي حد بشوفه بيدخن

ادعولي … اعرف اقنع الناس اللي هنا الاول

سلااااااااااااام

…..*…..*…..*…..*…..*…..