Archive for the ‘WorDs’ Category

السلام عليكم ورحمة الله وبركاته

تحذير هام : على كل من هو مشغول او عنده المرارة او الضغط او السكر او معندوش لمون في بيتهم ميقراش البوست دي

انا اعلن عدم مسئوليتي عن اللي هيحصله

😆

بسم الله نبدأ

اوﻻ وقبل ما ابدأ في الرغي هطلب حاجة صغيرة من اللي هيتكرم ويقرأ البوست دي

اتفضل ادخل هات لمونتين من المطبخ من جوه

واعصرهم على الشاشة .. او على نضارتك لو كنت من اصحاب النضارات زي حلاتي كده

😆

نبتدي منين الحكاية

تبتدي الحكاية بالظبط من حوالي 9 سنين

بالظبط ايام ما كنت في اعدادي

كنت مهتم اوووي بقراءة الشعر , وكعادة اي طفل برئ يحب يقرا عن الحب وكلام الحب

🙂

الشعراء دوول بجد كلامهم جاامد جداا .. ومشكلته انه بيدخل القلب علطوول من غير ما يخبط على الباب حتى

والشاعر ﻻ يجد ادنى صعوبة في انه يدخل قلبك , وياكل ويشرب وينام ويمدد

وانت متقدرشي تقوله ﻻ

اصله بيعرف ازاي يدخل , وبيعرف ازاي يخرجك من اللي انت فيه , بمجرد انه يحس انك قربت تخلص الكتاب اللي في ايد

….

طب وربنا انا واد جااامد ومفيش زيي .. وفي وصف الشعر والشعراء هموتكم من الضحك دلوقتي

مهو يا انا يا انتوا النهاردة

هتضحكوا يعني هتضحكوا

😆

…..

زمان وانا صغير مكنتش اقرا غير الروايات وقصص الشعر

اللي كانت بتبقى موجودة في اماكن كتير وخصوصا كتب المدرسة

🙂

كنت ببقى مستمتع جداا , ومستغرب في نفس الوقت

!!

حد يقولي : طب مستمتع وعرفناها , مستغرب لييييييه ؟

اقولكم انا ليه ؟

الشاعر من دوول لما كنت اجي اقرا قصيدة حب وغزل عفيف مثلا

يقولك ايه

“والموج اﻻزرق في عينيكي يناديني نحو الاعمق”

يااااااااااااااه .. شوف التعبير الجمالي واﻻستعارة المكنية والمحسنات البديعية

يااااه يا جدع

تحس كده انك قاعد في بحر وخيال واااسع

وتحس ان الحب مقطع بعضه

😆

…..

تيجي تقلب على قصيدة تانية لنفس الشاعر

تلاقي الراجل مجروح يا عيني وقلبه متقطع على البت اللي سابته وهاري نفسه من العياط عليها

ويقولها

” ﻻ تتركيني لأحزاني “

طب انا نفسي افهم هو ايامها مكنش عنده شغل وﻻ كان واخد اجازة بدون مرتب علشان يبقى فاضي انه يعيط براحته ؟

😆

…….

تيجي تقلب وتشوف قصيدة تالتة لنفس ذات البني ادم – الشاعر يعني

تلاقي الراجل كاتب قصيدة طويلة عريضة رثاء على محبتوبته

اللي ماتت وهيا رايحة تملا القولل من البير اللي على اول القبيلة

😆

ويقولك :

” جلست على الصخر الوحيد وحيدا “

ويبكي على الاطلال

صخر ايه اللي وحيد .. هو في صخر في الدنيا وحيد انت عبيط يا عم انت

😆

كنت اقعد اقول في عقل بالي كده : ” طب معلشي ولا مؤاخذة يعني .. هما الشعراء دوول كانوا فاضيين

مكنوش بيعملوا حاجة انهم بيحبوا و بيعيطوا وبس

!!

طب حبيبته دي .. حبته كام مرة , وسابته كام مرة , وماتت كام مرة ” … يا عم ارحمنا بقى

😆

وتيجي تلاقي في كتب المدرسة ايام زماااان

جايبين قصة حياة الشاعر من يوم ما فتح عينه , مرورا بإنه دخل مدرسة ثانوي في قبيلة تانية بعيدة عن القبيلة بتاعته

وانه كل يوم الصبح كان بيصحى يغسل سنانه , وقبل ما ينام كان بيفضل باصص فوق

في اﻻول كنت مفكر انه بيبص على القمر , اتاريه كان بيبص في السما مستني العصفورة بتاعته – اللي كان بيربيها فوق سطوح بيتهم اللي في القبيلة

انها تيجي تونسه , اصله قاعد لوحده ياعيني

طب وانا ماااااااااااااااااااااااالي

ده واحد عبيط انا مالي

😆

عارفين بالظبط زي ايه ؟

زي السؤال اللي كان بيجي كل سنة في مادة الدراسات

علل : سقوط اﻻمطار على اثيوبيا في فصل الصيف ؟؟؟

اﻻجابة : وانا ماااااالي .. ده خير وجالهم .. انا مااااااااااااااااااااالي

😆

………………

فين وفين بقى اما عرفت معلومة خطيرة جدااااااااااااااااا

الشعراء دوول كانوا بيشتغلونا .. اه اه اه اه

كانوا بيشتغلونا

على اساس اننا مفرش او بلوفر صوف

😆

الواحد من دوول كان بعد اما يرجع من الحرب مع القبيلة التانية

– علشان كان واحد من القبيلة التانية دخل عندهم وملا القولة بتاعته من البير بتاعهم –

كان يقعد يتخيل انه بيحب واحدة ويكتب قصة حياته كلها

من اول ما شافها قدام البير اياه وهيا بتملا القولل

لحد اما ماتت وراح قعد على الصخرة الوحيدة اللي موجودة قدام البير

😆

الراجل ده خياله واسع لدرجة انه خلانا نعيش اللحظة

لحظة اما قالها

“والموج اﻻزرق في عينيكي يناديني نحو الاعمق”

يا ابن الايه يا لذينه

بقى كنت بتشتغلني الفترة دي كلها وطلعت بتحب على نفسك

لاااااا  وايه

عيشتني وهم انها سابتك

“”

وقال لها

هل هذا هو قرارنا اﻻخير ؟ … اهكذا يموت الحب ويضيع ؟

فقالت : ﻻ اجد بديلا عنه

فقال لها : ولكن الحب اكبر من كل خلافاتنا

قالت : احيانا تنقطع اﻻشياء بين ايدينا وﻻ نجد سببا لذلك

فقال لها : فلنحاول مرة اخرى ان نجمع اشلاء الحب

“شوفوا يا جدعان – شوفوا التعبير – اشلاء الحب”

قالتله : يا عم مفيش حاجة اسمها اشلاء روح نام بقى صدعتني

😆

قالت : ﻻ يوجد من الحب انصاف , هناك فقط الحب , واللاحب

فقال لها : ﻻ يمكن للحب ان يموت هكذا , هذا حكم باﻻعدام !؟

قالت : احيانا يكون الموت افضل الحلول

!!

…………

“”

ياااااااااه يا راجل .. بجد وانتوا بتقروا الكلمتين اللي فاتوا دوول محتوش انكم اندمجتوا معاه

وطبيعي انكم تصدقوه

🙂

وفي اﻻخر طلع بيشتغلنا , واتاريه كان متجوز وعنده عيال ومخبي على مراته انه بيكتب شعر

😆

مهو لو كان قالها الكلام اللي بيكتبه ده , كان زمانها صدقته وصدقت انه بيحب واحدة غيرها

وكان زمانها طلبت الطلاق واخدت العيال وراحت تقعد في خيمة ابوها

😆

………………

ها ايه رأيكم بقى ؟؟

شوفتوا الشعر والشعراء عملوا ايه فينا

؟؟

يالا … ضحكتوا شوية اهو

ادخلوا بقى كملوا شغل , واللي مكنش بيشتغل يدخل ينام

😀

اقعدوا بالعافية

سلااام

🙂

elahlawy

Advertisements

تتجوزيني ؟

Posted: March 11, 2010 in Me, WorDs
Tags: ,

النهاردة وبالاخص دلوقتي .. يعني كان من حبة كده

كان في لحظة سعادة … ايون لحظة سعادة محستهااش من زمااااااان اووووي

ويمكن بقالي فترة -يمكن تكون كبيرة شوية- محستش اني فرحان

زي النهاردة .. او من شوية عموما يعني

🙂

فحبيت ادخل واكتب واسجل اللحظة دي هنا .. وبعدين ابقى اتكلم في شوية مواضيع تانية كده بعدين بقى

واليكم هذه الكلمات

في كلام لما بيتقال بيغير كل حياتنا معاه

عنه بيستاهل ندور طول العمر ونستناه

انا من اللحظة دي بقولك اني بحبك اكتر

انتي اللي عشانك بكتب شعري انتي اللي عشنها بغني

تتجوزيني

تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

انا حاسس ان الكون وياكي بشوفو بشكل جديد

الدنيا بتضحك وانتي معايا

تكشر وانت بعيد

انا شايف فيك اولادنا ومستقبلنا ودنيا أمان

مهما هنكبر ونعجز هفضل احبك زي زماااااااااان

تتجوزيني

مش عايز غيرك في الحياة اوعى تسبيني

من غير متكلم انتي بتفهميني

عشانك اطول السما لو حبتيني

انا من اللحظة دي بقولك اني بحبك اكتر مني

انتي اللي عشانك بكتب شعري انتي اللي عشنها بغني

تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

تتجوزيني .. تتجوزيني

مش عايز غيرك في الحياة اوعى تسبيني

من غير متكلم انتي بتسمعيني

عشانك اطول السما لو حبتيني

تتجوزيني

……

إحــــــم إحـــــــــــم

على فكرة اللي فات ده .. كانت كلمات اغنية اسمها

تتجوزيني

غناء : هاني عادل

كلمات : محمد دياب

الحان : معز مسعود

🙂

ملحوظة مهمة : انا مش هتجوز دلوقتي خاااااااااااااااااااااااالص .. ممكن كمان سنة او تلاتة كده .. بس ممكن اخطب

😀

ودي بياناتي للي تحب تخطبني

😛

الاسم والكلية وتاريخ الميلاد والحاجات اللي بحبها موجودة فوق على اليمين او الشمال على حسب المتصفح بتاعك

😉

المؤهل : لسه طالب .. 2 شاورمه فراخ باكت .. ومعاهم 2 ميراندا تفاح .. واتفضلوا معايا

سنة التخرج : ربنا يستر

الشقة : خالصانة ومتشطبة سوبر لوكس .. فاضل العفش والاجهزة والفرش والذي منه … وكله على العروسة طبعا

وانا ممكن اشارك في الستاير

اه ومن ضمن الاجهزة .. تجيب معاها بلاي ستيشن 3 وشاشة تليفزيون كبيرة زي اللي بتطلع في الافلام دي

علشان العب برو براحتي .. وياريت هيا كمان يكون ليها في الكورة

يا اما هجيب اصحابي يلعبوا معايا .. ونقلبها قهوة

😆

الشغلانة : موجودة والحمد لله

المرتب : ملوش لازمة تعرفي .. ابويا وامي ميعرفهوش لحد دلوقتي

الحالة المادية : مستورة والحمد لله .. ساعات بروح اكل في كوك دووور وبهجت وسمير .. بس ربنا يخليلنا وجبة البغل والحجاز .. ونادرا لما بعزم حد على اكل .. ممكن شرب بس .. وغالبا بيبقى في اول الشهر علشان ببقى لسه قابض

😆

العربية : بسوق عربيات اتوماتيك .. بس ده بيني وبينكم .. دي كانت مرة وراحت لحالها واتعلمت عليها سواقة الاتوماتيك وعمري ما سوقت المانيوال .. بس في يوم من الايام هتعلم السواقة .. ان شاء الله

معنديش عربية .. بس في يوم من الايام ان شاء الله هجيب عربية ماتريكس او تيريوس او فولكس

دعواتكم معايا بس

🙂

عندي جيش .. بس ان شاء الله اعفاء يا اما عسكري

ولو دخلت ظابط .. متحاوليش تفكري في موضوع الجواز بيا اطلاقا

الاب : موجود وربنا يخليهولي يااااااااارب ويطولي في عمره .. الراجل ده شاف وبيشوف مني كتييييير اووووي

الام : موجودة هيا كمان والحمد لله وربنا يطولنا في عمرها … ملحوظة : دي هتبقى حماة ولا كل الحموات … فخدي بالك

اخ : شبه منحرف …. واخت : اروبة

لمزيد من المعلومات

ياريت متتصلوش هنا .. علشان البلوج متراقب .. والبوست دي اتمسكت قبل كده 3 مرات

وانت داخل بقى على البوست ابقى قووول كلمة السر

كتكووووووووووت

😆

لحظة سعادة

Posted: September 24, 2009 in Occasions, WorDs
Tags:

السلام عليكم ورحمة الله وبركاته

ازيكم يا بشر

كل سنة وانتوا طيبين .. وبصحة .. وسعادة .. ودايما فرحانيين كده

🙂

الدنيا بتلف وتمشي .. وﻻ بـ توقف علشان فرح حد وﻻ علشان حزن حد

لحظات كتير بتمر على الواحد منها الحلو ومنها الوحش

ومنها اللي بيقعد يفتكر فيها ذكرياته

الحلوة والوحشة

ممكن تكون اسعد لحظات حياتك انك لما بتبقى مع قريب او صاحب او حبيب او في مكان معين

ليه ذكريات جميل معاك او مكان انت بتحبه جداا

-زي كوبري ستانلي كده مثلا-

صح

اي حد فينا كده

لكن بالنسبة لي اسعد لحظة في حياتي .. لما بشوف ابتسامة جميلة على وش اي حد

مش شرط صاحب او قريب

اي حد بشوفه راسم ابتسامة جميلة بفرح جداا علشانه

وبفرح اكتر لو كانت اﻻبتسامة دي انا السبب فيها

مش عارف ليه بس هو احساس بيجيلي وخلاص .. فببقى فرحاان اكتر منه

🙂

امبارح بقى كان عندنا فرح بنت خالتي

يعني اختي التانية

كله كان فرحان ومبسوط .. اللي فرحان علشان المكان .. واللي فرحان علشان اللمة والعيلة .. واللي فرحان علشان القرايب والصحاب

واللي فرحان بالغناء والدي جي والكلام ده

لكن

انا كنت سعيد ﻻني شوفت في عينبنت خالتي” و زوجها “محمد” ابتسامة حلوة

ابتسامة

رضا .. و فرحة .. و اطمئنان .. و سعادة .. و استقرار

بجد

كنت فرحااان جدااا  وسعيد لدرجة ﻻ توصف

يارب يعيشوا مع بعض في تبات ونبات ويخلفوا صبيان وبنات

يارب يعيشوا في هنا وحب وسعادة طوول العمر .. ويرزقهم بالذرية الصالحة

ياااارب

🙂

امبارح مرت عليا لحظة سعادة

هو اينعم الواحد راح عليه ماتش اﻻهلي .. بس مش مشكلة

بس كنت فرحان جداا طوول الوقت

لحظات حلوة بتعدى في ثواني .. واكتر لحظة حلوة فعلا في اﻻخر خالص

وهما ماشيين بقى وطالعين من القاعة خلاص

ومروحين

الناس كلها حواليهم وجمبيهم فرحانين ومبسوطين علشانهم

ياااااااه بجد احساس عالي عالي اووي يعني

🙂

يارب اجعل السعادة في كل قلوب وعيون كل الناس

زي السعادة اللي في قلوب كل عبادك اللي بيحبوك يارب

وكل اللي بيحبوا بعضهم فيك يااارب

🙂

قبل ما اخلص بقى

هقولكم موقف مضحك حصل امبارح .. واحنا بنزف العروسة بعد الفرح

سبناها وزفينا عروسة تانية

اه والله .. معرفش جات ازاي .. عربية العروسة راحت في حتة والناس كلها راحت في حتة تانية

كان في اكتر من 5 افراح امبارح

يارب وفق كل الناس وكل اللي عايزين يتجوزوا

وانا بصراحة مش عارف الناس متسربعة على موضوع الجواز اليومين دوول ليه

على كل حال ربنا يوفق الجميع

وعقبالكم جميعا

محدش يقولي عقبالك … ماشي

انا اتقالي امبارح كلمة عقبالك دي تكفيني 6 سنين

مفيش حد كان بيسلم عليا اﻻ لما يقولها

كفاية

ياﻻ .. سلااااام

🙂

Happy Birthday To U “Hunikal” :D

Posted: August 17, 2009 in WorDs
Tags:

السلام عليكم ورحمة الله وبركاته

النهاردة كلمتين صغيرين وماشي علطووول .. مش هطول

كنت عايز اقول حاجة كده قبل ما ادخل في الموضوع

الصاحب

ايه رأيكم في الصاحب .. اللي هو بين قوسين الصديق

ناس هتقولي ايه يا عم انت بتتكلم في ايه … دا الصديق دا حاجة كويسة جداا … الصديق .. وقت الضيق

بس انا بقى

مش هقول كده

الصديق … مش وقت الضيق بس

الصديق … وقت الضيق .. ووقت الفرح .. ووقت الحزن .. ووقت التهييس .. ووقت المزاكرة برضه

ووقت ……… حاجات كتييير جداااا

عارفين … الواحد لو جه يراجع نفسه ويشوف ايه اللي باقيله من كل اللي حصله في حياته

هتلاقوا ان الصديق الحاجة الوحيدة اللي بتتبقالك

بجد والله ومش بهزر

….

مهو فعلا … ﻻ  حبيب بيخلصلك .. و لا قريب بيسأل عنك –اﻻ لما بيكون محتاجك– .. ولا اي حاجة هتدوم معاك

😦

….

في اﻻخر

بعد اما تخلص كل لفتك دي مع كل الناس اللي هتمر بيهم في حياتك

هترجع تاني

لصاحبك

تحكيله .. وتتكلم معاه .. وتقوله اسرارك

تقوله ايه اللي مضايقك .. وايه اللي مزعلك

تفضفضوا مع بعض .. وانت مطمن

انه هيحافظ على اسرارك

وبجد مش هيصدقني .. غير اللي عنده صاحب مخلص .. وفي .. جدع

…..

بصراحة انا مش بعرف اعبر .. لكن كل اللي اقدر اقوله ان الحمد لله ان ربنا رزق الواحد بأصحاب

جدعااان ورجالة بمعنى الكلمة

ممكن اقول حاجة

هنختصر بيها الكلام دا كله

ان فعلا الحاجة الوحيدة اللي ممكن تطلع بيها من خلال علاقاتك مع الناس

هيا

صاحب جدع

بس

*….*  *….*

النهاردة بقى … واحنا داخلين على يوم جديد

17 – 8 – 2009

دا بقى عيد ميلاد صاحبي

اسلام

HuNiKaL

وبما ان اللاب بتاعه بعافية شوية

– ادعوا ربنا يقومهوله بالسلامة –

فانا انتهزت الفرصة وقولت ادخل مخصوص عندي واعمله بوست

واقوله

كل سنة وانت  طيب يا صاحبي

وعقبال كده اما اشوفك قاعد في الكوشة كده .. وجمبك بت الحلال اللي تحبك

وان شاء الله السنة الجاية تكون حققت كل اللي نفسك فيه

يا كبير

ربنا يوفقك يا صاحبي .. وينولك كل اللي في بالك … ياااارب

….

{2CA9B33C-0ACF-4B5A-A7A0-E4B000189B68}_Birthday - White

….

happy

….

Happy Birthday To You My Friend

Happy Birthday To You

Eslam

Everything Burns !!

Posted: August 11, 2009 in WorDs
Tags:

السلام عليكم ورحمة الله وبركاته

امبارح انا كنت في اسكندرية .. ويارتني ما روحت

اليوم في اوله بديته بإبتسامة .. بضحك في وش الناس من ساعة اما نزلت من بيتنا

واﻻقي الرد في عنيهم بيقولولي انت ايه اللي مخليك مبتسم اووي كده

شايف الدنيا حلوة على الصبح ليه كده ؟؟

وانا اقول سيبك منهم .. خليني مع دماغي .. مهو محدش عارف حاجة

المهم بدأ اليوم .. حصلت مشاكل .. مش مهم هيا ايه ؟؟ .. وبعدين قولت اجي على نفسي علشان احلها

مهو برضه ﻻزم اليوم ميعديش وحش

وقولت هعمل للمشاكل

pause

وقولت اللهم اخزيك يا شوشو .. وقولت اكمل عادي

ورجعت رسمت اﻻبتسامة تاني

المهم .. الساعة جات 1 الظهر .. ودخلت فيلم

الف مبروووووك

كنت هموت وادخله بصراحة

فيلم جااامد جدااا جدااا جدااا … جدااا للصبح

وسبحان الله في مواقف كانت بتحصل فيه وانا كنت بقول انها هتحصل من قبل ما اشوفها

كأني شوفته قبل كده .. بس انا حاسس اني شوفت او قريت حاجة زي دي قبل كده

فيين مش عارف

لكن المهم ان الفيلم جااامد .. طلعت من الفيلم برضه راسم اﻻبتسامة .. مع ان اخره وحش اوووي

بس انا كنت متوقع اخرته دي .. وفضلت برضه راسم اﻻبتسامة

بس قلبي مكنش حاسس بخير

المهم … طالع من السينما .. جات عربية بسرعة غريبة في مكان مينفعش انها تمشي بسرعة فيه

المكان ده محطة الرمل قدام سينما فريال

بجد انا كنت هروح فيها النهاردة .. وكنتوا انتوا بقى بدل اما تقراوا البوست دي .. كنتوا هتقروا الفاتحة عليا

وتقولوا الله يرحمه كان اخر حاجة كان عايزها .. انه كان نفسه يبقى مبسوط

طبعا بعد اما العربية عدت كده على خير الحمد لله

بصتله وقولتله

ﻻااا … انا موت موتات احلى من دي بكتييييير

اييييييه .. البلد دي ملهاش كبير ولا ايه

بعدين لقيت العربية وقفت .. اممممممممم ياﻻ المسامح كريم بقى

هتيجوا معايا وانا بغير الواقع

وﻻ اروح لوحدي

….

مش عارف ليه كانت مدياني ظهرها .. مع اني كنت مديها تفاؤل .. وابتسامة بعرض البحر اللي طوول النهار

قاعد باصصله وبكلمه

وكل اللي يعدي يقول في نفسه دا اكيد مجنون .. بس مش مشكلة

المهم اني بكلمه .. وبحس اني لما بكلمه برتاح والله

والنهاردة وعلى الصبح كده .. قولتله كلام كتييير اووووي .. مش عارف بقى

كان نايم تقريبا

طبعا الواحد مفيش مانع انه يجي على نفسه ويعدي

لكن اهم حاجة انه يبقى عنده دم

ويفهم ان خلاص

Everything Burns !!

She sits in her corner

Singing herself to sleep

Wrapped in all of the promises

That no one seems to keep

She no longer cries to herself

No tears left to wash away

Just diaries of empty pages

Feelings gone astray

But she will sing

Chorus:

Everything burns

Everyone screams

Burning their lies

Burning my dreams

All of this faith

And all of this pain

Burning all down

Cause my anger reigns Everything burns …

By : “Ben Moody & Anastacia”

عارفين .. انا بجد مش عارف ايه اللي بيحصلي ده

وده بيحصلي ليه ؟؟

بس اللي واثق منه لحد دلوقتي

ان .. بعد اللي حصل النهاردة اخر حبة كانوا موجودين … خلاااص

وإن

….

everythings burns

….

Everything Burns !! … Everything Lost !!

and

يومين وارتاح

حد فاهم حاجة ؟؟ طب حد مش فاهم حاجة ؟؟

عمومااللي فهم يفهم اللي جمبه اللي مفهمش

وفي اﻻخر

لما كلكوا تفهموا ابقوا

فهموني

علشان انا معدتش فاهم حاجة

!!

سلاااااام

Somebody’s Me

Posted: April 8, 2009 in WorDs
Tags:

السلام عليكم ورحمة الله وبركاته

ازيكم يا بشر

عاملين ايه ؟؟ .. والله ليكم وحشة جااامدة جدااا

اليكم اخر الانباء

بعد الغاء كورس الجافا في كليتنا المبجلة اصبح العبد لله -اللي هو انا يعني-  الحاجات اللي عليا بدأت تخف والحمد لله

طبعا مش فاضي اوووي .. بس حاسس اني عايز اهتم بالدراسة شوية

اصلي معرفش حاجة في المواد خاااالص والحمد لله ==> من الاخر يعني .. ابيض

مادة الاعمال الالكترونية معرفش فيها غير ان ليها مشروع لازم تعمله وانا اخترت

Online Exam

اكيد عارفين معلومات عنه .. اخترته بقى … بصراحة مش عارف ليه ؟؟

بس الحمد لله شغالين

PHP & mysql

والحمد لله بتعلم حاجات جديدة بمساعدة اصحابي

Hunikal Eleven

متحرمش منكم يااارب

دعواتكم لينا بقى

ندخل بقى في الحاجة اللي انا جاي اتكلم عنها النهاردة

اغنية انا بحبها جداا جداا .. وقولت اكتبها علشان حاجة كده في دماغي

ومحدش يفهم صح

” Somebody’s Me “


You, do you remember me?
Like I remember you?
Do you spend your life
Going back in your mind to that time?
Because I, I walk the streets alone
I hate being on my own
And everyone can see that I really fell
And I’m going through hell
Thinking about you with somebody else


[CHORUS]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me


How, How could we go wrong
It was so good and now it’s gone
And I pray at night that our paths soon will cross
And what we had isn’t lost
Cause you’re always right here in my thoughts


[Chorus]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me


You’ll always be in my life
Even if I’m not in your life
Because you’re in my memory
You, will you remember me
And before you set me free
Oh listen please

[Chorus]
Somebody wants you
Somebody needs you
Somebody dreams about you every single night
Somebody can’t breath without you, it’s lonely
Somebody hopes that one day you will see
That Somebody’s Me

الكلمات جااامدة جداا .. مش كده ؟؟

يالا ..  حتة اجنبي كده في السريع علشان تعرفوا تزاكروا

اقعدوا بالعافية

“Somebody is Me”

elahlawy

El-Tagroba_El-2ola

Posted: January 23, 2009 in WorDs
Tags:

السلام عليكم ورحمة الله وبركاته

5ly_-_11_002

التجربة الاولى دي علمتني حاجات كتير .. علمتني افكر الف مرة قبل التقرير

التجربة الاولى دي تجربة تحديد المصير  .. اوصل للي انا عاوزه او هتجنن من التفكير

كانت اول مرة في حياتي اغلط في قراية انسان .. اوهام كانت واخداني .. احلام كانت شداني

محسساني بالحياة اللي رجعت اعيشها من تاني

ندمان

لا مش ندمان .. بس محتاج مهلة للنسيان

نصيحة لاي شاب ” غيري “ مر بتجربة .. اللي تحبك بجد بجد اوعي تنفضلها

لو بتحب واحدة غيرها انت اصلا مش في قلبها .. لما تشوف ازاي حب اللي بتحبك هتحبها

….

El-Tagroba_El-2ola

….

كلمات : مقتبسة من رباعيات صلاح جاهين

موسيقى : عمر خيرت

توزيع وغناء : مودي راب