Posts Tagged ‘الاجازة’

Happy Vacation

Posted: February 6, 2010 in Vacation
Tags: ,

السلام عليكم ورحمة الله وبركاته

ازيكم يا بشر

https://i2.wp.com/sportsmediajournal.com/wp-content/uploads/2009/06/vacation-2.jpg

بداية احب اهنئ الشعب الحاسوباتي .. باﻻجازة واﻻنتخة والنوم واﻻكل

وطبعا البلاي ستيشن

وكل فيفا وانتم طيبين .. حد معاه سوكر 2010

😆

تهنئة خاصة لرجالة 513

كل خروجة وانتوا طيبين يا رجالة .. بس بعد كده اللي يطلب بيتزا حجم كبير يبقى يخلصها

مش هسمح للموضوع ده انه يتكرر تاني

😀

والراجل بتاع البوريو اللي في المنصورة ده كويس على فكرة

بس برضه عمو بتاع معصرة مكة اللي ورا محطة سيدي جابر – اسكندرية احسن برضه

😛

ان شاء الله المرة الجاية تبقى بعد امتحانات الترم التاني

واحنا طالعين فرحانيين ان شاء الله

ومرة كمان بعد مناقشة مشاريع التخرج .. ومش عايز اشوفكم تاني بقى

😆

كل ترم وانتوا طيبين يا رجالة

🙂

….

كان نفسي اروح معرض الكتاب .. وخصوصا كان نفسي احضر النهاردة

اللي هو السبت 6 – 2 – 2010

في حفل توقيع كتاب : الضرب في الميت … لــ احمد الصباغ

انا متابع مدونة احمد من فترة .. وكان نفسي اشتري الكتاب

شكله جااامد

والراجل كتاباته جاااااااامدة جدااا

بس للاسف عندي دور برد جااامد جداااا .. مقعدني في السرير من يوم ما رجعت بيتنا

..

انا ان شاء الله رايح كايرو اي سي تي

يوم الثلاثاء الجاي

9 – 2- 2010

حد جاي ؟؟

🙂

اخخخخخ … نسيت صاحبي محمد السيد

didooofidooo

مبروك الفرح يا ريس .. مش فرحه طبعا دا فرح اخته

دا لو كان فرحه كنت قتلته .. يتجوز قبلي ليييييييييييييييييييييييه

؟

هو حقد وخلاص … حد عنده مانع

؟

مبروووك يا مان .. معلش مش هعرف اجي بقى

وده بعتبره اعتذار رسمي لسعادتك .. ﻻني مش ﻻقي سعادتك اون ﻻين في اي حتة

وﻻني عارف انك مش هتقعد على النت اﻻ بعد الفرح ب3 او 4 ايام

وربنا يتمم بخير

🙂

حد بيعرف يزغرط بقى

😆

اقعدوا بالعافية

🙂

Come Back Again

Posted: August 6, 2009 in Uncategorized
Tags: ,

السلام عليكم ورحمة الله وبركاته

احـــم احـــم

يــــارب يـا ســـاتر .. كح  كح

سوري يا جماعة .. اصلي مدخلتش بقالي كتير فلازم اسلم على اهل الدار

يمكن الاقي حد عايش حياته هنا ولا حاجة

يا ساتر يارب .. ايه ده .. كل ده تراب

الغيبة المرة دي طولت اووي مش كده .. معلش والله حقكم عليا

بس مكنش في نت والله

حتى لما كنت بروح المكتبة –مكتبة اسكندرية– مكنتش بعرف اكتب حاجة

لدرجة زي ما انتوا شايفين كده .. التراب مالي الدنيا ومحدش كان بيدخل ينفض ولا ينضف اي حاجة خالص

بجد يا جدعان .. لو لقيتوني انقطعت كده مرة واحدة بدون سابق انذار

حد يتطوع ويبلغ المطافي

لا بجد .. حد يبقى يدخل يشقر على المدونة .. يفتح الشبابيك كده .. ويهويها .. بس مينساش وهو ماشي

يقفل الشبابيك تاني .. احسن ارجع ملاقيش الكنز اللي انا مخبيه هنا

كنز ايه يا عم انت حلتك حاجة

احـــم احــــم .. ايه يا عم .. الناس قاعدة يا سيدي بلاش فضايح

المهم … حصلت في الفترة الاخيرة حاجات جااامدة جدااا جدااا

وحاجات غريبة اووووي

بداية : من اننا اخدنا اجازة من الشركة لحد يوم  1 – 8 من ساعة اما حصل ميتج في الشركة مع الناس اللي هيشتغلوا اللي هما احنا

المهم اننا اخدنا اجازة تقريبا من يوم الخميس 9 – 7

علشان هنزاكر حاجات ونرجع تاني نتسأل فيها .. وهيبقى في شوية حاجات كده .. هقول عليها بعدين متخافوش

حلو الكلام

المهم … جيت يوم  13 – 7 – 2009 .. الناس كلها تفتكر التاريخ ده

وانا عمري ما هنساه طبعا

ايه يا عم  ؟؟ … مش تقول ايه اللي حصل ؟؟

اه صحيح … سوري نسيت … في اليوم ده انا شديت الرحال وروحت رايح  لــ “محبوبتي” اسكندرية طبعا

محدش يفهم غلط

المهم قابلت صاحبي .. اسلام .. وكان معانا الحاج ” ابويا ” ونازلين ناويين اننا نشتري

لاب توب

المهم لقينا شوية لابات حلوين .. شوية ايه دا احنا تقريبا لفينا البلد كلها على لابات .. لغاية اما استقرينا على ده

lenovo-3000-n500-laptop1

ايون هو ده

Lenovo … N 500

حاجة لسه نوكيا منزلتهاش .. لسه بدري عقبال اما تنزل من نوكيا

انا كنت حاطط عيني عليه من فترة قبلها .. على اساس اني ممكن الاقي حاجة احسن

بس كده حلو .. الحمد لله

المهم طبعا مبروك عليا .. بس انا طلع عيني في موضوع اللابات ده لحد اما كنت هتجن بسببهم

وشوفت لابات بالهبل .. واسعار هبل برضه .. لحد اما الحمد لله وقعت في ده

مبروك عليا

طبعا .. انا بعامله بإحترام شديد جدااا .. مهو بقى ابني الصغير

اللي بيسألني دلوقتي .. امال هو عامل ايه معاك

اقوله والله مغلبني .. ومحيرني معاه

بس الحمد لله … لحد دلوقتي بعامله بإحترام

يارب هو كمان يعاملني بإحترام دايما

مهو معدش فاضل بينك وبين لابك … إلا الاحترام … الاحتراااااااااام

احترم لابك وعامله كويس .. يحترمك ويقدرك

بصو بقى .. هو اسلام قالي هتفضل كده شهرين .. وبعدين هتعامله بالجزمة

لا … بقى

انا عمري ما  هعامله وحش .. واللي هيعامله وحش من اصحابي او اي حد هو حر

هقلبله على الوش التاني

….*….*….

المهم بقى … تاني حاجة حصلت … كانت في الاسبوع اللي بعده علطووول

اللي المفروض انا بزاكر فيه بقى

حضرت الشنطة .. اللي بتتعب معايا دي .. وروحت طالع على مطروح

يوم الاحد 19 – 7 – 2009

مع اصحابي

بودي .. واحمد مسعود .. واسلام .. وانا طبعا

بين قوسين تيم  513 بس في مطروح

كان فرح اخت  محمد السيد صاحبنا .. مبرووووك ياض

و ” عقبالي “ … قولوا يااااااارب

المهم … الواحد راح  وخطف 3 ايام من العمر .. واجمل 3 ايام والله

واحلى حاجة الرجالة صحابنا اللي كانوا هناك .. عملوا احلى واجب معانا والله

بجد انا روحت مناطق بجد اجمل مناطق شوفتها في حياتي .. بعيد عن اللي كان بيحصلي ساعتها

والبرد اللي كان مبهدلني .. مكنتش انا بس هو كلنا تقريبا كنا واخدين برد

بس الحمد لله … انا وعبدالله اللي كنا جايبين البرد معانا واحنا رايحين

الحمد لله مبنجبش حاجة من بره

بس بجد هناك على البحر تنسى نفسك  .. وتنسى البرد .. وتنسى كل حاجة

انا مكنتش متخيل انا في مناطق بالجمال ده .. سبحان الله فعلا

انا كنت متوقع ان الحاجات دي في التليفزيون بس .. مكنتش متخيل انها في الواقع كده بصراحة

الصور بتاعتي بقى اللي مصورها بموبايلي انا هتلاقوها ان شاء الله على فليكر او الفيس بوك

هتلاقوا اكترها مناظر طبيعية حلوة اوووي

….

المهم رجعنا .. وانا بصراحة من جوايا مكنتش عايز ارجع

بس قولت كفاية كده .. احسن ممكن الواحد يفلس هناك ولا حاجة

اضطر ارجع في القطر .. يا اما هرجع ماشي .. واللي بيركب القطر عندهم ده

يا اما بينزل منه ميت .. يا اما عنده شلل اطفال .. وفي كلا الحالتين مينفعش يتعملك عمرة تاني

….

رجعت تاني بقى للبيت والمزاكرة … افتكرت بقى اني المفروض ازاكر علشان هيبقى في حاجة زي امتحان كده

يوم 1 – 8 .. فاكرين محدش ينسى اليوم ده

اووووووف .. انا ايه اللي رجعني بس .. منا كنت هناك مستريح والعملية قشطة

كويس .. ازاكر بقى .. لا خليها بكرة

يجي بكرة .. اخ .. خليها بعدو .. وبكرة يجر بعده لغاية اما جه يوم  1 – 8 ده

اكيد دلوقتي ناس هتقول انت يوم  1 -8 – 2009 ده يوم تاريخي في حياتك

وانا بقول بجد

اليوم ده فعلا .. ” اصعب يوم ” عدى عليا في حياتي

هبقى احكي عليه بعدين .. لان تقريبا الناس اللي عملوا ورد بريس بيشتكوا مني

اني بكتب كتييير

بس بيسيبوني .. علشان بنظم في كتابة الكلام

بحاول اخلي اللي بيقرا ميزهقش .. ولا انتوا ايه رأيكم في الموضوع ده

؟؟

بجد ربنا يكون في عونكم ياللي بتقروا .. دا اذا كان في حد بيقرا اصلا

بكرة اجيب عيال .. واخليهم يقعدوا يقروا البوستات كلها كلمة كلمة .. حرف حرف

هخليهم يلبسوا نضارات وهما في كي جي وان

طب وانت هتجيب عيال من غير حب ولا جواز ؟؟

اه يا خفيف .. هجيبهم من غير حب ولا جواز .. احنا فاضيين لسه هنحب ونجيب ” دباديب ” .. ولسه ” هنتجوز “ .. ونقعد 9 شهور وبعدين يجيلك عيل

يقرفك ويطلع عين اهلك وتصرف عليه دم قلبك

طب وليه وجع القلب .. انا اجيب عيال من اللي مبيكبروش دووول

واقعد ادلعهم والعب بيهم  … ولو فكروا يكبروا هقتلهم

هاهاهاهاها

طب وربنا وحش مفترس

كفاية كده بقى احسن انا هيست اوووووي

وهيبتدي يطلع مني كلام .. ملوش اي علاقة بالواقع الذي نحن بصدده الان والذي هو …؟

بس بس بس .. خلص .. قوم نام يا حبيبي الساعة 8 الصبح قوووم

طيب خلاص .. صباح الخير عليكم بقى

دعواتكم الله يكرمكم .. احسن انا اليومين دوول مش بيجيلي نووم خالص

ولما بنام بشوف حاجات غريبة والله يا جدع

يمكن من الحر .. اه هو الحر .. الحر بيعمل اكتر من كده والله

يالا .. ربنا يسترها عليا

….

اه صحيح .. ” كل سنة وانتوا طيبين ” بمناسبة النصف من شعبان

الحقوا جهزوا نفسكم بقى علشان رمضان خلاص قرب

يالا .. اشوفكم بخير ان شاء الله

في البوستاية الجاية

سلاااام

السلام عليكم ورحمة الله وبركاته

ازيكم يا بشر

النهاردة في مواضيع كتير جدااا

نبدأ بــ : اولا

مبرووووك للنادي الاهلي لفوزه بالدوري .. اينعم الخبر قديم شويتين بس مكنش في وقت اكتب عن الفوز

لكن دا ميمنعش اني احتفل … و … اااي ااآآآآو .. قال ايه عايزين ياخدوه

واووووووووه اهلاووووووي

….

ahlylogo26xl

….

ثانيا

احب ابارك لكل الحاسوباتية .. بمناسبة انتهاء العام الدراسي وسناريو الامتحانات

وبداية وقت الطحن والشغل والحاجات الحلوة

وكل سنة وانتوا طيبين .. وعقبال اما نخلص بقى من الرواية دي

علشان بصراحة الفيلم بيرخم اوووي في اخره

اهو … فاضلنا زلطة ونطلع بره

يالا ربنا يعديها على خير ومن غير موااااد يااااارب

قولوا ااامين

:)

….

ثالثا بقى

حاجة تخنق اوووي لما كل اما تمشي خطوتين تلاقي حد مقابلك يقولك

شوفت الماتش ؟؟

اه يا جدعان شوفته .. والله العظيم شوفته

احلف بإيه اني شوفته

انا شوفت الماتش يا جدعاااان .. وشوفت الخيبة التقيلة بتاعت منتخبنا الوطني العريق

وشوفت الحضري وهو بي تييييييييييييييييييييت .. والاعيبة الـ تيييييييييييت اللي حرقوا دمي

انا كده شكلي هقعد أ تيييييييييييييت للصبح

….

بس انا رغم كل الحزن والزعل اللي زعلته .. الا اني لما افتكر الاعلان بتاع شجع مصر

اموووت من الضحك

وكما قال الاخ العزيز ميتو افندي

” كأس العالم مش هيجيلنا ولا في تاكسي .. ولا توك توك .. ولا حتى على عربية كارو “

واد يا  بنا .. انت و ابو الاسرار

ايه هنقضيها فرجة بس ولا ايه ؟؟ … اهم اهم اهم المصريين اهم

….

رابعا بقى

فاكرين مواضيع التدخين .. والولاعة والكبريت

جزء 1 … و جزء 2

الموجودين تحت تاج .. صحتك ثروتك … على يمينك وانت بتفتح البلوج

شايفين

المهم … ان المواضيع دي بحمد الله موجودة على مدونة عراف

الاخ العزيز صاحب مدونة عراف .. جزاك الله خيرا على مساهمتك في نشر المواضيع

قال تعالى :- { وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِِ} (2) سورة المائدة

صدق الله العظيم

….

خامسا … واخر حاجة بقى

عايز اقول كلمة من قلبي والله

بجد شباب المنصورة … رجالة رجالة رجالة … ربنا يحميكم ياااارب

بجد احنا طلعنا احسن من غيرنا كتيييييييير والحمد لله

طبعا عايزين تعرفوا انا بقول كده ليه ؟؟

انا كنت في القاهرة امبارح – الثلاثاء 9/6/2009 –  في مهمة رسمية عائلية

ونزلت جامعة عين شمس

اللي الناس كلها مفكرة انها حاجة مفيش بعد كده .. بجد بجد

احنا احسن منهم بكتييير .. سواء في التعليم او في النظافة او … اي حاجة

انا النهاردة فعلا عرفت قيمة المنصورة

🙂

الشباب اللي هناك عموما .. عارفين الشباب الامور .. ايوووون هو ده

تحس كده ان الشباب اللي هناك .. لذيذ .. بمعنى لذيذ يعني … ومش عايز اتكلم كتييير

بجد بعد اللي شوفته النهاردة

انا عندي امل بجد ان ربنا هيكرمنا كلنا ان شاء الله .. الشباب اللي بيتبهدل ده وبيطلع عينه

ربنا هيجازيه كل خير ان شاء الله

ربنا يوفقنا كلنا يارب .. ونبقى كده شباب زي الفل ونفرح اهالينا بينا يااااااارب

🙂

….

طولت عليكم .. صح .. يالا معلش .. اصل البلوج كان واحشني اوووي

خدوا بالكم من نفسكوا .. واقعدوا بالعافية

اجازة سعيدة

🙂

سلاااااااااااااام

….

اهلاوي … ولو حصل لمصر زي الماتش اللي فات كده .. هشجع نيجريا

بــــــــس