Posts Tagged ‘مصراوي’

Egypt Vs Ghana .. Got the CUP

Posted: February 1, 2010 in 2010, Egypt
Tags: , ,

السلام عليكم ورحمة الله وبركاته

..

كلاكيت تاني مرة

اكشن

النهاردة داخل ابارك واهني .. واقووول

مبرووووووووووووووووووووووووووووووووووووك لبعد بكرة الصبح بقى

لمنتخبنا الوطني

بقيادة العظيم حسن شحاته .. اللي فعلا اثبت انه معلم

ومهما قولت مش هوصف فرحتي النهاردة

..

اوﻻ : ﻻني اتفرجت على الماتش .. دي حاجة

الحاجة التانية .. اني شوفت الماتش مع اهل ايجي كلاود .. مش في الشركة طبعا .. بس في كافيه جمب الشركة شوفنا فيه الماتش

😀

واﻻيجي كلاوديين بيشجعوا مصر … وانا كنت معاهم

😀

الحاجة التالتة … اننا اخدنا الكأس للمرة التالتة على التوالي

🙂

محمد جدو اﻻعب اللي الناس كلها كانت معترضة انه في المنتخب وازاي يروح المنتخب وميدو  ﻻ

مجموع الدقايق اللي لعبها مع المنتخب مكلمش 45 دقيقة

جاب اهم 5 اهداف في تاريخ مصر .. وفي تاريخه طبعا

ودخل التاريخ .. وهداف البطولة كمااان

😀

وده الهدف الجميل اللي جابه النهاردة

الواد ده حكاية يا جدعااااان

لما نزل ملمسش غير 3 او 4 كور فعلا

منهم لمسة الفاول اول ما نزل

ولمستين بتوع الون تو .. واللي جه منهم الجوووووووون

😆

طبعا البلد كلها دلوقتي ماشية تقول

الاتحاد اﻻتحاد … واﻻتحاد سيد البد

طبعا علشان جدو

و بإعتبار اني راجل اهلاوي قديم .. لكن ده ميمنعش اني اكون انا كمان اتحداوي في نفس الوقت

😆

واليكم بعض الجمل الخطيرة اللي اتكتبت على الاستاذ تويتر افندي

حفظه الله لنا

😆

بعد نجاح تجربة جدو … المصريين كلهم ماشيين يقولوا .. اﻻتحاد اﻻتحاد .. اﻻتحاد سيد البلد

😆

..

ايه ده !! هي مصر بقت زي الاهلي وﻻ ايه !! … اهم اهم اهم المصريين اهم

😆

..

أعلن الكاف أن البطولات القادمه للامم ستكون مقصوره على المراكز,الثانى والثالث والرابع فقط, حتى لا تصاب الفرق بالاحباط

😆

..

الاتحاد الافريقي قام بتسليم المنتخب الجزائري , صابونه ماركة لوكس لكل لاعب

😆

..

بعد نجاح تجربة جدو, قرر حسن شحاتة ضم ستو و خالتو و عمو

😆

..

الجزائر كلها جابت اربع اهداف..وجدو جاب خمسة لوحده

😆

..

كان فى بلد حلوه اسمها مصر …و كمان كان في جدو بشنباااات

😆

..

سألو طفل جزائري بتحب بابا ولا ماما أكتر قال بحب جدو علشان هو اللي رباني

😆

…..

اخر خبر

الحضرى يهدى كأس أمم إفريقيا للاعب المنتخب الراحل محمد عبد الوهاب

Masrawy

فيك الخير والله يا حضري … الله يرحمك يا عبدالوهاب

….

اقعدوا بالعافية

🙂

Advertisements

Egypt worldcup2010

Posted: November 20, 2009 in Egypt
Tags: ,

….

مهما حصل ….. برضه

بحبك يا مصر

🙂

وحسبي الله ونعم الوكيل فيكم يا جزائريين

منكم لله

والحمد لله اننا خسرنا .. في داهية ماتش كورة

في الف داهية كاس العالم

امال بس لو كنا كسبنا كانوا هيعملوا فينا ايه

ملعون ابوها كورة .. علشان تخلي شوية بلطجية وشوية ناس اقل ما يقال عنهم انهم همج وحيوانات

روحوا في داهية انتوا وكاس العالم بتاعتكم دي

روحوا منكم لله

وحسبي الله ونعم الوكيل فيكم

https://i2.wp.com/www.appliedlanguage.com/flags_of_the_world/large_flag_of_egypt.gif

بحبك يا مصر

….

اتْغِلْبِي يامصر ولا يِهِمِّك ولا يفرق ، ولا يحرَق دَمِّك والله مسامحِك وبحبِك

ولا فوز هيزيدك يا جميلة ، ولا غُلب العالم هيقِلك

🙂

مــصـــر

 

Egypt

Posted: November 14, 2009 in Egypt
Tags: ,

بسم الله الرحمن الرحيم
السلام عليكم ورحمة الله وبركاته

اعزائي المشاهدين .. ننقل لكم احداث ما قبل المبارة
مباراة مصر والجزائر .. في التصفيات المؤهلة لكأس العالم 2010
..
طخ طخ ططخ .. مصر … طخ طخ ططخ .. مصر

طخ طخ ططااااخ .. مصر

اوووووووووو مصراوي .. اوووووووو مصراااوي

https://i2.wp.com/www.appliedlanguage.com/flags_of_the_world/large_flag_of_egypt.gif

….

بعد فاصل من التشجيع الحار لمنتخبنا الوطني ندخل في المباراة

احــم

قصدي ندخل في الموضوع

انا عندي كام حاجة كده هقولهم على السريع .. ومعلش هنطول في البوست ده شوية

انا عارف الناس بتتخنق

بس كله يهون علشان المنتخب …. وﻻ ايه ؟

..

يا اخي الواحد مش عارف ايه الحب اللي ظهر فجأة لمصر ده ؟

ايه يا عم .. ايه اللي حصل ؟

والله منا عارف يا اخي .. امبارح خير اللهم اجعله خير لما رجعت من السفر

قاعد بقلب في قنوات التليفزيون والدش .. اززز وانا بضغط على القناة اﻻولي

اﻻقي اييييييه

اييييييييه ؟

يا جدع اﻻقي كمية اغاني لمصر محطوطة ورا بعضها .. جسمي قشعر بعدها فعلا وكنت هيعط بس مسكت نفسي علشان كنت جعان جداا وكنت باكل بشراهة !!

طب حلو وايه اللي يضايقك في كده ؟

يا اخي انا مش مضايق .. بالعكس انا فرحان جداا .. بس في حاجة كمان

ايييه ؟

وانا مروح بيتنا برضه امبارح .. ازززز اﻻقي كمية اعلام محطوطة في البلوكونات ومتعلقة في الشارع .. واﻻعلام يا جدع مرفوعة كده وبترفرف وقلبي عمال يرقص معاها

قلبك بيرقص !! ليه خير .. هو انت ناوي تتجوز وﻻ حاجة ؟

يادي سيرة الجواز اللي واجع دماغنا بيها .. ياعم خلينا مع المنتخب دلوقتي

السؤال اللي محيرني بقى يا اخي … ان ليه احنا مبنحبش مصر واﻻغاني والكلام الحلو واﻻشعار والقصايد مبتظهرش غير لما يكون في ماتش كورة ؟؟

هي مصر مبتبقاش حلوة غير في الكورة بس .. ؟؟

حد يفهمني

!!

طيب الحاجة التانية اللي محيراني

ليه لما نلاقي الناس بتحب مصر ورايحين يشتروا اﻻعلام ويقفوا جمب المنتخب وبيشجعوا بحرارة .. نقول عليهم دول عالم مجانيين ؟؟

يا اخي انت ملكش في الكورة .. بلاش تحبط في الناس وتخليهم يكرهوا حياتهم

!!

بس ياريت بعد كلامك دا كله متبقاش تتفرج على الماتش .. ماشي ؟

اصل مفيش واحد في مصر مش هيتفرج على الماتش ده

يا عم الناس بتحب تشجع .. وبتحب المنتخب .. وبتحب مصر

بلاش تقول يااااه .. امال الناس دي كلها والجماهير دي كلها مبتطلعش ليه على القدس ينقذوا المسجد اﻻقصى ؟؟؟

طيب ايه اللي دخل القضية دي في القضية دي ؟

دي حاجة ودي حاجة تانية خاااالص

هتقولي اصلهم شباب عاطل .. وشباب فاضي .. والكورة اي كلام ؟؟

ماشي … لو نفترض ان كلامك دا كله صح .. روح انت تقدم المسيرة .. وافتحلنا معبر رفح

وانا جاي وراك علطووووول

…………

يا اخي الناس من كتر زهقها قالت تعمل اي حاجة تفك بيها عن نفسها .. ولعلمك مصر لما بتفوز في ماتش او بنتأهل لدور النهائي او بنفوز على فريق .. والله بتلاقي الشعب كله وفرحان واﻻنتاج بيزيد كمان .. وافتكروا ايام البرازيل وايطاليا

طب ومال اﻻنتاج بالكورة ؟؟؟

اقولك انا .. العامل اللي طوول النهار في شغله .. بيرجع بيته بيبقى نفسه يلاقي اي حاجة تفرحه .. ولما بيشوف الماتش بقى .. ويلاقي مصر كسبت ايطاليا مثلا .. او اتغلبت من البرازيل بالعافية .. اكيد هيفرح طبعا .. وهيغني طوول الليل ويقول

ياااارب كتر من افراحنا .. مصر مصر تحيا مصر

🙂

الصبح بقى وهو رايح الشغل . في المواصلات بيتكلم مع زميله في الشغل عن الماتش .. والواد زيدان وابوتريكة , وشوفت ابوتريكة لما رقص الواد بتاع البرازيل

طبعا رايح مبسوط وسعيد .. اكيد هيشتغل وهو فرحان وهينتج اكتر

غير بقى لما مصر تبقى مغلوبة .. تلاقيه رايح الشغل ضارب “بوذ” .. اللي بيكلمه ميردش عليه .. قرفان من الدنيا .. وقرفان من نفسه .. واللي يجي يكلمه هيرد عليه .. يا اما بخناقة يا اما مش هيرد اصلا

!!

يا ناس بالله عليكم .. سيبوا الناس تفرح وبطلوا تطلعوا اشاعات وتنشروها

احنا شعب غلبان بيصدق اي حاجة

التمثيلية اللي اتعملت امبارح من ﻻعيبة الجزائر .. الناس كلها صدقتها .. والمنتديات والصحف المعارضة والناس اللي مبتصدق تلاقي اي حاجة

“زي ما بيقولوا نفسه يلاقي الكبريت .. علشان يعمل حريقة”

كله قعد يطلع اشاعات .. ويقولك الراجل الجزائري طلق مراته المصرية علشان الماتش بس بذمتكم دا كلام يدخل العقل .. ويجيبولك صورة في الضلمة .. ويقولك الجزايريين مولعين في بيوت المصريين

على اساس ان المصريين اللي هناك دوول ايه يعني .. حشرات ماشية في الشارع محدش بيحميها

هيا الناس متعرفش ان :

في حاجة اسمها فوتوشوب ولعب في الصور

في سفارة في الجزائر اسمها السفارة المصرية .. ودي عارفة كام مصري بالظبط موجود في الجزائر .. وعارفاهم باﻻسم واحد واحد

ﻻعيبة الجزائر جايين هنا يستفزونا .. ويكسروا في بلدنا ويقولوا احنا بنتحدف بالطوب والمصريين بيضربونا .. ميعرفوش ان لعبتهم مكشوفة .. والتمثيلية دي قديمة .. واننا هنكسبهم هنا ان شاء الله

ياارب الناس متعملش زي ما هما بيعملوا .. خلينا احنا اﻻحسن .. اه ضربتونا هناك .. وبتكسروا هنا في بلدنا

بس هنوريكم في الملعب .. واحنا اللي هنكسب

ان شاء الله

اخر حاجة عايز اقولها للناس اللي بتطلع وبتنشر اﻻشاعات دي

حرام عليكم

اتقوا الله فينا .. احنا مصريين زيكم برضه

متنشروش حاجة اﻻ لما تتأكدوا من صحتها

100 %

الناس اللي اشترت اﻻعلام واشترت التزاكر ووقفوا بالساعات علشان تزكرة … علشان يشجعوا مصر .. ويقفوا جمب منتخب مصر

دوول مش مجانين .. وﻻ هبل … بس دووول عايزين يفرحوا

وياارب فرح كل المصريين بالماتش ده ياااااااارب

🙂

اخر حاجة عايز اقولها

انا كمان اشتريت العلم .. وانا كمان هتفرج على الماتش

هخلص شغلي .. وهطلع اتفرج على الماتش مع اصحابي

ان شاء الله

وهقووول

طخ طخ طططخ .. مــــصـــر

ويـاااارب نـكـسـب

🙂

بــس خــلاص .. خدوا بالكم من نفسكم

سلام

elahlawy

Egypt VS Italy

Posted: June 19, 2009 in Occasions
Tags:

السلام عليكم ورحمة الله وبركاته

ازيكم يا بشر

النهاردة انا داخل اعتذر لانسان انا بحبه جدااا .. وبحترمه جدااا .. وكنت قولت عليه كلام مش حلو

النهاردة انا داخل اعتذر لـعصام الحضري … وارقص يا حضري

بجد بجد انا فرحان ان الحضري رجع لمستواه الحقيقي تاااني الحمد لله .. ربنا يحميك يا حضري

الحضري امبارح خلى اللاعيبة بتوع ايطاليا واقفين مذهولين

وخلى المدرب بتاعهم باصص للملعب كأن حد ضربه على قفاه وطلع يجري

الراجل بقى باصص للحضري وهو بيصد .. واقف مذبهل .. ويقول في نفسه

بقى ده اللي انا كنت بقول لو كان في حارس غيره كانت مصر فازت على البرازيل ؟؟

بقى ده اللي انا كنت معتبره نقطة ضعف المنتخب المصري ؟؟

الحمد لله … اللاعيبة كلهم كانوا رجالة امبارح .. والواد شوقي وحسني

والفنان ابوتريكة اكتر واحد جرى في الملعب امبارح والله

وحمص حمص حمص ……. يا حلاوة

الواد ده يا جدعااان … راجل راجل راجل .. كان شايل خط النص امبارح

وجاب الجون .. وكان بيدافع .. بجد بجد راجل

….

….

الراجل المعلق بتاع قناة

ART

صواته راح خالص … وانا كنت هتشل في اخر خمس دقايق اللي الحكم ضافهم في الاخر

كأنهم مستكترين علينا اننا نفوز ؟؟

هو حرام نفوز يا جدعاااان ؟؟

بس مش مهم … المهم ان انا فرحان .. والواد اخويا الصغير فرحان .. وابويا فرحان .. وجوز خالتي كمان فرحان .. واوووووووووو مصراووووووي

بجد بجد .. انا مش مصدق اننا كسبنا .. وكسبنا مييييين ؟؟

ايطاليا ايطاليا يا جدعااااااااااااااان

كسبنا حامل اللقب … قال حامل اللقب قال … يروحوا يشوفوا اي حاجة تانية يحملوها بقى

محنا خلاص .. علـمـنا علـيــهم

واوووو مصراووووي

ايه يا جدعان هنقضيها تشجيع بس ولا ايه ؟؟ كله يقول معايا .. اهم اهم اهم .. المصريين اهم

انا مش مصدق يا جدعان ان جه اليوم والواحد شاف مصر كسبانه .. ومعلمه على ايطاليا

ياااااه .. الحمد لله فعلا

….

برضه .. الناس عمرها ما هتنسى اليوم ده

18 – 6 – 2009

انا بيتهيألي .. الناس عمرها ما هتنسى شهر 6 سنة 2009 ابدااااا

يالا .. ربنا يجعل ايامنا كلها افراح

قولوا … ااامين

و بعيدا عن كل الاحداث المؤسفة .. وعن كل التطورات اللي بتحصل –عندي– وفي المنطقة بأكملها

بس انا فرحان واخويا الصغير فرحان وابويا كمان فرحان …. واووووو مصراووووووي

سلاااام

elahlawy

Ubuntu and Egypt

Posted: June 16, 2009 in Occasions
Tags: ,

السلام عليكم ورحمة الله وبركاته

ازيكم يا قوم .. ايش احوالكم

اليكم بقى اخر الانـبـاء

الاول

بحمد الله وصلت الابنتو 9.04 بسلامة الله الى ارض الوطن امس 15 -6-2009 في الساعة 11:55 صباحا

بتوقيت بيتنا برصه

وكالعادة صورتها ورفعتهالكم اهو

..

Elahlawy010

بجد الناس دووول بيعملوا حاجات روعة روعة

ربنا يوفقهم كمان وكمان

I Love Ubuntu .. Do you Love it ?

🙂

….

الخبر الثاني

احب ابارك لمنتخبنا الوطني اللي شرفنا الحمد لله ورفعوا راسنا قدام البرازيل

..

الهدف الاول

الهدفين الثاني والثالث

بجد بجد انا كنت متوقع اننا هنشيل من 6 لحد 12 .. مش عارف ليه ؟؟

وكان عندي امل ضعيف اننا نجيب جون الشرف

بس بجد بجد الحمد لله فعلا … اللاعيبة بتوعنا كانوا بيلعبوا رجالة في الملعب .. الا واحد بس اللي بيقف في الجون

مـا عليــنا منه .. علشان كل اما بتيجي سيرته بتنرفز

انا نفسي افهم .. هو حسن شحاته سايبه ليه ؟؟ … المفروض بعد ماتش الجزاير كان يرجعه بيتهم مع عمرو زكي

انا مش فاهم سر حب حسن شحاته للحضري .. والتاني اللي اسمه اوكا ده

بس الحق يقال .. اوكا الحمد لله لعب كويس شوية عن ماتش الجزاير .. دول فضحونا هناك يا عم

🙂

يالا .. الحمد لله انهم لعبوا كده .. انا فرحان جدااا جدااا ان ده لعب منتخبنا .. منتخب مصر

15-6-2009

التاريخ ده الناس هتفضل فاكراه طوول العمر .. والماتش ده الناس هتفضل تحكي وتتحاكى بيه لمدة 60 سنة قدام

ونقعد نحكي لعيالنا كده .. ونقولهم فين ايام زمااان .. ايام محمد شوقي كانت الكورة تخرج من رجلة عارفة طريقها للجون .. و محمد زيدان اللي كانت الكورة بتخرج من راسه زي المسطرة في الجون .. والفنان ابوتريكة اللي كان بيلعب وبيجري ولا كأنه عنده 20 سنة .. وكان بيرأس بتوع البرازيل كده وهما واقفين بيتفرجوا عليه

يااااااااه

ومش بعيد في يوم من الايام .. يجي ابني ويقعد على الجهاز ده .. لا لا ان شاء الله انا مش هعرفه اصلا ان كان في اجهزة بالشلل ده زي اجهزتنا

ممكن في يوم من الايام يجي ابني ويقعد يقرأ الحاجات اللي انا كاتبها دي .. ويقول ياااه يا بابا .. انت كنت بتشجع مصر اوووي كده .. على كده انت كنت بتحبها ولا ايام الماتشات بس ؟؟

طب … انا هشجع البرازيل بالعند فيك بقى

وانا اقعد اجري وراه في الشقة … واقوله تعالى يالا يا ابن ال .. تيييييييييييييت .. شجع بلدك ياااض

احــم احـــم

ايه يا عم متسيبني احلم شوية يا جدع .. دا انت غلس صحيح

” ايه يا جدعاااان … هنقضيها فرجة بس ولا ايه ؟؟ … واهم اهم اهم … المصريين اهم “

و اااووووووووووو مصراووووووي

….

ثالثا بقى وده الاهم

اليومين دوول انا تعبان شويتين -صحيا ومحدش يعرف على فكرة ومحدش حاسس بحاجة  .. متقولوش لحد بقى- وبجد انا محتاجلكم ؟؟

محتاج منكم … تدعولي ان ربنا يعدي اليومين الجايين دوول على خير

وحاجة كمان … ادعولي ان ربنا يوفقني واقدر اعمل حاجة في الاجازة دي

احسن انا مش عارف هيا مقفلة معايا ليه كده

بجد بجد دعواتكم ليا

خدوا بالكم من نفسكم .. وكل واحد يحرص على نفسه اليومين دوول

اقعدوا بالعافية

سلام