Posts Tagged ‘friends’

السلام عليكم ورحمة الله وبركاته

ازيكم يا بشر

🙂

انا عارف اني بقالي زمن مكتبتش حاجة بس معلش انشغلت شوية الفترة اللي فاتت دي بحاجات كتيرة جدااا

!

اولا : شكرا لكل اللي دعولي في موضوع الجيش ده

الحمد لله انا اخدت اعفاء نهائي

🙂

وعملت افراح على الاخ : تويتر افندي -حفظه الله- , والاخ فيس بوك

اول مرة احب شعري النهاردة  #Sh3roA7mer

الكابتن ابو شعر احمر – مين انا – هو في غيرك #Sh3roA7mer

في حد شعره احمر يدخل الجيش .. اتقالتلي النهاردة في الكشف #Sh3roA7mer #elgeesh

ودي لما اخدت الشهادة

من امام الكلية احيكم , اخدت اعفاء الحمد لله 🙂 .. واخدت الشهادة المؤقتة 🙂 .. ومع الناس الكويسة .. لولولولولي , لولولولولولي مبرووووك عليا

ودي لما كنت مع اصحابي في فطومة من موبايل عبدالله

tweeting from Fatoma with my friends .. Nice time

دي كانت لحظات سعادة في حياتي عمري ما هنساها

🙂

ثانيا : شكرا لكل اللي دعولي بزمة , وشكرا للرجالة اللي قضيت معاهم احلى فطار واحلى يوم

وشكرا لمنطقة التجنيد اللي طلعوا عيني علشان يدوني شهادة الاعفاء

كان يوم ب شهر من الايام بتاعتنا دي

😀

..

دي كانت في شقة عبدالله بعد اما قضينا احلى يوم مع بعضينا

شكرا يا عبدالله

ان شاء الله نكرر الفطار ده كل سنة يا رجالة

🙂

الحمد لله .. اللهم لك الحمد كما ينبغي لجلال وجهك وعظيم سلطانك

See this post also on BooDy’s Blog

🙂

سلااام

السلام عليكم ورحمة الله وبركاته

ازيكم يا بشر

🙂

كل سنة وانتوا طيبين بمناسبة انتهاء العام الجامعي اﻻخير لينا

وانتهاء اخر امتحانات لينا في التعليم المصري

وعقبال المشروع والنتيجة

يااااااارب

🙂

من اسبوعين فاتوا  -واحنا في اﻻمتحانات يعني-  جالي احساسين مختلفين وجداد اوووي

اول مرة في حياتي احسهم

!!

اﻻحساس اﻻول كان يوم 21 – 6

وده كان يوم عيد ميلادي 21

🙂

تحس انك عديت 21 سنة من عمرك وان بقيت خلاص بقى عاقل وحاجات كتير كده

😀

اﻻحساس التاني كان اخر يوم في اﻻمتحانات يوم 24 – 6

وجالي بالظبط بعد اما طلعت من لجنة اﻻمتحان

اني خلصت اخيرااااا

وبعد 15 سنة خدمة في التعليم المصري الــ تييييييييييييييييييييييت ده

😐

اخيرا معدتش هدخل لجنة تاني ويقف عليا مراقب بطيخة رخم

كل همه اني متكلمش مع اللي ورايا , ولو لقى معايا ورقة -برشام يعني – ياخده مني ويدبسهولي في الورقة

ويضيع مني سنة او اكتر , ويضيع مستقبلي

انا اشيل المادة دي -ودي مش جديدة برضه منا شيلت قبل كده 🙂 – احسن ما اطلع حاجة واتمسك بيها واضيع سنة بحالها

واللي انا كنت غنى عنه خاااالص

ﻻني مش مستعد اقضي يوم واحد زيادة من عمري في التعليم ابن تيييييييييييييييت ده

😀

اكيد ناس كتييييييير غيري حست اﻻحساس ده

احساس انك خلاص بقيت حر .. وعلى رأي “جورج عزمي” احنا طلعنا على وش اﻻرض كده

😆

إحنا طوول عمرنا جوه وتحت .. وبنفضل نتعلم وندرس 15 او 16 او 17 سنة من عمرنا

علشان نطلع على وش اﻻرض

او بمعنى اصح علشان نبدأ من الصفر

!!

حد عارف بالظبط احنا فاضلنا اد ايه علشان نوصل للي غيرنا -العالم المتقدم يعني- وصله

؟؟

عموما كل سنة وانتوا طيبين وربنا يوفقنا في اللي جاي

🙂

حاجة اخيرة

شلتنا الكريمة اسمحولي بما انها اخر سنة لينا

اطلع اخر صورة اتصورناها على المركب واعلنا هنا على البلوج بتاعي

🙂

….

الصورة دي في شخص مش موجود فيها .. ومكنش موجود معانا طوول اليوم وانا مخدتش بالي حتى انه مشي

علشان حصل عنده حالة وفاة

الشخص ده هو “كريم” .. وعلى فكرة هو الوحيد اللي اعرفه في الكلية دي كلها اسمه كريم

البقاء لله يا كريم

……

..

طبعا انا مش موجود في الصورة ﻻن انا اللي مصورها

وانا حبيت اطلع الصورة دي بالذات لسببين

اﻻول : لان في شخص عزيز علينا كلنا موجود فيها .. الشخص ده هو

ابراهيم عبدالفتاح

Bingo

والصورة التانية هو مش موجود فيها .. علشان هو اللي كان بيصورنا

🙂

السبب التاني : الصورة دي احسن واوضح من الصورة التانية

علشان انا اللي مصورها طبعا

😛

اقعدوا بالعافية

سلااام

🙂

Happy Birthday To U “Hunikal” :D

Posted: August 17, 2009 in WorDs
Tags:

السلام عليكم ورحمة الله وبركاته

النهاردة كلمتين صغيرين وماشي علطووول .. مش هطول

كنت عايز اقول حاجة كده قبل ما ادخل في الموضوع

الصاحب

ايه رأيكم في الصاحب .. اللي هو بين قوسين الصديق

ناس هتقولي ايه يا عم انت بتتكلم في ايه … دا الصديق دا حاجة كويسة جداا … الصديق .. وقت الضيق

بس انا بقى

مش هقول كده

الصديق … مش وقت الضيق بس

الصديق … وقت الضيق .. ووقت الفرح .. ووقت الحزن .. ووقت التهييس .. ووقت المزاكرة برضه

ووقت ……… حاجات كتييير جداااا

عارفين … الواحد لو جه يراجع نفسه ويشوف ايه اللي باقيله من كل اللي حصله في حياته

هتلاقوا ان الصديق الحاجة الوحيدة اللي بتتبقالك

بجد والله ومش بهزر

….

مهو فعلا … ﻻ  حبيب بيخلصلك .. و لا قريب بيسأل عنك –اﻻ لما بيكون محتاجك– .. ولا اي حاجة هتدوم معاك

😦

….

في اﻻخر

بعد اما تخلص كل لفتك دي مع كل الناس اللي هتمر بيهم في حياتك

هترجع تاني

لصاحبك

تحكيله .. وتتكلم معاه .. وتقوله اسرارك

تقوله ايه اللي مضايقك .. وايه اللي مزعلك

تفضفضوا مع بعض .. وانت مطمن

انه هيحافظ على اسرارك

وبجد مش هيصدقني .. غير اللي عنده صاحب مخلص .. وفي .. جدع

…..

بصراحة انا مش بعرف اعبر .. لكن كل اللي اقدر اقوله ان الحمد لله ان ربنا رزق الواحد بأصحاب

جدعااان ورجالة بمعنى الكلمة

ممكن اقول حاجة

هنختصر بيها الكلام دا كله

ان فعلا الحاجة الوحيدة اللي ممكن تطلع بيها من خلال علاقاتك مع الناس

هيا

صاحب جدع

بس

*….*  *….*

النهاردة بقى … واحنا داخلين على يوم جديد

17 – 8 – 2009

دا بقى عيد ميلاد صاحبي

اسلام

HuNiKaL

وبما ان اللاب بتاعه بعافية شوية

– ادعوا ربنا يقومهوله بالسلامة –

فانا انتهزت الفرصة وقولت ادخل مخصوص عندي واعمله بوست

واقوله

كل سنة وانت  طيب يا صاحبي

وعقبال كده اما اشوفك قاعد في الكوشة كده .. وجمبك بت الحلال اللي تحبك

وان شاء الله السنة الجاية تكون حققت كل اللي نفسك فيه

يا كبير

ربنا يوفقك يا صاحبي .. وينولك كل اللي في بالك … ياااارب

….

{2CA9B33C-0ACF-4B5A-A7A0-E4B000189B68}_Birthday - White

….

happy

….

Happy Birthday To You My Friend

Happy Birthday To You

Eslam