Posts Tagged ‘Islamic’

انترنت بلا فتنة

Posted: January 7, 2011 in Uncategorized
Tags: ,

انترنت بلا فتنة .. اكبر حملة لوقف التحريض اﻻلكتروني

على موقع الدكتور عمرو خالد

شارك معنا

..

بـــــ

Click

يمكنك أن تثير فتنة.. وبمثلها يمكنك إيقافها

!!

بضغطة زر على جهازك الشخصي، يمكنك أن تساهم في تحريض ضد شخص.. فئة.. دين.. وبنفس تلك الضغطة يمكنك أن تمنع مثل هذا التحريض

..

“أنت” ، عبر حسابك على الفيس بوك أو تويتر أو في منتدى أو في موقع

ستجد نفسك دوماً في قلب الأحداث، حتى ولو كنت بعيداً جغرافياً عنها

read more ..

http://amrkhaled.net/newsite/news.php?section=V29ya3Nob3Bz&id=MTcyMQ

 

 

Advertisements

السلام عليكم ورحمة الله وبركاته

النهاردة خطبة الجمعة كانت جميلة جدااااا

اﻻمام كان بيتكلم عن يوم عرفه

🙂

حد فينا حضّـر الدعوة / قائمة الدعوات اللي هيدعي بيها يوم عرفه ؟؟

كل واحد يحضر نفسه لليوم ده , زي ما بنحضر نفسنا لأمور الدنيا واكتر كمان .. ﻻن ده يوم مش عادي

يااريت اللي عنده دعوة حلوة ويحب يشاركنا بيها هنا يبقى جزاه الله كل خير

🙂

… * … * …

النهاردة والحمد لله عرفت حاجة من الحاجات الكتيييير العظيمة جداا اللي موجودة في القرآن الكريم

اقروا معايا اﻻية اللي جاية دي

اليوم اكملت لكم دينكم واتممت عليكم نعمتي ورضيت لكم اﻻسلام دينا – سورة المائدة – اﻻية3

حكى لنا اﻻمام .. موقف

حدث مع سيدنا عمر ابن الخطاب عندما جاءه رجل من اليهود

فقال له اليهودي : نزلت عندكم اية في القرآن , لو نزلت علينا معشر اليهود لإتخذناها عيدا

فقاله له سيدنا عمر : وما هي هذه اﻵية ؟

فقال اليهودي : اﻻية هي

اليوم اكملت لكم دينكم

فقال له سيدنا عمر : والله اني لأعلم اين نزلت , والساعة التي نزلت فيها

انها نزلت يوم عرفه , يوم جمعة

ويوم عرفه ويوم الجمعة هما عيدنا للمسلمين

🙂

اقرأ المزيد عن هذا الموقف هنا

http://tinyurl.com/3a2kc4q

رضي الله عنك يا عمر يا ابن الخطاب وعن كل صحابة سيدنا محمد صلى الله عليه وسلم

الحمد لله على نعمة اﻻسلام

اللهم لك الحمد كما ينبغي لجلال وجهك وعظيم سلطانك

اللهم احسن خواتيمنا , وثقل موازيننا , وتوفنا وانت راض عنا يااارب العالمين

🙂

كل سنة وانتم طيبين .. ومتنسوناش من دعواتكم في يوم عرفه

سلاااام

 

 

 

 

 

ايام اغلى من الذهب

Posted: November 5, 2010 in Islamic
Tags:

السلام عليكم ورحمة الله

🙂

بجد بجد البلوج وحشني .. والناس كلها وحشتني جدااااا

عاملين ايه يا بشر

اكيد دلوقتي كل واحد في مطحنة

مهو طلعنا من مطحنة دخلنا في معجنة .. والجدع اللي يعدي منها سليم

ياارب وفق كل واحد في طريقه ياارب

🙂

المهم .. النهاردة جاي افكر الناس ب العشر اﻻوائل من شهر ذي الحجة

ايام اغلى من الذهب

وياريت الناس تصوم وتدعي .. ياريت تدعولي معاكم

🙂

كل سنة وانتوا طيبين

وان شاء الله يجي العيد علينا وكلنا بخير وزي الفل

سلااااام

Back ! and Welcome Ramadan

Posted: August 10, 2010 in Islamic, Me, Occasions
Tags: , ,

السلام عليكم ورحمة الله وبركاته

ازيكم يا بشر

🙂

بقالي كتير مكتبتش والتراب رجع تاني ملى الدنيا

😀

الفترة اللي فاتت بقى حصل حاجات كتير

يوم ما عرفت النتيجة وعرفت اني خلاص نجحت واتخرجت , وسافرت يومها على اسكندرية – مطروح

وقضينا احلى 4 ايام مع اصحابي – خطفناهم من العمر بصراحة

🙂

واحلى يوم كان اليوم اللي رجعت فيه

اتعرفت على ناس كويسة – وكان كله تمام بصراحة

🙂

بعدين رجعنا للهم تاني واوراق الجيش والغلب

وفيشنا وقدمنا وخلصنا .. مفاضلش غير اني اجيب الشهادة المؤقتة من الكلية

واروح يوم اﻻتنين الجاي منطقة التجنيد في سندوب علشان الكشف الطبي

يوم 16 – 8 – 2010

ادعولي بقى

🙂

بمناسبة موضوع الدعوة ده

الفترة اللي فاتت كنت حاسس اني معنديش امل في اي حاجة وﻻ عندي اي بتنجان في حياتي

ببساطة خالص كده

كان عندي حالة من اللامبالاة .. حالة بلاهة كده من كل حاجة

تقريبا بالظبط كانوا ال 3 ايام بتوع ال

EED

يعني الناس كلها كانت رايحة وبتشوف شغلها , وانا كنت قاعد في اوضتي محدش يعرف عني حاجة

وانا مكنتش ساعتها اعرف عن نفسي حاجة غير اني قاعد قدام اللاب وبس

!!

حالتي كان ميئوس منها بصراحة

ومنه لله اللي كان السبب

لحد اما نزلت اسكندرية وقابلت ناس مهمة وبعدين قابلت صحابي وقعدنا مع بعض

مالك يبني في ايه ؟

..

مفيش .. محبط شوية

..

ليه يبني .. هو انت لسه ؟

..

ﻻ مش كده .. ببساطة خالص من يومين شخصية مهمة وبحترمها جداا

كنا بنتكلم عن اﻻهداف بتاعتي وانا عايز ايه وعايز اعمل ايه وكده ؟

واكتشفت اني مش عارف انا عايز ايه اصلا ؟

اكتشفت ان اﻻهداف اختفت ومش فاكر منها حاجة

الشغل والسرعة والجري بتاع زمان والكلام دا كله معدلوش ﻻزمة دلوقتي

!!

ومعدش في حاجة اتعب نفسي علشانها

مفيش اهداف قدامي , واي حاجة تيجي انا راضي بيها

ولو دخلت ظابط في الجيش هبقى فرحان

على اﻻقل , هبقى عارف ال 3 سنين الجايين في حياتي هعمل فيهم ايه ؟؟

..

يادي النيلة !! .. بص يبني

….

كلام مينفعش يتقال !! بس انا فاكره كله

والحمد لله .. الكلام ده اثر فيا وانا دلوقتي احسن شوية الحمد لله

🙂

اتضحلي ان دي فترة احباط عامة بيمر بيها كل اللي عندهم جيش دفعة اولى

بس عادي

ان شاء الله هتتعدل وهتبقى فل .. وحاسس ان في خير كبير جاي

ﻻنها ضاقت بيا اوووووي

ودايما لما بتضيق , بتفرج — ولما حاجة بتروح بيجي اللي احسن منها

ان شاء الله

🙂 🙂

الدعوة بقى اللي نفسي تدعوهالي وانتوا صايمين

ان ربنا يكتبلي اللي فيه الخير – ويرضيني بيه

يااااارب

🙂

…….

اخر حاجة بقى

كل سنة و كل الناس وكل اﻻمة اﻻسلامية طيبة وبخير

بمناسبة حلول شهر رمضان الكريم

🙂

وربنا يقويكم على الصيام في عز الحر اللي عايشين فيه ده

🙂

دي حملة على الفيس بوك .. ياريت كلنا نغير الصورة بتاعت البروفايل

🙂

ودي مواعيد شوية برامج علشان تتابعوها في رمضان

ان شاء الله

رحلة للسعادة — اﻻستاذ عمرو خالد

🙂

…..

مدرسة الحب — مصطفى حسني

إن شاء الله يُذاع برنامج مدرسة الحب يوميا في رمضان على قناة اقرأ – على الهواء مباشرة الساعة 10:20 مساء بتوقيت القاهرة- 11:20 بتوقيت مكة المكرمة

..

🙂

….

خواطر — احمد الشقيري

هيبقى جاااااااااامد جدااا السنة دي

وانا متوقعله نجاح باهر جداا

🙂

للاسف مش عارف معاده امتى .. ياريت اللي يعرف يبلغني بيه

🙂

رمضان كريم

وكــل ســـــنة وانــــتــــم طيـبـيــن

🙂

اسرار السعادة :)

Posted: June 5, 2010 in Islamic, Me
Tags: , ,

….

السلام عليكم ورحمة الله وبركاته

دوول حبة ادعية عجبتني جداا .. وحبيت أنقلهم هنا

اﻻدعية دي من كتاب اسمه

اسرار السعادة – لــ ناصر الشافعي

……

..

يارب ألق على العيون الساهرة نعاسا أمنة منك , وعلى النفوس المضطربة سكينة , وأثبها فتحا قريبا

اللهم أزل الوساوس بفجر صادق من النور , وأزهق باطل الضمائر بفليق من الحق

اللهم أذهب عنا الحزن , وأزل عنا الهم , واطرد من نفوسنا القلق

نعوذ بك من الخوف إﻻ منك , والركون إﻻ إليك , والتوكل إﻻ عليك , والسؤال إﻻ منك , واﻻستعانة إﻻ بك

انت ولينا , نعم المولى ونعم النصير

….

عن ابي هريرة -رضي الله عنه- قال : قال النبي -صلى الله عليه وسلم- ” يقول الله تعالى انا عند ظن عبدي بي , وانا معه اذا ذكرني , فإن ذكرني في نفسه ذكرته في نفسي , وان ذكرني في ملأ ذكرته في ملأ خير منهم , وإن تقرب إلىّ بشبر تقربت إليه ذراعا , وإن تقرب الىّ ذراعا تقربت إليه باعا , وإن أتاني يمشي أتيته هرولة ” صدق رسول الله -صلى الله عليه وسلم

….

يااااارب أصلح أنفسنا .. وإهدينا

يااااارب

اللهم انك تعلم ما في نفسي ولا اعلم ما في نفسك وانت علام الغيوب

اللهم انك تعلم سرى وعلانيتى  .. فأقبل معذرتي

وتعلم حاجتي فاعطينى سؤلي

يااااااااارب

وتعلم ما في نفسي فاغفر لي ذنوبي

🙂

يا عالم الغيب

Posted: May 28, 2010 in Islamic
Tags:

السلام عليكم ورحمة الله وبركاته

يااااااارب

يارب العالمين … يا ارحم الراحمين

اللهم اني اشكو اليك ضعف قوتي وقلة حيلتي وهواني على الناس

انت رب المستضعفين وانت ربي لا اله الا انت ، الى من تكلني الى قريب يتجهمني

ام الى عدو ملكته امري ، ان لم يكن بك سخط علي فلا ابالي

غير ان عافيتك هي اوسع لي

اعوذ بنور وجهك الكريم ، الذي اضاءت له السموات والأرض وأشرقت له الظلمات,وصلح عليه امر الدنيا والآخرة

من أن يحل علي غضبك او ينزل علي سخطك

لك العتبى حتى ترضى ولا حول ولا قوة لنا الا بك

…….

اللهم انك تعلم ما في نفسي ولا اعلم ما في نفسك وانت علام الغيوب

اللهم انك تعلم سرى وعلانيتى .. فأقبل معذرتي

وتعلم حاجتي فأعطني سؤلي .. وتعلم ما في نفسي فاغفر لي ذنوبي

ياااارب

…….

..

بسم الله الرحمن الرحيم :  {قُل لاَّ أَمْلِكُ لِنَفْسِي نَفْعًا وَلاَ ضَرًّا إِلاَّ مَا شَاء اللّهُ وَلَوْ كُنتُ أَعْلَمُ الْغَيْبَ لاَسْتَكْثَرْتُ مِنَ الْخَيْرِ وَمَا مَسَّنِيَ السُّوءُ إِنْ أَنَاْ إِلاَّ نَذِيرٌ وَبَشِيرٌ لِّقَوْمٍ يُؤْمِنُونَ} صدق الله العظيم

…….

إلهي منك الفرج , واليك المشتكى

وﻻ حول وﻻ قوة اﻻ بك

الظلم

Posted: May 21, 2010 in Islamic, Me
Tags: ,

السلام عليكم ورحمة الله وبركاته

النهاردة وكعادة كل يوم جمعة -وانا في بيتنا- بحاول على اد ما اقدر انزل بدري علشان احضر الخطبة من اولها و استفيد منها

وخطبة النهاردة كانت روعة بصراحة

🙂

ودلوقتي هتكلم شوية في موضوع خطبة النهاردة وكان عن الظلم وهحاول اوصلكم المختصر المفيد علشان الناس متزهقش

بسم الله نبدأ

..

كلنا دايما بندعي وبنقول يارب اهدينا

طيب هو مش المفروض انك تجاهد نفسك عن المعاصي علشان ربنا يهديك

؟

عارفين ان الهداية من ربنا لكل الناس الا 3 بس

حد عارفهم ؟

طب اقروا الايات اللي جاية معايا كده

بسم الله الرحمن الرحيم

– ان الله لا يهدي القوم الفاسقين –

– ان الله لا يهدي القوم الكافرين –

– ان الله لا يهدي القوم الظالمين –

صدق الله العظيم

عارفين مين هما القوم الظالمين ؟؟ طب عارفين يعني ايه حد بيظلم حد ؟؟

طب عارفين ان في ناس بتظلم نفسها ؟

عارفين يعني ايه واحد طوول مهو ماشي

عمال يجيب في سيرة دا .. وسيرة دا

ويطلع كلام على دا

او يقول في وشك كلام محصلش

ويغتاب ده .. ويخوض في اعراض الناس

ولما يدخل الجامع يصلي .. يدعي ان ربنا يهديه

!!

طيب هو فعلا .. يااارب يهديه وانا مش هدعيله غير بكده

!!

بس ربنا قال .. ان الله لا يهدي القوم الظالمين .. طب فكروا شوية كده ! ؟

طب بعد اما فكرتوا .. شايفين ايه ؟

لسه شايفين ان ممكن ربنا يهديه .. وهو نفسه لسه زي ما هو ؟؟

طيب انا هقول كلمة

كلمة واحدة للي بيظلموا وهما مش حاسين

……

بسم الله الرحمن الرحيم : ” إن الله لا يغير ما بقوم حتى يغيروا ما بأنفسهم ” … صدق الله العظيم

سورة الرعد – الاية 11

……

..

كلمتين صغيرين محستهمش غير النهاردة بس

من حوالي 4 اسابيع تقريبا .. كنت بتكلم مع الحاج والحاجة -والدي ووالدتي- في موضوع مهم جدا

وكان كل الحكاية اني عايز اعرف هما رافضين الموضوع  ولا  لا

؟

رد الحاج بجملة واحدة وقالي : انا لو قولتلك لا

يبقى انا كده ظلمتك .. وربنا مش هيسامحني

بص يا ابني

ربنا لو كاتبلك – الحاجة دي- وإجتمع الانس والجن انهم يبعدوها عنك .. مش هيقدروا هيبعدوها عنك

ولو ربنا مش كاتبهالك .. واجتمع الانس والجن انهم يقربوها منك .. عمرك ما هتاخدها

🙂

الحاج كان طوول عمره بيقولي اوعك تظلم حد

بس ده تقريبا اول درس عملي في حياتي اشوفه وكان بيتم تطبيقه عليا … الحمد لله

يومها اخدني في حضنه .. وقالي متقلقش من اي حاجة

🙂

ربنا يخليك ليا …. يااااااااارب

اخر حاجة

حديث قدسي هنقراه مع بعض وهختم بيه .. واسف اني طولت

عن أبي ذر الغفاري رضي الله عنه ، عن النبي صلي الله علية وسلم ، فيما يرويه عن رب العزة تبارك وتعالى

قال : ( ” يا عبادي : إني حرمت الظلم على نفسي ، وجعـلته بيـنكم محرما ؛ فلا تـظـالـمـو

يا عبادي ! كلكم ضال إلا من هديته ، فاستهدوني أهدكم

يا عبادي ! كلكم جائع إلا من أطعمته ، فاستطعموني أطعمك

يا عبادي ! كلكم عار إلا من كسوته ، فاستكسوني أكسكم

يا عبادي ! إنكم تخطئون بالليل والنهار ، وأنا أغفر الذنوب جميعا فأستغفروني أغفر لكم

يا عبادي ! إنكم لن تبلغوا ضري فتضروني ، ولن تبلغوا نفعي فتنفعوني

يا عبادي ! لو أن أولكم وآخركم وإنسكم وجنكم كانوا على أتقي قلب رجل واحد منكم ، ما زاد ذلك في ملكي شيئًا

يا عبادي ! لو أن أولكم وأخركم وإنسكم وجنكم كانوا علي أفجر قلب رجل واحد منكم ، ما نقص ذلك من ملكي شيئًا

يا عبادي ! لو أن أولكم وأخركم وإنسكم وجنكم قاموا في صعيد واحد ، فسألوني ، فأعطيت كل واحد مسألته ، ما نقص ذلك مما عندي

إلا كما ينقص المخيط إذا أدخل البحر

يا عبادي ! إنما هي أعمالكم أحصيها لكم ، ثم أوفيكم إياها

فمن وجد خيرًا فليحمد الله ، ومن وجد غير ذلك فلا يلومن إلا نفسه) .. رواه مسلم

…….

أول ما نادى الله على عباده نادى بتحريم الظلم فقال سبحانه

يا عبادي : إني حرمت الظلم على نفسي ، وجعـلته بيـنكم محرما ؛ فلا تـظـالـمـوا

…..

عن جابر رضي الله عنه .. أن رسول الله صلى الله عليه وسلم

قال : ( ” اتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم

حملهم على أن سفكوا دماءهم واستحلوا محارمهم ” ) … رواه مسلم

….

اخر كلمة لكل ظالم

قال تعالى : ( ” وَلاَ تَحْسَبَنَّ اللّهَ غَافِلاً عَمَّا يَعْمَلُ الظَّالِمُونَ  إِنَّمَا يُؤَخِّرُهُمْ لِيَوْمٍ تَشْخَصُ فِيهِ الأَبْصَارُ ” ) صدق الله العظيم

سورة ابراهيم – الاية 42

….

اتمنى اني الناس تكون استفادت بأي حاجة

واسف على الاطالة .. بس الموضوع مهم ولازم ياخد حقه

سلاااام

🙂