Posts Tagged ‘Occasions’

السلام عليكم ورحمة الله

ازيكم يا بشر

🙂

امبارح كان عيد ميلادي  ال

22

..

..

يعني ابو تريكة – يعني اﻻهلي فوق الجميع – ويعني ايه اهلاوي

يعني سنظل اوفياء

😀

(more…)

Advertisements

Things i want 2

Posted: June 18, 2011 in Me, Occasions
Tags: ,

السلام عليكم ورحمة الله وبركاته

ازيكم يا بشر

:)

وكعادة كل سنة قبل عيد ميلادي بكام يوم كدا لازم ادخل افكر الناس بعيد ميلادي

(more…)

Happy Eid “Waaaater”

Posted: November 15, 2010 in Occasions
Tags: ,

السلام عليكم ورحمة الله وبركاته

احب اهنئ الشعب الحاسوباتي واللي مش حاسوباتي برضه

بعيد الاضحى المبارك

اعاده الله علينا بكل خير .. واللي له جيش يكون خلص واللي داخل كشف طبي ياخد اعفاء

واللي اخد اﻻعفاء ربنا يرزقه بشغلانه كويسة

او يسافـر

😀

كل سنة وانتوا جميعا طيبين وبصحة وبسلامة

وعيد لحمة سعيد علينا جميعا

🙂

العيد فرحة .. ماااااااااااااااااااااااااااااااء

ماااااء = waaater

😆

سلام

 

 

السلام عليكم ورحمة الله وبركاته

النهاردة خطبة الجمعة كانت جميلة جدااااا

اﻻمام كان بيتكلم عن يوم عرفه

🙂

حد فينا حضّـر الدعوة / قائمة الدعوات اللي هيدعي بيها يوم عرفه ؟؟

كل واحد يحضر نفسه لليوم ده , زي ما بنحضر نفسنا لأمور الدنيا واكتر كمان .. ﻻن ده يوم مش عادي

يااريت اللي عنده دعوة حلوة ويحب يشاركنا بيها هنا يبقى جزاه الله كل خير

🙂

… * … * …

النهاردة والحمد لله عرفت حاجة من الحاجات الكتيييير العظيمة جداا اللي موجودة في القرآن الكريم

اقروا معايا اﻻية اللي جاية دي

اليوم اكملت لكم دينكم واتممت عليكم نعمتي ورضيت لكم اﻻسلام دينا – سورة المائدة – اﻻية3

حكى لنا اﻻمام .. موقف

حدث مع سيدنا عمر ابن الخطاب عندما جاءه رجل من اليهود

فقال له اليهودي : نزلت عندكم اية في القرآن , لو نزلت علينا معشر اليهود لإتخذناها عيدا

فقاله له سيدنا عمر : وما هي هذه اﻵية ؟

فقال اليهودي : اﻻية هي

اليوم اكملت لكم دينكم

فقال له سيدنا عمر : والله اني لأعلم اين نزلت , والساعة التي نزلت فيها

انها نزلت يوم عرفه , يوم جمعة

ويوم عرفه ويوم الجمعة هما عيدنا للمسلمين

🙂

اقرأ المزيد عن هذا الموقف هنا

http://tinyurl.com/3a2kc4q

رضي الله عنك يا عمر يا ابن الخطاب وعن كل صحابة سيدنا محمد صلى الله عليه وسلم

الحمد لله على نعمة اﻻسلام

اللهم لك الحمد كما ينبغي لجلال وجهك وعظيم سلطانك

اللهم احسن خواتيمنا , وثقل موازيننا , وتوفنا وانت راض عنا يااارب العالمين

🙂

كل سنة وانتم طيبين .. ومتنسوناش من دعواتكم في يوم عرفه

سلاااام

 

 

 

 

 

عيد سعيد :)

Posted: September 9, 2010 in Me, Occasions
Tags: ,

السلام عليكم ورحمة الله وبركاته

..

وكعادة كل عيد .. لازم ادخل اقول كل سنة وانتوا طيبين

وربنا يجعل ايامكم كلها اعياد , وفرح وسعادة

وان شاء الله ربنا يتقبل منا ومنكم الصيام والقيام وصالح الاعمال

🙂

العيد ده بقى , قصدي اللي بيبقى بعد رمضان ده , عيد الفطر يعني , اللي هو اول ايام شهر شوال

” يا عم خلص والله عارفينه “

😆

بيبقى فيه عندي انا بقى مناسبة تانية غير العيد , وانا كنت واخد على نفسي وعد اني هفضل طوول عمري ولحد اما اموت

اني احتفل بالمناسبة دي

حتى لو لوحدي

!!

المناسبة دي هيا عيد ميلاد حد .. اصل اول مرة احتفلت معاه بعيد ميلاده  كان اول يوم في عيد الفطر

فانا اخدت من يومها عهد على نفسي

ان كل الناس هتحتفل بيعد ميلاده في يوم , وانا لوحدي هبقى في يوم

🙂

happybirthdaytoyouut9_002

..

كــل سنـة وانـت طيـب .. وعقبال مليووون سنة

وعقبال اما اشوفك في الكوشة كده .. ومعاك النص التاني اللي تحبه ويحبك

وانا لسه عند وعدي : انك لو عزمتني والله لأحضر وهرقصلك لحد الصبح ان شاء الله – دا اذا كنت انا هبقى هنا في مصر

ربنا يوفقك

🙂

….

اه صحيح .. انا نويت وبمناسبة اني بحتفل بالحاجات دي كلها اني قررت

اني هخطب -ان شاء الله- يوم  12 – 12 – 2012

بس لسه مش عارف مين اللي امها هتبقى داعية عليها وتوقع في واحد زيي

😆

يالا ادينا بنحلم … هيا الاحلام بفلوس !! .. محدش خسران حاجة لما يحلم

🙂

المهم … انا قولت احجز اليوم ده علشان لو حد فكر ياخده ولا حاجة

اللي عايز يحجز يقول من بدري , انا كنت حاجز

10 – 10 – 2010

بس خلاص مفيش نصيب بقى , انا متنازل عنه , انا حجزت مع كأس افريقيا اللي جاية

😆

يالا كل سنة وانتوا طيبين ويارب يحقق لكل واحد فينا اللي في باله

وكــل سنـــة وانتـــم طيـبـيـن

🙂

Back ! and Welcome Ramadan

Posted: August 10, 2010 in Islamic, Me, Occasions
Tags: , ,

السلام عليكم ورحمة الله وبركاته

ازيكم يا بشر

🙂

بقالي كتير مكتبتش والتراب رجع تاني ملى الدنيا

😀

الفترة اللي فاتت بقى حصل حاجات كتير

يوم ما عرفت النتيجة وعرفت اني خلاص نجحت واتخرجت , وسافرت يومها على اسكندرية – مطروح

وقضينا احلى 4 ايام مع اصحابي – خطفناهم من العمر بصراحة

🙂

واحلى يوم كان اليوم اللي رجعت فيه

اتعرفت على ناس كويسة – وكان كله تمام بصراحة

🙂

بعدين رجعنا للهم تاني واوراق الجيش والغلب

وفيشنا وقدمنا وخلصنا .. مفاضلش غير اني اجيب الشهادة المؤقتة من الكلية

واروح يوم اﻻتنين الجاي منطقة التجنيد في سندوب علشان الكشف الطبي

يوم 16 – 8 – 2010

ادعولي بقى

🙂

بمناسبة موضوع الدعوة ده

الفترة اللي فاتت كنت حاسس اني معنديش امل في اي حاجة وﻻ عندي اي بتنجان في حياتي

ببساطة خالص كده

كان عندي حالة من اللامبالاة .. حالة بلاهة كده من كل حاجة

تقريبا بالظبط كانوا ال 3 ايام بتوع ال

EED

يعني الناس كلها كانت رايحة وبتشوف شغلها , وانا كنت قاعد في اوضتي محدش يعرف عني حاجة

وانا مكنتش ساعتها اعرف عن نفسي حاجة غير اني قاعد قدام اللاب وبس

!!

حالتي كان ميئوس منها بصراحة

ومنه لله اللي كان السبب

لحد اما نزلت اسكندرية وقابلت ناس مهمة وبعدين قابلت صحابي وقعدنا مع بعض

مالك يبني في ايه ؟

..

مفيش .. محبط شوية

..

ليه يبني .. هو انت لسه ؟

..

ﻻ مش كده .. ببساطة خالص من يومين شخصية مهمة وبحترمها جداا

كنا بنتكلم عن اﻻهداف بتاعتي وانا عايز ايه وعايز اعمل ايه وكده ؟

واكتشفت اني مش عارف انا عايز ايه اصلا ؟

اكتشفت ان اﻻهداف اختفت ومش فاكر منها حاجة

الشغل والسرعة والجري بتاع زمان والكلام دا كله معدلوش ﻻزمة دلوقتي

!!

ومعدش في حاجة اتعب نفسي علشانها

مفيش اهداف قدامي , واي حاجة تيجي انا راضي بيها

ولو دخلت ظابط في الجيش هبقى فرحان

على اﻻقل , هبقى عارف ال 3 سنين الجايين في حياتي هعمل فيهم ايه ؟؟

..

يادي النيلة !! .. بص يبني

….

كلام مينفعش يتقال !! بس انا فاكره كله

والحمد لله .. الكلام ده اثر فيا وانا دلوقتي احسن شوية الحمد لله

🙂

اتضحلي ان دي فترة احباط عامة بيمر بيها كل اللي عندهم جيش دفعة اولى

بس عادي

ان شاء الله هتتعدل وهتبقى فل .. وحاسس ان في خير كبير جاي

ﻻنها ضاقت بيا اوووووي

ودايما لما بتضيق , بتفرج — ولما حاجة بتروح بيجي اللي احسن منها

ان شاء الله

🙂 🙂

الدعوة بقى اللي نفسي تدعوهالي وانتوا صايمين

ان ربنا يكتبلي اللي فيه الخير – ويرضيني بيه

يااااارب

🙂

…….

اخر حاجة بقى

كل سنة و كل الناس وكل اﻻمة اﻻسلامية طيبة وبخير

بمناسبة حلول شهر رمضان الكريم

🙂

وربنا يقويكم على الصيام في عز الحر اللي عايشين فيه ده

🙂

دي حملة على الفيس بوك .. ياريت كلنا نغير الصورة بتاعت البروفايل

🙂

ودي مواعيد شوية برامج علشان تتابعوها في رمضان

ان شاء الله

رحلة للسعادة — اﻻستاذ عمرو خالد

🙂

…..

مدرسة الحب — مصطفى حسني

إن شاء الله يُذاع برنامج مدرسة الحب يوميا في رمضان على قناة اقرأ – على الهواء مباشرة الساعة 10:20 مساء بتوقيت القاهرة- 11:20 بتوقيت مكة المكرمة

..

🙂

….

خواطر — احمد الشقيري

هيبقى جاااااااااامد جدااا السنة دي

وانا متوقعله نجاح باهر جداا

🙂

للاسف مش عارف معاده امتى .. ياريت اللي يعرف يبلغني بيه

🙂

رمضان كريم

وكــل ســـــنة وانــــتــــم طيـبـيــن

🙂

Things I Want

Posted: June 3, 2010 in Me, Occasions
Tags: ,

السلام عليكم ورحمة الله وبركاته

ازيكم يا بشر .. عاملين ايه في اﻻمتحانات

والناس اللي اخدت اﻻجازة عاملين ايه برضه

– مفيش غير اخويا بس اللي اخد اﻻجازة تقريبا –

😀

المهم

النهاردة وزي ما انتوا شايفين العنوان كده

ايووون … في حاجات انا عايزها

وطبعا بما اني بني ادم .. فطبيعتي بتقول اني

انتهازي .. واستغلالي .. وطماع

😆

وبمناسبة عيد ميلادي ” الواحد وعشرين” اللي قرب وفاضل عليه حبة

وغالبا هيبقى تقريبا يوم

21 – 6 – 2010

😀

وبما ان اول مرة عيد ميلادي يجي في اﻻمتحانات من يوم ما دخلت الجامعة

وبما انها اخر سنة , وبما اننا يمكن منشوفش بعض تاني

وبما اني انتهازي زي ما قولت فووق

😀

فانا ليا طلبات في عيد ميلادي الجاي

يعني اللي عايز يقولي كل سنة وانت طيب .. يجيب في ايده حاجة منهم وهو داخل عليا

😀

وبما اننا في سنة رابعة اذن احنا اشتغلنا في مشاريع يعني احنا في مجاميع واتعودنا على العمل الجماعي

صح … ؟؟ … طب وربنا الراجل ده بيقول كلام زي الفل

😆

اذن .. انا ممكن اسمح بإن الهدية تيجي من اكتر من شخص يعني من 1 الى 7 اشخاص

اكتر من كده ﻻ

😀

……..

واليكم قائمة طلباتي اللي هتجيبوها في عيد ميلادي

ومش شرط العيد ميلاد ده

الفترة مفتوحة لمدة ال 3 اعياد ميلاد الجايين

….

1-

عروسة … وبعد اما لقيت ان موضوع الجواز شاغل دماغ الناس اووي اليومين دوول

فانا قررت اني مش هتجوز الا اللي هختارها وتختارني !! والجواز كمان  3 او 4 سنين من بعد الـ 21 سنة

غير كده لا

😀

2-

عربية فولكس او ماتريكس او بورش …. اللي تقدروا عليه

3-

يو اس بي مودم … اتصالات او فودافون ويكون مشحون لمدة 3 شهور

4-

فلاشة 16 جيجا .. لو 8 مفيش مشاكل .. 4 ممكن اقبلها .. لو 2 هاخدها وخلاص

لو 1 جيجا هاخدها بس هرميك تحت اي عربية تقابلنا في الشارع

😆

5-

المروحة اللي بيحطوها تحت اﻻب دي .. علشان لما اﻻب يجي من الضمان – اذا جه يعني – ودي غالبا ب 20 جنيه من عند سولو .. العمارة اللي قدام موافي

😆

6-

Lab Top ” Toshiba | DELL “

واللي هجيب اﻻب يجيبه في الضمان .. واللي مش عايز يجيب ﻻب ممكن يجيبلي شاشة

LCD 17

علشان ارجع الشاشة لعابد .. اصلي طابقها منه بقالي كتيير

يارب ما يفتكر اني واخدها اصلا ياااارب

🙂

7-

مروحة عمود … علشان الجو في المدينة حر جداااا

😀

8-

شهادة التخرج , وشهادة الجيش – عارف ان دوول مش بإيد حد .. بس لو اخدت اعفاء ان شاء الله عايز تزكرة سفر لأي بلد في الدنيا … لو حتى جزر القمر

😀

9-

Digital Camera

😀

11-

كرة طايرة … اللي هيا بتبقى ملونة اربع الوان دي وياريت تكون اصلية

😀

12-

جيتار .. نفسي من وانا في ثانوي يبقى عندي واحد

🙂

13-

دومين بإسمي .. ويا سلام بقى لو دوت كوم .. عموما لو حد حب يشتريلي

هيلاقي “اسلام ضياء دوت كوم” فاضي

وخد بالك انا عايزه كده

islamdiaa

وعلى فكرة مش غالي

😀

14-

قنبلة نووية .. علشان اعمل حاجة كده في دماغي

!!

15-

انا قولت قنبلة نووية … صح

؟؟

16-

اخر مطلب ليا …. نفسي اروح اعمل عمرة

🙂

……..

وبما اني لسه مكملتش 21 .. يبقى ليا الحق اعمل اللي انا عايزة واطلب اللي انا عايزه

لحد اما اكملها

😆

بعد اما اكمل 21 ممكن تحاسبوني بعدها بقى على تصرفاتي

و ساعاتها بقى الواحد يبقى يمشي بـعـقـلـه وبــس

!!

ولحد اما يجي يوم 21 / 6

احب اقولكم

الحقوا حوشوا حبة فلوس علشان تيجيبوا هدية كويسة من اللي فوق او اي هدية

اهم حاجة محدش يدخل عليا وايده فاضية

😆

حاجة كمان

ادعولي … بس بذمة الله يكرمكم

سلاااااااام

🙂