Posts Tagged ‘Ubuntu’

السلام عليكم ورحمة الله وبركاته

النهاردة كانت اول سيشن ليا مع الشركة بتاعتي

Master Linux

in

Computer Science – Modern Academy

والحمد لله السيشن كانت كويسة جداا بشهادة الناس اللي حضرت

والحمد لله ان تعبنا مرحش على الفاضي

🙂

وانا النهاردة داخل اسجل اللحظة دي .. واقول شكرا

لـ

Master Linux

انهم اتاحولي الفرصة الجميلة دي

🙂

وياارب الناس اللي حضرت كلها تكون استفادت

واتمنى اني اكون قدرت اجاوب على كل اﻻسئلة

وشكرا لكل الناس اللي حضرت والف مليون شكر لجامعة مودرن والدكاترة العظيمة الموجودين هنااك

بجد بجد انا استمتعت جداا باليوم دا

شكراا جزيلا لكل الناس

🙂

You can see the slides of the presentation

Linux Revolution

Ubuntu and Egypt

Posted: June 16, 2009 in Occasions
Tags: ,

السلام عليكم ورحمة الله وبركاته

ازيكم يا قوم .. ايش احوالكم

اليكم بقى اخر الانـبـاء

الاول

بحمد الله وصلت الابنتو 9.04 بسلامة الله الى ارض الوطن امس 15 -6-2009 في الساعة 11:55 صباحا

بتوقيت بيتنا برصه

وكالعادة صورتها ورفعتهالكم اهو

..

Elahlawy010

بجد الناس دووول بيعملوا حاجات روعة روعة

ربنا يوفقهم كمان وكمان

I Love Ubuntu .. Do you Love it ?

🙂

….

الخبر الثاني

احب ابارك لمنتخبنا الوطني اللي شرفنا الحمد لله ورفعوا راسنا قدام البرازيل

..

الهدف الاول

الهدفين الثاني والثالث

بجد بجد انا كنت متوقع اننا هنشيل من 6 لحد 12 .. مش عارف ليه ؟؟

وكان عندي امل ضعيف اننا نجيب جون الشرف

بس بجد بجد الحمد لله فعلا … اللاعيبة بتوعنا كانوا بيلعبوا رجالة في الملعب .. الا واحد بس اللي بيقف في الجون

مـا عليــنا منه .. علشان كل اما بتيجي سيرته بتنرفز

انا نفسي افهم .. هو حسن شحاته سايبه ليه ؟؟ … المفروض بعد ماتش الجزاير كان يرجعه بيتهم مع عمرو زكي

انا مش فاهم سر حب حسن شحاته للحضري .. والتاني اللي اسمه اوكا ده

بس الحق يقال .. اوكا الحمد لله لعب كويس شوية عن ماتش الجزاير .. دول فضحونا هناك يا عم

🙂

يالا .. الحمد لله انهم لعبوا كده .. انا فرحان جدااا جدااا ان ده لعب منتخبنا .. منتخب مصر

15-6-2009

التاريخ ده الناس هتفضل فاكراه طوول العمر .. والماتش ده الناس هتفضل تحكي وتتحاكى بيه لمدة 60 سنة قدام

ونقعد نحكي لعيالنا كده .. ونقولهم فين ايام زمااان .. ايام محمد شوقي كانت الكورة تخرج من رجلة عارفة طريقها للجون .. و محمد زيدان اللي كانت الكورة بتخرج من راسه زي المسطرة في الجون .. والفنان ابوتريكة اللي كان بيلعب وبيجري ولا كأنه عنده 20 سنة .. وكان بيرأس بتوع البرازيل كده وهما واقفين بيتفرجوا عليه

يااااااااه

ومش بعيد في يوم من الايام .. يجي ابني ويقعد على الجهاز ده .. لا لا ان شاء الله انا مش هعرفه اصلا ان كان في اجهزة بالشلل ده زي اجهزتنا

ممكن في يوم من الايام يجي ابني ويقعد يقرأ الحاجات اللي انا كاتبها دي .. ويقول ياااه يا بابا .. انت كنت بتشجع مصر اوووي كده .. على كده انت كنت بتحبها ولا ايام الماتشات بس ؟؟

طب … انا هشجع البرازيل بالعند فيك بقى

وانا اقعد اجري وراه في الشقة … واقوله تعالى يالا يا ابن ال .. تيييييييييييييت .. شجع بلدك ياااض

احــم احـــم

ايه يا عم متسيبني احلم شوية يا جدع .. دا انت غلس صحيح

” ايه يا جدعاااان … هنقضيها فرجة بس ولا ايه ؟؟ … واهم اهم اهم … المصريين اهم “

و اااووووووووووو مصراووووووي

….

ثالثا بقى وده الاهم

اليومين دوول انا تعبان شويتين -صحيا ومحدش يعرف على فكرة ومحدش حاسس بحاجة  .. متقولوش لحد بقى- وبجد انا محتاجلكم ؟؟

محتاج منكم … تدعولي ان ربنا يعدي اليومين الجايين دوول على خير

وحاجة كمان … ادعولي ان ربنا يوفقني واقدر اعمل حاجة في الاجازة دي

احسن انا مش عارف هيا مقفلة معايا ليه كده

بجد بجد دعواتكم ليا

خدوا بالكم من نفسكم .. وكل واحد يحرص على نفسه اليومين دوول

اقعدوا بالعافية

سلام

Ubuntu-8.10

Posted: November 30, 2008 in Occasions
Tags:

السلام عليكم ورحمة الله وبركاته

الحمد لله يا جماعة النهاردة وصلت الى ارض الوطن بسلامة الله … ابونتو 8.10

من المملكة المتحدة (انجلترا)  … هييييييييه

طبعا .. بعد عناء شديد .. وصبر بالاسابيع .. وتاكسيات ورايح جاي على مكتب البريد

اخيرااا … وصلت النهاردة  30/11/2008 في تمام الساعة الواحدة والنصف ظهرا .. بتوقيت بيتنا

بعد ما جيت من المستشفى بشوية

اهو الواحد طلع عينه برضه .. بس الحمد لله الاسطوانة دي جات فرحت الواحد شوية

الحمد لله وصلت الابنتو .. وانا الان مسطبها عندي وبنزلها البرامج اهو علشان تدلع براحتها بقى

مهي Free بقى

يااااااه يا جدعان … بجد الحاجات الـ فريي ليها طعم تاني برضه

حاجة نضيفة جايالك .. وببلاش .. ومن انجلترا

عايز ايه بقى اكتر من كده

مش احسن من الحاجات التانية اللي تطلعلك مليون ايرور

وتشلك وانت بتسطبها

والله يا جدعان … الابنتو دي حكاية … شوفوا الصورة دي كده

elahlawy0031

…..

مش بذمتكم جامدة … وانا كمان جامد في التصوير … الصورة دي وانا واقف على رجل واحدة

يالا … اشوفكم بخير في البوستاية الجاية

دعواتكم ليا

سلااام